ಗೆಲುವಿನ ಹಾದಿಗೆ ಮರಳಿದ ಪ್ಯಾಂಥರ್ಸ್: ದಿನದ ಎರಡನೇ ಪಂದ್ಯದಲ್ಲಿ ಜೈಪುರ ಪಿಂಕ್‌ ಪ್ಯಾಂಥರ್ಸ್ 45–40ರಲ್ಲಿ ದಬಾಂಬ್‌ ಡೆಲ್ಲಿ ತಂಡ ವನ್ನು ಸೋಲಿಸಿತು. ಸತತ 3 ಪಂದ್ಯಗಳಲ್ಲಿ ನಿರಾಸೆ ಅನುಭವಿಸಿದ್ದ ಪ್ಯಾಂಥರ್ಸ್ ಕೊನೆಗೂ ಗೆಲುವಿನ ಹಾದಿಗೆ ಮರಳಿತು. 16 ಪಾಯಿಂಟ್ಸ್ ಗಳಿಸಿದ ಅರ್ಜುನ್ ದೇಶ್ವಾಲ್‌, ಪ್ಯಾಂಥರ್ಸ್ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದರು. ರಾಹುಲ್‌ ಚೌಧರಿ ಆರು ಪಾಯಿಂಟ್ಸ್ ತಂದುಕೊಟ್ಟರು. ಪ್ರಥಮಾರ್ಧದ ಆಟದಲ್ಲಿ ಜೈಪುರದ ತಂಡ 28–19 ರಲ್ಲಿ ಮೇಲುಗೈ ಸಾಧಿಸಿತ್ತು. ಎರಡನೇ ಅವಧಿಯಲ್ಲಿ ಆಶು ಮಲಿಕ್‌ (15) ಮತ್ತು ನವೀನ್‌ ಕುಮಾರ್‌ (12) ಚುರುಕಿನ ಆಟದ ನೆರವಿನಿಂದ ದಬಾಂಗ್‌ ಹೋರಾಟ ನಡೆಸಿದರೂ ಗೆಲುವು ಒಲಿಯಲಿಲ್ಲ.
