ಪ್ಯಾರಿಸ್:ಭಾರತದ ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ–ಚಿರಾಗ್ ಶೆಟ್ಟಿಜೋಡಿಇಲ್ಲಿ ನಡೆಯತ್ತಿರುವ ಫ್ರೆಂಚ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಪುರುಷರ ಡಬಲ್ಸ್ ವಿಭಾಗದಲ್ಲಿ ಕ್ವಾರ್ಟರ್ ಫೈನಲ್ ತಲುಪಿದೆ.
ವಿಶ್ವ ಶ್ರೇಯಾಂಕ ಪಟ್ಟಿಯಲ್ಲಿ 2ನೇ ಕ್ರಮಾಂಕ ಹೊಂದಿರುವ ಇಂಡೋನೇಷಿಯಾದ ಮೊಹಮದ್ ಅಹ್ಸನ್ ಹಾಗೂ ಹೆಂಡ್ರ ಸೆಟಿಯಾವಾನ್ ಜೋಡಿ ಎದುರು 53 ನಿಮಿಷಗಳ ಕಾಲ ಸೆಣಸಾಟ ನಡೆಯಿತು. ಈ ವೇಳೆ ಭಾರತದ ಜೋಡಿ, 21-16, 21-23, 23-21 ಅಂತರದಲ್ಲಿ ಗೆಲುವು ಸಾಧಿಸಿತು.
ರಾಂಕಿರೆಡ್ಡಿ–ಚಿರಾಗ್ ಶೆಟ್ಟಿ ಜೋಡಿಯು ಮುಂದಿನ ಪಂದ್ಯದಲ್ಲಿ ಡೆನ್ಮಾರ್ಕ್ನ ಕಿಮ್ ಅಸ್ತೃಪ್ ಹಾಗೂ ಆಂಡ್ರೆಸ್ ರಾಸ್ಮುಸ್ಸೆನ್ ವಿರುದ್ಧ ಕಣಕ್ಕಿಣಿಯಲಿದೆ. ಡೆನ್ಮಾರ್ಕ್ ಜೋಡಿ ಸದ್ಯ ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ ಎಂಟನೇ ಸ್ಥಾನದಲ್ಲಿದೆ.