ಶನಿವಾರ, ಸೆಪ್ಟೆಂಬರ್ 25, 2021
22 °C

ಚೆಸ್‌: ಸರಿನ್, ರಕ್ಷಿತಾ, ಗುಕೇಶ್‌ಗೆ ಚಿನ್ನ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಚೆನ್ನೈ : ಭಾರತದ ಗ್ರ್ಯಾಂಡ್‌ಮಾಸ್ಟರ್ ನಿಹಾಲ್ ಸರಿನ್‌, ಮಹಿಳಾ ಅಂತರರಾಷ್ಟ್ರೀಯ ಮಾಸ್ಟರ್‌ ರಕ್ಷಿತಾ ರವಿ ಹಾಗೂ ಡಿ.ಗುಕೇಶ್ ಅವರು ಫಿಡೆ ಆನ್‌ಲೈನ್‌ ವಿಶ್ವ ಯೂತ್‌ ಮತ್ತು ಕೆಡೆಟ್ ರ‍್ಯಾಪಿಡ್‌ ಚೆಸ್ ಚಾಂಪಿಯನ್‌ಷಿಪ್‌ನಲ್ಲಿ ಮಂಗಳವಾರ ಚಿನ್ನದ ಪದಕ ಗೆದ್ದುಕೊಂಡರು.

ಸರಿನ್ (ಇಎಲ್‌ಒ ರೇಟಿಂಗ್ 2650) ಅವರು 18 ವರ್ಷದೊಳಗಿನವರ ಮುಕ್ತ ವಿಭಾಗದ ಫೈನಲ್‌ನಲ್ಲಿ 1.5– 0.5 ನಿಂದ ಅರ್ಮೇನಿಯಾದ ಗ್ರ್ಯಾಂಡ್‌ ಮಾಸ್ಟರ್ ಶಾಂತ್‌ ಸರ್ಗ್ಯಾನ್ ಅವರನ್ನು ಸೋಲಿಸಿದರು. 16 ವರ್ಷದೊಳಗಿನ ಬಾಲಕಿಯರ ಫೈನಲ್‌ನಲ್ಲಿ ರಕ್ಷಿತಾ ರವಿ ಇಷ್ಟೇ ಅಂತರದಿಂದ ಚೀನಾದ ಸಾಂಗ್ ಯೂಕ್ಸಿನ್ ಅವರ ಸವಾಲು ಮೀರಿದರು.

14 ವರ್ಷದೊಳಗಿನವರ ಫೈನಲ್ ಹಣಾಹಣಿಯಲ್ಲಿ ಗುಕೇಶ್‌ 2–1ರಿಂದ ರಷ್ಯಾದ ವೊಲೊಡಾರ್ ಮುರ್ಜಿನ್ ಎದುರು ಗೆದ್ದರು.

10 ವರ್ಷದೊಳಗಿವರ ವಿಭಾಗದಲ್ಲಿ ಹಲವು ಅವಕಾಶಗಳನ್ನು ಕೈಚೆಲ್ಲಿದ ಮೃಣ್ಮಯ್ ರಾಜ್‌ಕೋವಾ, ಸೆಮಿಫೈನಲ್‌ನಲ್ಲಿ ಅಮೆರಿಕದ ಆ್ಯಂಡಿ ವುಡ್‌ವರ್ಡ್‌ ಎದುರು ಸೋತರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು