ಶುಕ್ರವಾರ, ಸೆಪ್ಟೆಂಬರ್ 25, 2020
25 °C

ಶೂಟಿಂಗ್‌: ಒಲಿಂಪಿಕ್ಸ್‌ ಅರ್ಹತೆಗೆ ದೆಹಲಿ ವಿಶ್ವಕಪ್‌ ನಿರ್ಣಾಯಕ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ನವದೆಹಲಿಯಲ್ಲಿ ಮುಂದಿನ ವರ್ಷ ಮಾರ್ಚ್‌ನಲ್ಲಿ ನಡೆಯಲಿರುವ ವಿಶ್ವಕಪ್‌ ಶೂಟಿಂಗ್‌ ಟೂರ್ನಿಯು ಟೋಕಿಯೊ ಒಲಿಂಪಿಕ್ಸ್‌ ಅರ್ಹತೆಗೆ ನಿರ್ಣಾಯಕವಾಗಿದೆ ಎಂದು ಅಂತರರಾಷ್ಟ್ರೀಯ ಶೂಟಿಂಗ್‌ ಸ್ಪೋರ್ಟ್ ಫೆಡರೇಷನ್‌ (ಐಎಸ್‌ಎಸ್‌ಎಫ್‌) ಹೇಳಿದೆ.

ಜಪಾನ್‌ನ ರಾಜಧಾನಿ ಟೋಕಿಯೊದಲ್ಲಿ ಈ ವರ್ಷದ ಜುಲೈ–ಆಗಸ್ಟ್‌ನಲ್ಲಿ ನಿಗದಿಯಾಗಿದ್ದ ಒಲಿಂಪಿಕ್‌ ಕ್ರೀಡಾಕೂಟವು ಕೋವಿಡ್‌–19 ಹಿನ್ನೆಲೆಯಲ್ಲಿ ಮುಂದಿನ ವರ್ಷಕ್ಕೆ ಮುಂದೂಡಿಕೆಯಾಗಿದೆ.

ದೆಹಲಿಯಲ್ಲಿ ವಿಶ್ವಕಪ್‌ ಟೂರ್ನಿಯು 2021ರ ಮಾರ್ಚ್‌ 19ರಿಂದ 28ರವರೆಗೆ ಪುರುಷ ಹಾಗೂ ಮಹಿಳಾ ವಿಭಾಗಗಳಲ್ಲಿ ನಡೆಯಲಿದೆ.

’ದೆಹಲಿಯಲ್ಲಿ ನಡೆಯಲಿರುವ ಐಎಸ್‌ಎಸ್‌ಎಫ್‌ ವಿಶ್ವಕಪ್‌ ರೈಫಲ್‌/ಪಿಸ್ತೂಲ್‌/ಶಾಟ್‌ಗನ್‌ ಟೂರ್ನಿಯು ವಿಶ್ವ ರ‍್ಯಾಂಕಿಂಗ್‌ ಆಧಾರದಲ್ಲಿ ಟೋಕಿಯೊ ಒಲಿಂಪಿಕ್ಸ್‌ ಅರ್ಹತೆಗೆ ನಿರ್ಣಾಯಕವಾಗಿದೆ‘ ಎಂದು ವಿಶ್ವ ಶೂಟಿಂಗ್‌ ಮಂಡಳಿಯು ತನ್ನ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಿದೆ.

‘ಕಾರ್ಯಕಾರಿ ಸಮಿತಿಯ ಈ ನಿರ್ಧಾರವು 2017ರಲ್ಲಿ ಅಂಗೀಕರಿಸಲ್ಪಟ್ಟ ಮೂಲ ಅರ್ಹತಾ ವ್ಯವಸ್ಥೆಯನ್ನು ಸಾಧ್ಯವಾದಷ್ಟು ನಿರ್ವಹಿಸುವುದರ ಅನುಸಾರವಾಗಿದೆ‘ ಎಂದೂ ಐಎಸ್‌ಎಸ್‌ಎಫ್‌ ತಿಳಿಸಿದೆ.

‘ಒಲಿಂಪಿಕ್‌ ಅರ್ಹತೆಯ ಕೊನೆಯ ಅವಧಿಗಿಂತ (ಜೂನ್‌ 6, 2021) ಮೊದಲು ನಡೆಯುವ ಎಲ್ಲ ವಿಶ್ವ ಚಾಂಪಿಯನ್‌ಷಿಪ್‌ಗಳ ಮೂಲಕ ಒಲಿಂಪಿಕ್ಸ್‌ಗೆ ಕನಿಷ್ಠ ಅರ್ಹತಾ ಸ್ಕೋರ್‌ ಗಳಿಸಬಹುದು‘ ಎಂದು ಐಎಸ್‌ಎಸ್‌ಎಫ್‌ ವಿವರಿಸಿದೆ.

ಐಎಸ್‌ಎಸ್‌ಎಫ್‌ನ ಕ್ಯಾಲೆಂಡರ್‌ ಪ್ರಕಾರ ದಕ್ಷಿಣ ಕೊರಿಯಾ (ಚಾಂಗ್ವಾನ್‌), ಅಜರ್‌ಬೈಜಾನ್‌ (ಬಾಕು), ಈಜಿಪ್ಟ್‌ (ಕೈರೊ) ಹಾಗೂ ಇಟಲಿಗಳಲ್ಲಿ (ಲೊನಾಟೊ) 2021ರಲ್ಲಿ ಶೂಟಿಂಗ್‌ ವಿಶ್ವಕಪ್‌ ಟೂರ್ನಿಗಳು ನಡೆಯಲಿವೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು