ನವದೆಹಲಿ: ಭಾರತದ ಸ್ವಾತಂತ್ರ್ಯದ 75ನೇ ವರ್ಷಾಚರಣೆಯ ಪ್ರಯುಕ್ತ ರಾಷ್ಟ್ರವ್ಯಾಪಿ ನಡೆಯಲಿರುವ ‘ಫಿಟ್ ಇಂಡಿಯಾ ಫ್ರೀಡಂ ರನ್‌‘ ಕಾರ್ಯಕ್ರಮದ ಎರಡನೇ ಆವೃತ್ತಿಗೆ ಕೇಂದ್ರ ಕ್ರೀಡಾ ಸಚಿವ ಅನುರಾಗ್ ಠಾಕೂರ್ ಶುಕ್ರವಾರ ಚಾಲನೆ ನೀಡಿದರು.
ಆಗಸ್ಟ್ 15ರಂದು ಆರಂಭವಾಗುವ ಈ ಅಭಿಯಾನವು ಅಕ್ಟೋಬರ್‌ ಎರಡರವರೆಗೆ ನಡೆಯಲಿದೆ. ಇಲ್ಲಿಯ ಮೇಜರ್‌ ಧ್ಯಾನ್‌ಚಂದ್‌ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಕಾರ್ಯಕ್ರಮಕ್ಕೆ ಹಸಿರು ನಿಶಾನೆ ತೋರಲಾಯಿತು.
‘ದೇಶದ 75 ಪ್ರಮುಖ ತಾಣಗಳಲ್ಲಿ ‘ಫ್ರೀಡಂ ರನ್‌‘ ಆಯೋಜಿಸಲಾಗುತ್ತದೆ. ಕನಿಷ್ಠ 750 ಜಿಲ್ಲೆಗಳಿಗೆ ಈ ಅಭಿಯಾನವನ್ನು ಕೊಂಡೊಯ್ದು 7.50 ಕೋಟಿಗಿಂತ ಅಧಿಯ ಯುವಕರು ಮತ್ತು ನಾಗರಿಕರನ್ನು ತಲುಪುವ ಗುರಿಯಿಟ್ಟುಕೊಂಡಿದ್ದೇವೆ‘ ಎಂದು ಠಾಕೂರ್ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
