ಕೆಂಟೊ ಮೊಮೊಟಾಗೆ ಕೋವಿಡ್‌: ಥಾಯ್ಲೆಂಡ್‌ ಓಪನ್‌ ಟೂರ್ನಿಯಿಂದ ಜಪಾನ್‌ ಹಿಂದಕ್ಕೆ

ಟೋಕಿಯೊ: ವಿಶ್ವದ ಅಗ್ರಮಾನ್ಯ ಬ್ಯಾಡ್ಮಿಂಟನ್‌ ಆಟಗಾರ ಕೆಂಟೊ ಮೊಮೊಟಾ ಅವರಿಗೆ ಕೊರೊನಾ ಸೋಂಕು ತಗುಲಿರುವುದು ಭಾನುವಾರ ದೃಢಪಟ್ಟಿದೆ. ಮುಂಜಾಗ್ರತಾ ಕ್ರಮವಾಗಿ  ಜಪಾನ್‌ ಈ ತಿಂಗಳ ಥಾಯ್ಲೆಂಡ್‌ ಓಪನ್‌ ಟೂರ್ನಿಯಿಂದ ಹಿಂದೆ ಸರಿದಿದೆ.

ಈ ವಿಷಯವನ್ನು ಜಪಾನ್‌ ಬ್ಯಾಡ್ಮಿಂಟನ್‌ ಸಂಸ್ಥೆ ತಿಳಿಸಿದೆ. ಒಂದು ವರ್ಷದ ಹಿಂದೆ ಮಲೇಷಿಯಾ ಮಾಸ್ಟರ್ಸ್‌ ಟೂರ್ನಿಯಲ್ಲಿ ಆಡಿ ಕ್ವಾಲಾಲಂಪುರ ವಿಮಾನ ನಿಲ್ದಾಣಕ್ಕೆ ಹೋಗುತ್ತಿದ್ದಾಗ ನಡೆದ ಕಾರು ಅಪಘಾತದಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದ ಮೊಮೊಟಾ, ಥಾಯ್ಲೆಂಡ್‌ನ ಟೂರ್ನಿಯ (ಜನವರಿ 19 ರಿಂದ 24)ಮೂಲಕ ಪುನರಾಗಮನಕ್ಕೆ ಮುಂದಾಗಿದ್ದರು.