ಹಾಕಿ ಕರ್ನಾಟಕದ ಆಯ್ಕೆ ಟ್ರಯಲ್ಸ್‌ಗೆ ಆಹ್ವಾನ

2005ರ ಜನವರಿ ಒಂದರಂದು ಅಥವಾ ನಂತರ ಜನಿಸಿದವರು ರಾಷ್ಟ್ರೀಯ ಚಾಂಪಿಯನ್‌ಷಿಪ್‌ನಲ್ಲಿ ಪಾಲ್ಗೊಳ್ಳಲು ಅರ್ಹರಾಗಿದ್ದಾರೆ. ಹರಿಯಾಣದ ನರ್ವಾನಾ ಜಿಂದ್‌ನಲ್ಲಿರುವ ನವದೀಪ್ ಕ್ರೀಡಾಂಗಣದಲ್ಲಿ ಮಾರ್ಚ್ 17ರಿಂದ 28ರ ವರೆಗೆ ಬಾಲಕರ ಚಾಂಪಿಯನ್‌ಷಿಪ್‌, ಜಾರ್ಖಂಡ್‌ನ ಸಿಮ್ದೇಗಾದಲ್ಲಿ ಮಾರ್ಚ್ 10ರಿಂದ 21ರ ವರೆಗೆ ಬಾಲಕರ ಚಾಂಪಿಯನ್‌ಷಿಪ್ ನಡೆಯಲಿದೆ.

ಕೊಡಗಿನ ಪೊನ್ನಂಪೇಟೆಯ ಮಿನಿ ಕ್ರೀಡಾಂಗಣದಲ್ಲಿ ಫೆಬ್ರುವರಿ ಆರರಂದು ಬಾಲಕಿಯರ ವಿಭಾಗದ ಮತ್ತು ಏಳರಂದು ಬಾಲಕರ ವಿಭಾಗದ ಆಯ್ಕೆ ನಡೆಯಲಿದೆ. ಕ್ರೀಡಾಪಟುಗಳು ಪಾಸ್‌ಪೋರ್ಟ್ ಅಳತೆಯ ಮೂರು ಫೋಟೊಗಳು, ಆಧಾರ್ ಕಾರ್ಡ್‌ ಮತ್ತು ಜನನ ಪ್ರಮಾಣಪತ್ರದ ಮೂಲ ದಾಖಲೆಯನ್ನು ತೆಗೆದುಕೊಂಡು ಬರಬೇಕು ಎಂದು ಹಾಕಿ ಕರ್ನಾಟಕದ ಪ್ರಧಾನ ಕಾರ್ಯದರ್ಶಿ ಎ.ಬಿ.ಸುಬ್ಬಯ್ಯ ತಿಳಿಸಿದ್ದಾರೆ.