ಮೊದಲ ಕ್ವಾರ್ಟರ್ನಲ್ಲಿ ಎರಡೂ ತಂಡಗಳಿಗೆ ಅಲ್ಲೊಮ್ಮೆ, ಇಲ್ಲೊಮ್ಮೆ ಗೋಲಿನ ಅವಕಾಶಗಳು ದೊರೆತರೂ ಗೋಲುಗಳಾಗಿ ಪರಿವರ್ತನೆ ಆಗಲಿಲ್ಲ. ಎರಡನೇ ಕ್ವಾರ್ಟರ್ನಲ್ಲಿ ಭಾರತ ಮೇಲುಗೈ ಸಾಧಿಸಿ ಕೆಲವು ಪೆನಾಲ್ಟಿ ಕಾರ್ನರ್ಗಳನ್ನು ಪಡೆದರೂ, ಇಂಗ್ಲೆಂಡ್ ಗೋಲ್ಕೀಪರ್ ಮ್ಯಾಡಿ ಹಿಂಚ್ ತಡೆಗೋಡೆಯಾದರು. ಬ್ರಿಟನ್ ನಡೆಸಿದ ಪ್ರತಿದಾಳಿಯೊಂದರಲ್ಲಿ ಭಾರತದ ಗೋಲ್ಕೀಪರ್ ಸವಿತಾ ಪುನಿಯಾ ಕೂಡ ಗೋಲಿನ ಅವಕಾಶವನ್ನು ಉತ್ತಮವಾಗಿ ತಡೆದರು. ವಿರಾಮದ ಅವಧಿಯವರೆಗಿನ ಆಟ ಗೋಲಿಲ್ಲದೇ ಕಳೆಯಿತು.