ಟೇಬಲ್‌ ಟೆನಿಸ್‌ ಟೂರ್ನಿ: ಭಾರತದ ಖಾತೆಗೆ ಏಳು ಪದಕ

ಬೆಂಗಳೂರು: ಭಾರತದ ಟೇಬಲ್ ಟೆನಿಸ್ ಸ್ಪರ್ಧಿಗಳು ಮಸ್ಕತ್ನಲ್ಲಿ ನಡೆಯುತ್ತಿರುವ ಒಮನ್ ಜೂನಿಯರ್ ಮತ್ತು ಕೆಡೆಟ್ ಓಪನ್ ಟೂರ್ನಿಯಲ್ಲಿ ಒಂದು ಚಿನ್ನ ಸೇರಿದಂತೆ ಒಟ್ಟು ಏಳು ಪದಕಗಳನ್ನು ಕೊರಳಿಗೇರಿಸಿಕೊಂಡಿದ್ದಾರೆ.

. ಶುಕ್ರವಾರ ರಾತ್ರಿ ನಡೆದ ಕೆಡೆಟ್ ಬಾಲಕಿಯರ ಫೈನಲ್ನಲ್ಲಿ ಕಾವ್ಯಶ್ರೀ ಭಾಸ್ಕರ್ ಮತ್ತು ನಿಲೀಷ್ಮಾ ಸರ್ಕಾರ್ ಅವರಿದ್ದ ಭಾರತ ‘ಬಿ’ ತಂಡ 3–1ರಿಂದ ಚೀನಾ ತೈಪೆ ‘ಎ’ ತಂಡವನ್ನು ಪರಾಭವಗೊಳಿಸಿ ಚಿನ್ನದ ಸಾಧನೆ ಮಾಡಿತು.

. ಕಾವ್ಯಶ್ರೀ ಅವರು ಆಡಿದ ಎರಡು ಸಿಂಗಲ್ಸ್ ಪಂದ್ಯಗಳಲ್ಲೂ ಗೆದ್ದು ಎಲ್ಲರ ಗಮನ ಸೆಳೆದರು.

. ಭಾರತ ‘ಎ’ ತಂಡವು ಈ ವಿಭಾಗದ ಕಂಚಿನ ಪದಕ ಪಡೆಯಿತು. ಎಸ್.ತನೀಷಾ ಮತ್ತು ಸುಹನಾ ಸೈನಿ ಅವರಿದ್ದ ಭಾರತ ‘ಎ’ ತಂಡ ಸೆಮಿಫೈನಲ್ನಲ್ಲಿ 2–3ರಿಂದ ಭಾರತ ‘ಬಿ’ ತಂಡದ ಎದುರು ಸೋತಿತ್ತು.

. ಕೆಡೆಟ್ ಬಾಲಕರ ವಿಭಾಗದಲ್ಲಿ ಭಾರತ ‘ಎ’ ಮತ್ತು ಭಾರತ ‘ಬಿ’ ತಂಡಗಳು ಕಂಚಿನ ಪದಕ ಗೆದ್ದವು.

. ಆದರ್ಶ್ ಓಂ ಚೆಟ್ರಿ ಮತ್ತು ದಿವ್ಯಾಂಶ್ ಶ್ರೀವಾಸ್ತವ ಅವರಿದ್ದ ಭಾರತ ‘ಎ’ ತಂಡವು ಸೆಮಿಫೈನಲ್ನಲ್ಲಿ 0–3ರಲ್ಲಿ ಚೀನಾ ತೈಪೆ ‘ಎ’ ತಂಡದ ಎದುರು ಸೋತಿತು.

. ನಾಲ್ಕರ ಘಟ್ಟದ ಇನ್ನೊಂದು ಪಂದ್ಯದಲ್ಲಿ ರಾಜ್ ಸುರೇಶ್ ಮತ್ತು ಸಾರ್ಥ್ ಮಿಶ್ರಾ ಅವರನ್ನೊಳಗೊಂಡ ಭಾರತ ‘ಬಿ’ ತಂಡ 0–3ರಲ್ಲಿ ರಷ್ಯಾ ವಿರುದ್ಧ ಮಣಿಯಿತು.

. ಜೂನಿಯರ್ ಬಾಲಕಿಯರ ತಂಡ ವಿಭಾಗದಲ್ಲಿ ಕರ್ನಾಟಕದ ಅನರ್ಘ್ಯಾ ಮಂಜುನಾಥ್ ಮತ್ತು ಸ್ವಸ್ತಿಕಾ ಘೋಷ್ ಅವರಿದ್ದ ಭಾರತ ‘ಎ’ ತಂಡ ಬೆಳ್ಳಿಯ ಪದಕಕ್ಕೆ ಕೊರಳೊಡ್ಡಿತು.

. ರೌಂಡ್ ರಾಬಿನ್ ಮಾದರಿಯಲ್ಲಿ ನಡೆದ ಸ್ಪರ್ಧೆಯಲ್ಲಿ ಅನರ್ಘ್ಯಾ ಮತ್ತು ಸ್ವಸ್ತಿಕಾ ಅವರು ಆಡಿದ ನಾಲ್ಕು ಪಂದ್ಯಗಳ ಪೈಕಿ ಮೂರರಲ್ಲಿ ಗೆದ್ದರು. ಇದರೊಂದಿಗೆ ಏಳು ಪಾಯಿಂಟ್ಸ್ ಕಲೆಹಾಕಿದರು.

. ನಾಲ್ಕನೇ ಹಣಾಹಣಿಯಲ್ಲಿ ಅನರ್ಘ್ಯಾ ಮತ್ತು ಸ್ವಸ್ತಿಕಾ 2–3ರಿಂದ ಚೀನಾ ತೈಪೆ ಆಟಗಾರ್ತಿಯರ ಎದುರು ಸೋತರು. ಹೀಗಾಗಿ ಚಿನ್ನದ ಪದಕದ ಕನಸು ಕಮರಿತು.

. ಇದೇ ವಿಭಾಗದಲ್ಲಿ ಭಾರತ ‘ಬಿ’ ತಂಡ ಕಂಚಿನ ಪದಕ ಜಯಿಸಿತು. ಮುನ್ಮುನ್ ಕುಂದು ಮತ್ತು ಅನುಷಾ ಕುಟುಂಬಳೆ ಅವರಿದ್ದ ತಂಡವು ಎರಡು ಪಂದ್ಯಗಳಲ್ಲಿ ಗೆದ್ದು ಆರು ಪಾಯಿಂಟ್ಸ್ ಗಳಿಸಿತು.

. ಜೂನಿಯರ್ ಬಾಲಕರ ವಿಭಾಗದಲ್ಲಿ ಶ್ರೇಯಾನ್ಸ್ ಗೋಯಲ್ ಮತ್ತು ಹಿಮ್ನಾಕುಲ್ಹ್ಪುಯಿಂಗೆತಾ ಜೆಹೊ ಅವರಿದ್ದ ಭಾರತ ‘ಬಿ’ ತಂಡವು ಕಂಚಿನ ಪದಕ ಗಳಿಸಿತು.

. ಸೆಮಿಫೈನಲ್ನಲ್ಲಿ ಭಾರತ ‘ಬಿ’ ತಂಡ 1–3ರಲ್ಲಿ ಇರಾನ್ ಎದುರು ಸೋತಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಟೇಬಲ್‌ ಟೆನಿಸ್‌ ಟೂರ್ನಿ: ಭಾರತದ ಖಾತೆಗೆ ಏಳು ಪದಕ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ