ಕ್ವಾರ್ಟರ್‌ ಫೈನಲ್‌ಗೆ ಪ್ರಣಯ್
ಅಕ್ಷರ ಗಾತ್ರ :ಆ |ಆ |ಆ
ಒಸಾಕ: ಭಾರತದ ಎಚ್‌.ಎಸ್‌.ಪ್ರಣಯ್ ಅವರು ಜಪಾನ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದರು. ಆದರೆ ಕೆ.ಶ್ರೀಕಾಂತ್‌ ಅವರ ಸವಾಲು ಕೊನೆಗೊಂಡಿತು.
ಗುರುವಾರ ನಡೆದ ಪುರುಷರ ಸಿಂಗಲ್ಸ್‌ ವಿಭಾಗದ ಪಂದ್ಯದಲ್ಲಿ ಪ್ರಣಯ್ 22-20 21-19 ರಲ್ಲಿ ಮಾಜಿ ವಿಶ್ವ ಚಾಂಪಿಯನ್ ಸಿಂಗಪುರದ ಲೊ ಕೀನ್ ಯೆವ್‌ ಅವರನ್ನು ಮಣಿಸಿದರು. ಪ್ರಣಯ್ ಅವರು ಲೊ ಕೀನ್ ಜತೆ ಒಟ್ಟು ನಾಲ್ಕು ಸಲ ಪೈಪೋಟಿ ನಡೆಸಿದ್ದು, ಮೂರರಲ್ಲಿ ಗೆಲುವು ಪಡೆದಿದ್ದಾರೆ.
30 ವರ್ಷದ ಪ್ರಣಯ್ ಕ್ವಾರ್ಟರ್‌ ಫೈನಲ್‌ನಲ್ಲಿ ಚೀನಾ ತೈಪೆಯ ಚೌ ತಿಯೆನ್ ಚೆನ್‌ ಅವರನ್ನು ಎದುರಿಸುವರು.
ಶ್ರೀಕಾಂತ್‌ಗೆ ನಿರಾಸೆ: ಪುರುಷರ ಸಿಂಗಲ್ಸ್‌ ವಿಭಾಗದಲ್ಲಿ ಕಣದಲ್ಲಿದ್ದ ಭಾರತದ ಇನ್ನೊಬ್ಬ ಆಟಗಾರ ಶ್ರೀಕಾಂತ್‌ 10–21, 16–21 ರಲ್ಲಿ ಸ್ಥಳೀಯ ಆಟಗಾರ ಕಾಂಟ ಸುನೆಯಮ ಎದುರು ಪರಾಭವಗೊಂಡರು.
ಶ್ರೀಕಾಂತ್‌ ಬುಧವಾರ ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ ವಿಶ್ವದ ಐದನೇ ರ‍್ಯಾಂಕ್‌ನ ಆಟಗಾರ ಮಲೇಷ್ಯಾದ ಲೀ ಜಿ ಜಿಯಾ ಅವರಿಗೆ ಆಘಾತ ನೀಡಿದ್ದರು. ಸುನೆಯಮ ಎದುರು ಅವರು ಅದೇ ಲಯದಲ್ಲಿ ಆಡಲು ವಿಫಲರಾದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
