<p><strong>ನವದೆಹಲಿ (ಪಿಟಿಐ)</strong>: ಆರು ವರ್ಷಗಳ ನಂತರ ಭಾರತದ ಟೆನಿಸ್ ಪಟು ರೋಹನ್ ಬೋಪಣ್ಣ ಮತ್ತು ಪಾಕಿಸ್ತಾನದ ಐಸಾಮ್ ಉಲ್ ಹಕ್ ಜೊತೆಗೂಡಿ ಕಣಕ್ಕಿಳಿಯಲಿದ್ದಾರೆ.</p>.<p>ಟೆನಿಸ್ ನಲ್ಲಿ ಇಂಡೋ–ಪಾಕ್ ಎಕ್ಸ್ಪ್ರೆಸ್ ಎಂದೇ ಈ ಜೋಡಿ ಖ್ಯಾತವಾಗಿದೆ. ಇದೇ 15ರಿಂದ ಮೆಕ್ಸಿಕೊದಲ್ಲಿ ನಡೆಯಲಿರುವ ಅಕಾಪುಲ್ಕೊ ಎಟಿಪಿ 500 ಟೂರ್ನಿಯಲ್ಲಿ ಆಡಲಿದ್ದಾರೆ.</p>.<p>2014ರಲ್ಲಿ ಈ ಜೋಡಿಯು ಶೇನಜಾನ್ನಲ್ಲಿ ನಡೆದಿದ್ದ ಎಟಿಪಿ 250 ಟೂರ್ನಿಯಲ್ಲಿ ಆಡಿತ್ತು. 2010ರಲ್ಲಿ ಬೋಪಣ್ಣ ಮತ್ತು ಹಕ್ ಅವರು ಅಮೆರಿಕ ಓಪನ್ ಡಬಲ್ಸ್ ಫೈನಲ್ ಪ್ರವೇಶಿಸಿದ್ದರು. ಬ್ರಯನ್ ಸಹೋದರರ ಮುಂದೆ ಸೋತಿದ್ದರು. ಆ ಸಂದರ್ಭದಲ್ಲಿ ಬೋಪಣ್ಣ–ಹಕ್ ವಿಶ್ವ ರ್ಯಾಂಕಿಂಗ್ನಲ್ಲಿ ಮೂರನೇ ಸ್ಥಾನಕ್ಕೇರಿದ್ದರು.</p>.<p>2012ರಲ್ಲಿ ಲಂಡನ್ ಒಲಿಂಪಿಕ್ಸ್ ನಲ್ಲಿ ಆಡುವ ಸಿದ್ಧತೆಗಾಗಿ ಬೋಪಣ್ಣ ಅವರು ಭಾರತದವರೇ ಆದ ಮಹೇಶ್ ಭೂಪತಿಯವರೊಂದಿಗೆ ಜೊತೆಯಾದರು. ಈ ಹಂತದಲ್ಲಿ ಹಕ್ ಅವರೊಂದಿಗೆ ಪಾಲುದಾರಿಕೆ ಮುರಿಯಿತು. ಅದಾಗಿ ಎರಡು ವರ್ಷಗಳ ನಂತರ ಮತ್ತೆ ಜೊತೆಗೂಡಿದರು. ಈಗ ಇಬ್ಬರಿಗೂ 40 ವರ್ಷ ವಯಸ್ಸು.</p>.<p>’ಆಸ್ಟ್ರೇಲಿಯಾದಲ್ಲಿ ಇಬ್ಬರೂ ಬಹಳ ಸಮಯ ಜೊತೆಗೆ ಇದ್ದೇವು. ಬಹಳಷ್ಟು ಸಮಾಲೋಚನೆ ಮಾಡಿದೆವು. ಅವರಿಗೂ ಡಬಲ್ಸ್ ಜೊತೆಗಾರನ ಅವಶ್ಯಕತೆ ಇತ್ತು. ನನಗೂ ಅಗತ್ಯವಿತ್ತು. ಆದ್ದರಿಂದ ಜೊತೆಗೂಡಿದೆವು‘ ಎಂದು ಐಸಾಮ್ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ)</strong>: ಆರು ವರ್ಷಗಳ ನಂತರ ಭಾರತದ ಟೆನಿಸ್ ಪಟು ರೋಹನ್ ಬೋಪಣ್ಣ ಮತ್ತು ಪಾಕಿಸ್ತಾನದ ಐಸಾಮ್ ಉಲ್ ಹಕ್ ಜೊತೆಗೂಡಿ ಕಣಕ್ಕಿಳಿಯಲಿದ್ದಾರೆ.</p>.<p>ಟೆನಿಸ್ ನಲ್ಲಿ ಇಂಡೋ–ಪಾಕ್ ಎಕ್ಸ್ಪ್ರೆಸ್ ಎಂದೇ ಈ ಜೋಡಿ ಖ್ಯಾತವಾಗಿದೆ. ಇದೇ 15ರಿಂದ ಮೆಕ್ಸಿಕೊದಲ್ಲಿ ನಡೆಯಲಿರುವ ಅಕಾಪುಲ್ಕೊ ಎಟಿಪಿ 500 ಟೂರ್ನಿಯಲ್ಲಿ ಆಡಲಿದ್ದಾರೆ.</p>.<p>2014ರಲ್ಲಿ ಈ ಜೋಡಿಯು ಶೇನಜಾನ್ನಲ್ಲಿ ನಡೆದಿದ್ದ ಎಟಿಪಿ 250 ಟೂರ್ನಿಯಲ್ಲಿ ಆಡಿತ್ತು. 2010ರಲ್ಲಿ ಬೋಪಣ್ಣ ಮತ್ತು ಹಕ್ ಅವರು ಅಮೆರಿಕ ಓಪನ್ ಡಬಲ್ಸ್ ಫೈನಲ್ ಪ್ರವೇಶಿಸಿದ್ದರು. ಬ್ರಯನ್ ಸಹೋದರರ ಮುಂದೆ ಸೋತಿದ್ದರು. ಆ ಸಂದರ್ಭದಲ್ಲಿ ಬೋಪಣ್ಣ–ಹಕ್ ವಿಶ್ವ ರ್ಯಾಂಕಿಂಗ್ನಲ್ಲಿ ಮೂರನೇ ಸ್ಥಾನಕ್ಕೇರಿದ್ದರು.</p>.<p>2012ರಲ್ಲಿ ಲಂಡನ್ ಒಲಿಂಪಿಕ್ಸ್ ನಲ್ಲಿ ಆಡುವ ಸಿದ್ಧತೆಗಾಗಿ ಬೋಪಣ್ಣ ಅವರು ಭಾರತದವರೇ ಆದ ಮಹೇಶ್ ಭೂಪತಿಯವರೊಂದಿಗೆ ಜೊತೆಯಾದರು. ಈ ಹಂತದಲ್ಲಿ ಹಕ್ ಅವರೊಂದಿಗೆ ಪಾಲುದಾರಿಕೆ ಮುರಿಯಿತು. ಅದಾಗಿ ಎರಡು ವರ್ಷಗಳ ನಂತರ ಮತ್ತೆ ಜೊತೆಗೂಡಿದರು. ಈಗ ಇಬ್ಬರಿಗೂ 40 ವರ್ಷ ವಯಸ್ಸು.</p>.<p>’ಆಸ್ಟ್ರೇಲಿಯಾದಲ್ಲಿ ಇಬ್ಬರೂ ಬಹಳ ಸಮಯ ಜೊತೆಗೆ ಇದ್ದೇವು. ಬಹಳಷ್ಟು ಸಮಾಲೋಚನೆ ಮಾಡಿದೆವು. ಅವರಿಗೂ ಡಬಲ್ಸ್ ಜೊತೆಗಾರನ ಅವಶ್ಯಕತೆ ಇತ್ತು. ನನಗೂ ಅಗತ್ಯವಿತ್ತು. ಆದ್ದರಿಂದ ಜೊತೆಗೂಡಿದೆವು‘ ಎಂದು ಐಸಾಮ್ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>