<p><strong>ಪ್ಯಾರಿಸ್:</strong> ಹಾಲಿ ಚಾಂಪಿಯನ್ನರಾದ ಕಾರ್ಲೋಸ್ ಅಲ್ಕರಾಜ್ ಮತ್ತು ಇಗಾ ಶ್ವಾಂಟೆಕ್ ಸೋಮವಾರ ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ಕ್ರಮವಾಗಿ ಪುರುಷರ ಮತ್ತು ಮಹಿಳೆಯರ ಸಿಂಗಲ್ಸ್ನಲ್ಲಿ ನೇರ ಸೆಟ್ಗಳ ಗೆಲುವಿನೊಡನೆ ಎರಡನೇ ಸುತ್ತು ಪ್ರವೇಶಿಸಿದರು.</p> <p>ಸ್ಪೇನ್ನ ತಾರೆ ಅಲ್ಕರಾಜ್ 6-3, 6-4, 6-2ರಿಂದ ಇಟಲಿಯ ಕ್ವಾಲಿಫೈಯರ್ ಆಟಗಾರ ಗಿಯುಲಿಯೊ ಜೆಪ್ಪಿಯೇರಿ ಅವರನ್ನು ಹಿಮ್ಮೆಟ್ಟಿಸಿ, ಪ್ರಶಸ್ತಿ ಉಳಿಸಿಕೊಳ್ಳುವ ನಿಟ್ಟಿನಲ್ಲಿ ಅಭಿಯಾನ ಆರಂಭಿಸಿದರು. ಎರಡನೇ ಶ್ರೇಯಾಂಕದ ಅಲ್ಕರಾಜ್ ಮುಂದಿನ ಸುತ್ತಿನಲ್ಲಿ ಹಂಗೇರಿಯ ಫ್ಯಾಬಿಯನ್ ಮರೋಜ್ಸನ್ ಅವರನ್ನು ಎದುರಿಸುವರು.</p> <p>ರೋಲ್ಯಾಂಡ್ ಗ್ಯಾರೋಸ್ನ ಸುಝಾನ್ ಲೆಂಗ್ಲೆನ್ ಕೋರ್ಟ್ನಲ್ಲಿ ನಡೆದ ಹಣಾಹಣಿಯಲ್ಲಿ ವಿಶ್ವದ 310ನೇ ಕ್ರಮಾಂಕದ ಆಟಗಾರನನ್ನು ಸೋಲಿಸಲು 22 ವರ್ಷ ವಯಸ್ಸಿನ ಅಲ್ಕರಾಜ್ ಹೆಚ್ಚು ಸಮಯ ತೆಗೆದುಕೊಳ್ಳಲಿಲ್ಲ.</p> <p>ಪ್ರಸಕ್ತ ಋತುವಿನ ಮಾಂಟೆ ಕಾರ್ಲೊ ಮಾಸ್ಟರ್ಸ್ ಮತ್ತು ಇಟಾಲಿಯನ್ ಓಪನ್ ಟ್ರೋಫಿಗಳನ್ನು ಆವೆ ಮಣ್ಣಿನ ಮೇಲೆ ಗೆದ್ದಿರುವ ಅಲ್ಕರಾಜ್ ಇಲ್ಲೂ ಪ್ರಶಸ್ತಿ ಜಯಿಸುವ ನೆಚ್ಚಿನ ಆಟಗಾರನಾಗಿದ್ದಾರೆ. ಅವರು ಐದನೇ ಗ್ರ್ಯಾನ್ಸ್ಲಾಮ್ ಕಿರೀಟದ ನಿರೀಕ್ಷೆಯಲ್ಲಿದ್ದಾರೆ.</p> <p>ಟೇಲರ್ಗೆ ಆಘಾತ: ಅಮೆರಿಕದ ಟೇಲರ್ ಫ್ರಿಟ್ಜ್ ಮೊದಲ ಸುತ್ತಿನಲ್ಲಿ ನಿರಾಸೆ ಅನುಭವಿಸಿದರು. ಶ್ರೇಯಾಂಕ ರಹಿತ ಜರ್ಮನಿಯ ಡೇನಿಯಲ್ ಆಲ್ಟ್ಮೇಯರ್ 7-5, 3-6, 6-3, 6-1ರಿಂದ ನಾಲ್ಕನೇ ಶ್ರೇಯಾಂಕದ ಟೇಲರ್ ಅವರಿಗೆ ಆಘಾತ ನೀಡಿದರು.</p> <p>ಏಳನೇ ಶ್ರೇಯಾಂಕದ ಕ್ಯಾಸ್ಪರ್ ರೂಡ್ (ನಾರ್ವೆ) 6-3, 6-4, 6-2ರಿಂದ ಆಲ್ಬರ್ಟ್ ರಾಮೋಸ್ ವಿನೋಲಾಸ್ (ಸ್ಪೇನ್) ವಿರುದ್ಧ ನಿರಾಯಾಸವಾಗಿ ಗೆದ್ದರು. 13ನೇ ಶ್ರೇಯಾಂಕದ ಬೆನ್ ಶೆಲ್ಟನ್ (ಅಮೆರಿಕ) 6–4, 4–6, 3–6, 6–2, 6–3ರಿಂದ ಲೊರೆಂಜೊ ಸೊನೆಗೊ (ಇಟಲಿ) ಅವರನ್ನು ಮಣಿಸಿದರು.</p> <p>ಶ್ವಾಂಟೆಕ್ ಶುಭಾರಂಭ: ಪೋಲೆಂಡ್ನ ತಾರೆ 23 ವರ್ಷ ವಯಸ್ಸಿನ ಶ್ವಾಂಟೆಕ್ ಆರಂಭಿಕ ಸುತ್ತಿನಲ್ಲಿ 6-3, 6-3ರಿಂದ ಸ್ಲೊವಾಕಿಯಾದ ರೆಬೆಕಾ ಸ್ರಾಮ್ಕೋವಾ ಅವರನ್ನು ಮಣಿಸಿದರು.</p> <p>ನಾಲ್ಕು ಬಾರಿಯ ಚಾಂಪಿಯನ್ ಶ್ವಾಂಟೆಕ್ ಹಾಲಿ ಋತುವಿನಲ್ಲಿ ಲಯಕ್ಕೆ ಪರದಾಡುತ್ತಿದ್ದು, ವಿಶ್ವ ರ್ಯಾಂಕಿಂಗ್ನಲ್ಲಿ ಐದನೇ ಸ್ಥಾನಕ್ಕೆ ಇಳಿದಿದ್ದಾರೆ. ಅವರಿಗೆ ಮುಂದಿನ ಸುತ್ತಿನಲ್ಲಿ ಅಮೆರಿಕ ಓಪನ್ ಮಾಜಿ ಚಾಂಪಿಯನ್ ಎಮ್ಮಾ ರಾಡುಕಾನು ಎದುರಾಳಿಯಾಗಿದ್ದಾರೆ.</p> <p>ಎರಡು ದಿನಗಳ ಹಿಂದೆ ಸ್ಟ್ರಾಸ್ಬರ್ಗ್ನಲ್ಲಿ ಡಬ್ಲ್ಯುಟಿಎ ಪ್ರಶಸ್ತಿ ಗೆದ್ದು ಬಂದಿರುವ ವಿಂಬಲ್ಡನ್ ಮಾಜಿ ಚಾಂಪಿಯನ್, ಕಜಕಸ್ತಾನದ ಎಲೆನಾ ರಿಬಾಕಿನಾ 6-1, 4-6, 6-4ರಿಂದ ಅರ್ಜೆಂಟೀನಾದ ಜೂಲಿಯಾ ರೀರಾ ಅವರನ್ನು ಸೋಲಿಸಿ ಎರಡನೇ ಸುತ್ತಿಗೆ ಮುನ್ನಡೆದರು. 12ನೇ ಶ್ರೇಯಾಂಕದ ರಿಬಾಕಿನಾ ಅವರಿಗೆ ಅಮೆರಿಕದ ಇವಾ ಜೊವಿಕ್ ಮುಂದಿನ ಎದುರಾಳಿ.</p> <h2>ಒಸಾಕಾಗೆ ನಿರಾಸೆ: </h2><p>ನಾಲ್ಕು ಗ್ರ್ಯಾನ್ಸ್ಲಾಮ್ ಕಿರೀಟಗಳ ಒಡತಿ ನವೋಮಿ ಒಸಾಕಾ ಮೊದಲ ಸುತ್ತಿನಲ್ಲೇ ಹೊರಬಿದ್ದರು. 10ನೇ ಶ್ರೇಯಾಂಕದ ಪೌಲಾ ಬಡೋಸಾ (ಸ್ಪೇನ್) 6-7 (1/7), 6-1, 6-4ರಿಂದ ಜಪಾನ್ ಆಟಗಾರ್ತಿಯನ್ನು ಸದೆಬಡಿದರು.</p><p>ಒಂಬತ್ತನೇ ಶ್ರೇಯಾಂಕದ ಎಮ್ಮಾ ನವರೊ ಮೊದಲ ಸುತ್ತಿನಲ್ಲೇ ಅಭಿಯಾನ ಮುಗಿಸಿದರು. ಸ್ಪೇನ್ನ ಜೆಸ್ಸಿಕಾ ಬೆಜೋಸ್ ಮನೇರಿಯೊ 6-0, 6-1ರಿಂದ ನಿರಾಯಾಸವಾಗಿ ಅಮೆರಿಕದ ಆಟಗಾರ್ತಿಯನ್ನು ಮಣಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್:</strong> ಹಾಲಿ ಚಾಂಪಿಯನ್ನರಾದ ಕಾರ್ಲೋಸ್ ಅಲ್ಕರಾಜ್ ಮತ್ತು ಇಗಾ ಶ್ವಾಂಟೆಕ್ ಸೋಮವಾರ ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ಕ್ರಮವಾಗಿ ಪುರುಷರ ಮತ್ತು ಮಹಿಳೆಯರ ಸಿಂಗಲ್ಸ್ನಲ್ಲಿ ನೇರ ಸೆಟ್ಗಳ ಗೆಲುವಿನೊಡನೆ ಎರಡನೇ ಸುತ್ತು ಪ್ರವೇಶಿಸಿದರು.</p> <p>ಸ್ಪೇನ್ನ ತಾರೆ ಅಲ್ಕರಾಜ್ 6-3, 6-4, 6-2ರಿಂದ ಇಟಲಿಯ ಕ್ವಾಲಿಫೈಯರ್ ಆಟಗಾರ ಗಿಯುಲಿಯೊ ಜೆಪ್ಪಿಯೇರಿ ಅವರನ್ನು ಹಿಮ್ಮೆಟ್ಟಿಸಿ, ಪ್ರಶಸ್ತಿ ಉಳಿಸಿಕೊಳ್ಳುವ ನಿಟ್ಟಿನಲ್ಲಿ ಅಭಿಯಾನ ಆರಂಭಿಸಿದರು. ಎರಡನೇ ಶ್ರೇಯಾಂಕದ ಅಲ್ಕರಾಜ್ ಮುಂದಿನ ಸುತ್ತಿನಲ್ಲಿ ಹಂಗೇರಿಯ ಫ್ಯಾಬಿಯನ್ ಮರೋಜ್ಸನ್ ಅವರನ್ನು ಎದುರಿಸುವರು.</p> <p>ರೋಲ್ಯಾಂಡ್ ಗ್ಯಾರೋಸ್ನ ಸುಝಾನ್ ಲೆಂಗ್ಲೆನ್ ಕೋರ್ಟ್ನಲ್ಲಿ ನಡೆದ ಹಣಾಹಣಿಯಲ್ಲಿ ವಿಶ್ವದ 310ನೇ ಕ್ರಮಾಂಕದ ಆಟಗಾರನನ್ನು ಸೋಲಿಸಲು 22 ವರ್ಷ ವಯಸ್ಸಿನ ಅಲ್ಕರಾಜ್ ಹೆಚ್ಚು ಸಮಯ ತೆಗೆದುಕೊಳ್ಳಲಿಲ್ಲ.</p> <p>ಪ್ರಸಕ್ತ ಋತುವಿನ ಮಾಂಟೆ ಕಾರ್ಲೊ ಮಾಸ್ಟರ್ಸ್ ಮತ್ತು ಇಟಾಲಿಯನ್ ಓಪನ್ ಟ್ರೋಫಿಗಳನ್ನು ಆವೆ ಮಣ್ಣಿನ ಮೇಲೆ ಗೆದ್ದಿರುವ ಅಲ್ಕರಾಜ್ ಇಲ್ಲೂ ಪ್ರಶಸ್ತಿ ಜಯಿಸುವ ನೆಚ್ಚಿನ ಆಟಗಾರನಾಗಿದ್ದಾರೆ. ಅವರು ಐದನೇ ಗ್ರ್ಯಾನ್ಸ್ಲಾಮ್ ಕಿರೀಟದ ನಿರೀಕ್ಷೆಯಲ್ಲಿದ್ದಾರೆ.</p> <p>ಟೇಲರ್ಗೆ ಆಘಾತ: ಅಮೆರಿಕದ ಟೇಲರ್ ಫ್ರಿಟ್ಜ್ ಮೊದಲ ಸುತ್ತಿನಲ್ಲಿ ನಿರಾಸೆ ಅನುಭವಿಸಿದರು. ಶ್ರೇಯಾಂಕ ರಹಿತ ಜರ್ಮನಿಯ ಡೇನಿಯಲ್ ಆಲ್ಟ್ಮೇಯರ್ 7-5, 3-6, 6-3, 6-1ರಿಂದ ನಾಲ್ಕನೇ ಶ್ರೇಯಾಂಕದ ಟೇಲರ್ ಅವರಿಗೆ ಆಘಾತ ನೀಡಿದರು.</p> <p>ಏಳನೇ ಶ್ರೇಯಾಂಕದ ಕ್ಯಾಸ್ಪರ್ ರೂಡ್ (ನಾರ್ವೆ) 6-3, 6-4, 6-2ರಿಂದ ಆಲ್ಬರ್ಟ್ ರಾಮೋಸ್ ವಿನೋಲಾಸ್ (ಸ್ಪೇನ್) ವಿರುದ್ಧ ನಿರಾಯಾಸವಾಗಿ ಗೆದ್ದರು. 13ನೇ ಶ್ರೇಯಾಂಕದ ಬೆನ್ ಶೆಲ್ಟನ್ (ಅಮೆರಿಕ) 6–4, 4–6, 3–6, 6–2, 6–3ರಿಂದ ಲೊರೆಂಜೊ ಸೊನೆಗೊ (ಇಟಲಿ) ಅವರನ್ನು ಮಣಿಸಿದರು.</p> <p>ಶ್ವಾಂಟೆಕ್ ಶುಭಾರಂಭ: ಪೋಲೆಂಡ್ನ ತಾರೆ 23 ವರ್ಷ ವಯಸ್ಸಿನ ಶ್ವಾಂಟೆಕ್ ಆರಂಭಿಕ ಸುತ್ತಿನಲ್ಲಿ 6-3, 6-3ರಿಂದ ಸ್ಲೊವಾಕಿಯಾದ ರೆಬೆಕಾ ಸ್ರಾಮ್ಕೋವಾ ಅವರನ್ನು ಮಣಿಸಿದರು.</p> <p>ನಾಲ್ಕು ಬಾರಿಯ ಚಾಂಪಿಯನ್ ಶ್ವಾಂಟೆಕ್ ಹಾಲಿ ಋತುವಿನಲ್ಲಿ ಲಯಕ್ಕೆ ಪರದಾಡುತ್ತಿದ್ದು, ವಿಶ್ವ ರ್ಯಾಂಕಿಂಗ್ನಲ್ಲಿ ಐದನೇ ಸ್ಥಾನಕ್ಕೆ ಇಳಿದಿದ್ದಾರೆ. ಅವರಿಗೆ ಮುಂದಿನ ಸುತ್ತಿನಲ್ಲಿ ಅಮೆರಿಕ ಓಪನ್ ಮಾಜಿ ಚಾಂಪಿಯನ್ ಎಮ್ಮಾ ರಾಡುಕಾನು ಎದುರಾಳಿಯಾಗಿದ್ದಾರೆ.</p> <p>ಎರಡು ದಿನಗಳ ಹಿಂದೆ ಸ್ಟ್ರಾಸ್ಬರ್ಗ್ನಲ್ಲಿ ಡಬ್ಲ್ಯುಟಿಎ ಪ್ರಶಸ್ತಿ ಗೆದ್ದು ಬಂದಿರುವ ವಿಂಬಲ್ಡನ್ ಮಾಜಿ ಚಾಂಪಿಯನ್, ಕಜಕಸ್ತಾನದ ಎಲೆನಾ ರಿಬಾಕಿನಾ 6-1, 4-6, 6-4ರಿಂದ ಅರ್ಜೆಂಟೀನಾದ ಜೂಲಿಯಾ ರೀರಾ ಅವರನ್ನು ಸೋಲಿಸಿ ಎರಡನೇ ಸುತ್ತಿಗೆ ಮುನ್ನಡೆದರು. 12ನೇ ಶ್ರೇಯಾಂಕದ ರಿಬಾಕಿನಾ ಅವರಿಗೆ ಅಮೆರಿಕದ ಇವಾ ಜೊವಿಕ್ ಮುಂದಿನ ಎದುರಾಳಿ.</p> <h2>ಒಸಾಕಾಗೆ ನಿರಾಸೆ: </h2><p>ನಾಲ್ಕು ಗ್ರ್ಯಾನ್ಸ್ಲಾಮ್ ಕಿರೀಟಗಳ ಒಡತಿ ನವೋಮಿ ಒಸಾಕಾ ಮೊದಲ ಸುತ್ತಿನಲ್ಲೇ ಹೊರಬಿದ್ದರು. 10ನೇ ಶ್ರೇಯಾಂಕದ ಪೌಲಾ ಬಡೋಸಾ (ಸ್ಪೇನ್) 6-7 (1/7), 6-1, 6-4ರಿಂದ ಜಪಾನ್ ಆಟಗಾರ್ತಿಯನ್ನು ಸದೆಬಡಿದರು.</p><p>ಒಂಬತ್ತನೇ ಶ್ರೇಯಾಂಕದ ಎಮ್ಮಾ ನವರೊ ಮೊದಲ ಸುತ್ತಿನಲ್ಲೇ ಅಭಿಯಾನ ಮುಗಿಸಿದರು. ಸ್ಪೇನ್ನ ಜೆಸ್ಸಿಕಾ ಬೆಜೋಸ್ ಮನೇರಿಯೊ 6-0, 6-1ರಿಂದ ನಿರಾಯಾಸವಾಗಿ ಅಮೆರಿಕದ ಆಟಗಾರ್ತಿಯನ್ನು ಮಣಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
