<p>ರೋಕ್ಲೊ, ಪೋಲೆಂಡ್: ಭಾರತದ ಆರ್ಚರಿಪಟುಗಳು ಯೂತ್ ವಿಶ್ವ ಚಾಂಪಿಯನ್ಷಿಪ್ನ ಕಾಂಪೌಂಡ್ ವಿಭಾಗದಲ್ಲಿ ಮೂರು ಚಿನ್ನ, ತಲಾ ಒಂದು ಬೆಳ್ಳಿ ಹಾಗೂ ಕಂಚಿನ ಪದಕ ಗೆಲ್ಲುವ ಮೂಲಕ ಶ್ರೇಷ್ಠ ಸಾಧನೆ ತೋರಿದ್ದಾರೆ.</p>.<p>ಪ್ರಮುಖ ರಾಷ್ಟ್ರಗಳಾದ ಕೊರಿಯಾ ಹಾಗೂ ಚೀನಾ ಈ ಚಾಂಪಿಯನ್ಷಿಪ್ನಲ್ಲಿ ಸ್ಪರ್ಧಿಗಳನ್ನು ಕಣಕ್ಕಿಳಿಸಿಲ್ಲ. ಹೀಗಾಗಿ ಭಾರತ ಪಾರಮ್ಯ ಸಾಧಿಸಿತು. ಕೆಡೆಟ್ ವಿಭಾಗದ ಪುರುಷ ಮತ್ತು ಮಹಿಳಾ ತಂಡಗಳು ವಿಶ್ವ ಚಾಂಪಿಯನ್ ಆಗಿ ಹೊರಹೊಮ್ಮಿದವು.</p>.<p>ವೈಯಕ್ತಿಕ ವಿಭಾಗದಲ್ಲಿ ಮೆಕ್ಸಿಕೊದ ಸೆಲೆನೆ ರಾಡ್ರಿಗಸ್ ಎದುರು ಸೋತ ಪ್ರಿಯಾ ಗುರ್ಜರ್ (136–139) ಅವರು ಸ್ವಲ್ಪ ಅಂತರದಲ್ಲಿ ಚಿನ್ನ ತಪ್ಪಿಸಿಕೊಂಡರು. ಅವರಿಗೆ ಬೆಳ್ಳಿ ಒಲಿಯಿತು.</p>.<p>ಆದರೆ ಪ್ರಿಯಾ, ಪರ್ಣೀತ್ ಕೌರ್ ಹಾಗೂ ರಿಧು ಸೆಂಥಿಲ್ ಕುಮಾರ್ ಒಟ್ಟಾರೆ ವಿಶ್ವದಾಖಲೆ ಸ್ಕೋರ್ (2067) ಗಳಿಸಿದರು. ಈ ವಿಭಾಗದಲ್ಲಿ ಪರ್ಣೀತ್ ಕೌರ್ ಕಂಚಿನ ಪದಕ ಗೆದ್ದುಕೊಂಡರು.</p>.<p>ಇದಕ್ಕೂ ಮೊದಲು ಪ್ರಿಯಾ, ಪರ್ಣಿತ್ ಹಾಗೂ ರಿಧಿ ವೈಷ್ಣವಿ ಅವರಿದ್ದ ಮಹಿಳಾ ತಂಡವು 228–216ರಿಂದ ಟರ್ಕಿ ತಂಡವನ್ನು ಪರಾಭವಗೊಳಿಸಿ ಚಿನ್ನದ ಪದಕಕ್ಕೆ ಮುತ್ತಿಟ್ಟಿತು. ಪುರುಷರ ತಂಡದಲ್ಲಿದ್ದ ಕುಶಲ್ ದಲಾಲ್, ಸಾಹಿಲ್ ಚೌಧರಿ ಹಾಗೂ ನಿತಿನ್ ಅಪರ್ 233-231ರಿಂದ ಅಗ್ರ ಶ್ರೇಯಾಂಕದ ಅಮೆರಿಕ ತಂಡಕ್ಕೆ ಆಘಾತ ನೀಡಿ ಚಿನ್ನ ತಮ್ಮದಾಗಿಸಿಕೊಂಡರು.</p>.<p>ಮಿಶ್ರ ತಂಡ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಪ್ರಿಯಾ ಹಾಗೂ ದಲಾಲ್ ಫೈನಲ್ನಲ್ಲಿ 155–152ರಿಂದ ಅಮೆರಿಕ ತಂಡವನ್ನು ಸೋಲಿಸುವುದರೊಂದಿಗೆ ಕೆಡೆಟ್ ತಂಡ ವಿಭಾಗದ ಎಲ್ಲ ಚಿನ್ನದ ಪದಕಗಳನ್ನೂ ಭಾರತ ಗೆದ್ದುಕೊಂಡಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ರೋಕ್ಲೊ, ಪೋಲೆಂಡ್: ಭಾರತದ ಆರ್ಚರಿಪಟುಗಳು ಯೂತ್ ವಿಶ್ವ ಚಾಂಪಿಯನ್ಷಿಪ್ನ ಕಾಂಪೌಂಡ್ ವಿಭಾಗದಲ್ಲಿ ಮೂರು ಚಿನ್ನ, ತಲಾ ಒಂದು ಬೆಳ್ಳಿ ಹಾಗೂ ಕಂಚಿನ ಪದಕ ಗೆಲ್ಲುವ ಮೂಲಕ ಶ್ರೇಷ್ಠ ಸಾಧನೆ ತೋರಿದ್ದಾರೆ.</p>.<p>ಪ್ರಮುಖ ರಾಷ್ಟ್ರಗಳಾದ ಕೊರಿಯಾ ಹಾಗೂ ಚೀನಾ ಈ ಚಾಂಪಿಯನ್ಷಿಪ್ನಲ್ಲಿ ಸ್ಪರ್ಧಿಗಳನ್ನು ಕಣಕ್ಕಿಳಿಸಿಲ್ಲ. ಹೀಗಾಗಿ ಭಾರತ ಪಾರಮ್ಯ ಸಾಧಿಸಿತು. ಕೆಡೆಟ್ ವಿಭಾಗದ ಪುರುಷ ಮತ್ತು ಮಹಿಳಾ ತಂಡಗಳು ವಿಶ್ವ ಚಾಂಪಿಯನ್ ಆಗಿ ಹೊರಹೊಮ್ಮಿದವು.</p>.<p>ವೈಯಕ್ತಿಕ ವಿಭಾಗದಲ್ಲಿ ಮೆಕ್ಸಿಕೊದ ಸೆಲೆನೆ ರಾಡ್ರಿಗಸ್ ಎದುರು ಸೋತ ಪ್ರಿಯಾ ಗುರ್ಜರ್ (136–139) ಅವರು ಸ್ವಲ್ಪ ಅಂತರದಲ್ಲಿ ಚಿನ್ನ ತಪ್ಪಿಸಿಕೊಂಡರು. ಅವರಿಗೆ ಬೆಳ್ಳಿ ಒಲಿಯಿತು.</p>.<p>ಆದರೆ ಪ್ರಿಯಾ, ಪರ್ಣೀತ್ ಕೌರ್ ಹಾಗೂ ರಿಧು ಸೆಂಥಿಲ್ ಕುಮಾರ್ ಒಟ್ಟಾರೆ ವಿಶ್ವದಾಖಲೆ ಸ್ಕೋರ್ (2067) ಗಳಿಸಿದರು. ಈ ವಿಭಾಗದಲ್ಲಿ ಪರ್ಣೀತ್ ಕೌರ್ ಕಂಚಿನ ಪದಕ ಗೆದ್ದುಕೊಂಡರು.</p>.<p>ಇದಕ್ಕೂ ಮೊದಲು ಪ್ರಿಯಾ, ಪರ್ಣಿತ್ ಹಾಗೂ ರಿಧಿ ವೈಷ್ಣವಿ ಅವರಿದ್ದ ಮಹಿಳಾ ತಂಡವು 228–216ರಿಂದ ಟರ್ಕಿ ತಂಡವನ್ನು ಪರಾಭವಗೊಳಿಸಿ ಚಿನ್ನದ ಪದಕಕ್ಕೆ ಮುತ್ತಿಟ್ಟಿತು. ಪುರುಷರ ತಂಡದಲ್ಲಿದ್ದ ಕುಶಲ್ ದಲಾಲ್, ಸಾಹಿಲ್ ಚೌಧರಿ ಹಾಗೂ ನಿತಿನ್ ಅಪರ್ 233-231ರಿಂದ ಅಗ್ರ ಶ್ರೇಯಾಂಕದ ಅಮೆರಿಕ ತಂಡಕ್ಕೆ ಆಘಾತ ನೀಡಿ ಚಿನ್ನ ತಮ್ಮದಾಗಿಸಿಕೊಂಡರು.</p>.<p>ಮಿಶ್ರ ತಂಡ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಪ್ರಿಯಾ ಹಾಗೂ ದಲಾಲ್ ಫೈನಲ್ನಲ್ಲಿ 155–152ರಿಂದ ಅಮೆರಿಕ ತಂಡವನ್ನು ಸೋಲಿಸುವುದರೊಂದಿಗೆ ಕೆಡೆಟ್ ತಂಡ ವಿಭಾಗದ ಎಲ್ಲ ಚಿನ್ನದ ಪದಕಗಳನ್ನೂ ಭಾರತ ಗೆದ್ದುಕೊಂಡಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
