ಗ್ವಾಟೆಮಾಲಾ ಆಟಗಾರನಿಗೆ ಕನಸು ಈಡೇರಿಸಿಕೊಳ್ಳುವ ತವಕ

ಟೋಕಿಯೊ : ಒಲಿಂಪಿಕ್ಸ್ನಲ್ಲಿ ಬ್ಯಾಡ್ಮಿಂಟನ್ ಆಡಬೇಕೆಂಬುದು ಆ ಬಾಲಕನ ಕನಸಾಗಿತ್ತು. ಇದಕ್ಕಾಗಿ ಗ್ವಾಟೆಮಾಲಾದ ಗ್ರಾಮೀಣ ಪ್ರದೇಶ ಜ್ಯಕಾಪಾದಿಂದ ರಾಜಧಾನಿಗೆ ವಾಸ್ತವ್ಯ ಬದಲಾಯಿಸಿದಾಗ ಕೆವಿನ್ ಕಾರ್ಡನ್ ವಯಸ್ಸು ಕೇವಲ 12.

. ಆದರೆ ಅವರಿಗೆ ವರ್ಷಗಳ ಕಾಲ ಆ ಕನಸಿನ ಹಾದಿಯಲ್ಲಿ ಪ್ರಗತಿ ಕಾಣಲು ಸಾಧ್ಯವಾಗಲಿಲ್ಲ. ಒಂದಾದ ಮೇಲೆ ಒಂದರಂತೆ ಗಾಯಗಳ ಸಮಸ್ಯೆ. ಹೀಗಾಗಿ ಕ್ರೀಡಾ ಬದುಕಿನ ಉತ್ತುಂಗವೇರಬೇಕೆಂಬ ಬಯಕೆ ಈಡೇರುತ್ತಿರಲಿಲ್ಲ. ಈಗ 34ರ ವಯಸ್ಸಿನಲ್ಲಿ ಕಾರ್ಡನ್ ತಮ್ಮ ಕನಸು ಈಡೇರಿಸಿಕೊಳ್ಳುವ ಕಡೆ ದಾಪುಗಾಲು ಹಾಕಿದ್ದಾರೆ. 59ನೇ ಕ್ರಮಾಂಕದ ಈ ಆಟಗಾರ ತಮಗಿಂತ ಮೇಲಿನ ಕ್ರಮಾಂಕದ ಆಟಗಾರರನ್ನು ಹಿಮ್ಮೆಟ್ಟಿಸಿ ಪುರುಷರ ಸಿಂಗಲ್ಸ್ ಸೆಮಿಫೈನಲ್ಗೆ ಮುನ್ನಡೆದಿದ್ದಾರೆ. ಶನಿವಾರ ನಡೆದ ಕ್ವಾರ್ಟರ್ಫೈನಲ್ನಲ್ಲಿ ಕಾರ್ಡನ್ 21–13, 21–18 ರಿಂದ ಕೊರಿಯಾದ ಹಿಯೊ ಕ್ವಾಂಗೀ ಅವರನ್ನು ಸೋಲಿಸಿ ಸೆಮಿಫೈನಲ್ ತಲುಪಿದ್ದಾರೆ.

. ಗ್ವಾಟೆಮಾಲಾ ಒಲಿಂಪಿಕ್ಸ್ ಇತಿಹಾಸದಲ್ಲಿ ಇದುವರೆಗೆ ಗೆದ್ದಿರುವುದು ಏಕೈಕ ಪದಕವನ್ನು. ಈಗ ಎರಡನೇ ಪದಕದ ನಿರೀಕ್ಷೆಯಲ್ಲಿ ಆ ಬಡ ದೇಶ ಇದೆ.

. ‘ನಾನು ಬರೇ ಆಟವಾಡುತ್ತಿಲ್ಲ. ಪ್ರತಿ ಪಂದ್ಯದಲ್ಲಿ ಹೃದಯ, ಮನಸ್ಸನ್ನು ಪೂರ್ಣವಾಗಿ ತೊಡಗಿಸಿಕೊಂಡಿದ್ದೇನೆ. ನಮ್ಮ ದೇಶದಲ್ಲಿ ಈ ಕ್ರೀಡೆಗಿಂತ ಬೇರೆ ಕ್ಷೇತ್ರಕ್ಕೆ ಹೆಚ್ಚಿನ ಆದ್ಯತೆಗಳಿವೆ’ ಎನ್ನುತ್ತಾರೆ. ಇಂಗ್ಲೆಂಡ್ನ ಫುಟ್ಬಾಲ್ ದಂತಕತೆ ಕೆವಿನ್ ಕೀಗನ್ ಅವರ ನೆನಪಿಗೆ ಪೋಷಕರು ಮಗನಿಗೆ ಈ ಹೆಸರು ಇಟ್ಟಿದ್ದಾರೆ. ಗ್ವಾಟೆಮಾಲಾದಲ್ಲಿ ಫುಟ್ಬಾಲ್ ಪ್ರಮುಖ ಆಟ.

. ರಿಯೊ ಒಲಿಂಪಿಕ್ಸ್ನಲ್ಲಿ (2016) ಕಾರ್ಡನ್ ಅವರು ಗಾಯದ ಸಮಸ್ಯೆಯಿಂದ ಮೊದಲ ಸುತ್ತಿನ ಪಂದ್ಯದ ಅರ್ಧದಲ್ಲೇ ಹಿಂದೆ ಸರಿದಿದ್ದರು. ಈಗ ಟೋಕಿಯೊ ಒಲಿಂಪಿಕ್ಸ್ನ ಸೆಮಿಫೈನಲ್ನಲ್ಲಿ ಅವರು ವಿಶ್ವದ ನಂಬರ್ ಎರಡನೇ ಆಟಗಾರ ವಿಕ್ಟರ್ ಆಕ್ಸೆಲ್ಸನ್ ಎದುರು ಸೆಣಸಬೇಕಾಗಿದೆ.

. ‘ಕೆವಿನ್ ಇಷ್ಟು ಉತ್ತಮ ನಿರ್ವಹಣೆ ತೋರುವರೆಂಬ ಅಂದಾಜು ಯಾರಿಗೂ ಇರಲಿಕ್ಕಿಲ್ಲ. ಅವರದು ಯಶೋಗಾಥೆ. ಆದರೆ ಅವರ ಯಶಸ್ಸಿನ ಓಟಕ್ಕೆ ಅಂತ್ಯ ಹಾಡಲು ನನ್ನಿಂದಾದಷ್ಟು ಸಾಮರ್ಥ್ಯ ತೋರುತ್ತೇನೆ’ ಎಂದಿದ್ದಾರೆ ಡೆನ್ಮಾರ್ಕ್ನ ಆಕ್ಸೆಲ್ಸನ್.

. ಭರ್ಜರಿ ಸ್ಮ್ಯಾಶ್ಗಳನ್ನು ಸಿಡಿಸಿದ ಡೆನ್ಮಾರ್ಕಿನ ಆಟಗಾರ ಇನ್ನೊಂದು ಕ್ವಾರ್ಟರ್ಫೈನಲ್ನಲ್ಲಿ ಚೀನಾದ ಶಿ ಯು ಅವರನ್ನು 21–13, 21–13 ರಿಂದ ಸದೆಬಡಿದರು.

. ಆದರೆ ಆಕ್ಸೆಲ್ಜನ್ ಜೊತೆಗಾರ, ಮೂರನೇ ಶ್ರೇಯಾಂಕದ ಆಂಡರ್ಸ್ ಅಂಟೊನ್ಸೆನ್ ಅವರು ಗಂಟುಮೂಟೆ ಕಟ್ಟಿಕೊಳ್ಳಬೇಕಾಯಿತು. ಇಂಡೊನೇಷ್ಯಾದ ಸಿನಿಸುಕ ಜಿಂಟಿಂಗ್ ಅವರು ಅಂಟೊನ್ಸೆನ್ ಎದುರು ಜಯಗಳಿಸಿದರು. ಜಿಂಟಿಂಗ್ ಸೆಮಿಫೈನಲ್ನಲ್ಲಿ ಚೀನಾದ ಚೆನ್ ಲಾಂಗ್ ಎದುರು ಆಡಲಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗ್ವಾಟೆಮಾಲಾ ಆಟಗಾರನಿಗೆ ಕನಸು ಈಡೇರಿಸಿಕೊಳ್ಳುವ ತವಕ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ