<p><strong>ಕೋಲ್ಕತ್ತ: </strong>ಭಾರತದ ಅನುಭವಿ ಟೆನಿಸ್ ಆಟಗಾರ ಲಿಯಾಂಡರ್ ಪೇಸ್ ಅವರು ಸತತ ಎಂಟನೇ ಒಲಿಂಪಿಕ್ಸ್ ಆಡಿ ಇತಿಹಾಸ ನಿರ್ಮಿಸುವ ಕನಸುಹೊತ್ತಿದ್ದಾರೆ. ಆ ಕನಸು ಕನಸಾಗಿಯೇ ಉಳಿಯಲಿದೆಯೇ ಎಂಬ ಸಂಶಯ ಅವರನ್ನು ಸದ್ಯ ಕಾಡುತ್ತಿದೆ.</p>.<p>2020 ತಮ್ಮ ಕೊನೆಯ ಟೆನಿಸ್ ಋತು ಎಂದು ಬುಧವಾರ ತಮ್ಮ 47ನೇ ವಸಂತಕ್ಕೆ ಕಾಲಿಟ್ಟಿರುವ ಪೇಸ್ ಪ್ರಕಟಿಸಿದ್ದರು. ಅಂದರೆ 2020ರಲ್ಲಿ ನಿಗದಿಯಾಗಿದ್ದ ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಆಡಬೇಕೆಂದು ಅವರ ಬಯಕೆಯಾಗಿತ್ತು. ಆದರೆ ಕೋವಿಡ್–19 ಪಿಡುಗಿನ ಹಿನ್ನೆಲೆಯಲ್ಲಿ ಈ ಕೂಟವು 2021ಕ್ಕೆ ಮುಂದೂಡಲ್ಪಟ್ಟಿದೆ.</p>.<p>‘ಟೋಕಿಯೊ ಒಲಿಂಪಿಕ್ಸ್ ಕುರಿತು ನನಗೆ ಕಳವಳವಿದೆ. ಏಕೆಂದರೆ ಇದು ನನ್ನ ಇತಿಹಾಸ ಸೃಷ್ಟಿಗೆ ಸಂಬಂಧಿಸಿದ ಕೂಟ, ನನ್ನ ಆಸ್ತಿ. ಈ ಕೂಟದ ಮೂಲಕ ನನ್ನ ಕ್ರೀಡಾ ಅಭಿಯಾನ ಕೊನೆಗೊಳಿಸಬೇಕೆಂದುಕೊಂಡಿದ್ದೆ. ಈಗ ಕೂಟ ಮುಂದೂಡಿಕೆಯಾಗಿದೆ. ವಿಶ್ವ ಆರ್ಥಿಕತೆ ಕುಸಿಯುತ್ತಿರುವ ಈ ಸಂದರ್ಭದಲ್ಲಿ ಒಲಿಂಪಿಕ್ಸ್ನ ಪ್ರಾಯೋಜಕರು ಕೂಟಕ್ಕೆ ಹೇಗೆ ತಮ್ಮ ನೆರವು ಮುಂದುವರಿಸುತ್ತಾರೆ’ ಎಂದು ಇಂಡಿಯನ್ ಚೇಂಬರ್ ಆಫ್ ಕಾಮರ್ಸ್ ಆಯೋಜಿಸಿದ್ದ ಯಂಗ್ ಲೀಡರ್ಸ್ ಫೋರಮ್ ವೆಬಿನಾರ್ನಲ್ಲಿ ಪೇಸ್ ಹೇಳಿದ್ದಾರೆ.</p>.<p>ಕೋವಿಡ್–19ಕ್ಕೆ ಲಸಿಕೆ ಕಂಡುಹಿಡಿಯದೆ, 2021ರಲ್ಲೂ ಒಲಿಂಪಿಕ್ಸ್ ನಡೆಯುವಂತೆ ಕಾಣುತ್ತಿಲ್ಲ. ಪ್ರೇಕ್ಷಕರಿಲ್ಲದೆ ಒಲಿಂಪಿಕ್ಸ್ ಆಯೋಜಿಸುವಷ್ಟು ಜಪಾನ್ನ ಕ್ರೀಡಾ ಆಡಳಿತ ಮಂಡಳಿಗಳು ಸಮರ್ಥವಾಗಿವೆಯೇ? ಖಾಲಿ ಕ್ರೀಡಾಂಗಣದಲ್ಲಿ ನಡೆಸಿದರೆ ಅವರಿಗೆ ಆದಾಯ ಬರುವುದಾದರೂ ಹೇಗೆ’ ಎಂದು ಪೇಸ್ ಪ್ರಶ್ನಿಸಿದರು.</p>.<p>‘ಕೋವಿಡ್ನಿಂದ ಉಂಟಾದ ಲಾಕ್ಡೌನ್ನಿಂದಾಗಿ ನನ್ನನ್ನು ನಾನೇ ವಿಮರ್ಶಿಸಿಕೊಳ್ಳಲು ಸಾಧ್ಯವಾಯಿತು. ಹೋದ 93 ದಿನಗಳ ಕಾಲ ತಂದೆಯೊಂದಿಗೆ ಸಮಯ ಕಳೆಯಲು ಸಾಧ್ಯವಾಯಿತು’ ಎಂದು ಅವರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲ್ಕತ್ತ: </strong>ಭಾರತದ ಅನುಭವಿ ಟೆನಿಸ್ ಆಟಗಾರ ಲಿಯಾಂಡರ್ ಪೇಸ್ ಅವರು ಸತತ ಎಂಟನೇ ಒಲಿಂಪಿಕ್ಸ್ ಆಡಿ ಇತಿಹಾಸ ನಿರ್ಮಿಸುವ ಕನಸುಹೊತ್ತಿದ್ದಾರೆ. ಆ ಕನಸು ಕನಸಾಗಿಯೇ ಉಳಿಯಲಿದೆಯೇ ಎಂಬ ಸಂಶಯ ಅವರನ್ನು ಸದ್ಯ ಕಾಡುತ್ತಿದೆ.</p>.<p>2020 ತಮ್ಮ ಕೊನೆಯ ಟೆನಿಸ್ ಋತು ಎಂದು ಬುಧವಾರ ತಮ್ಮ 47ನೇ ವಸಂತಕ್ಕೆ ಕಾಲಿಟ್ಟಿರುವ ಪೇಸ್ ಪ್ರಕಟಿಸಿದ್ದರು. ಅಂದರೆ 2020ರಲ್ಲಿ ನಿಗದಿಯಾಗಿದ್ದ ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಆಡಬೇಕೆಂದು ಅವರ ಬಯಕೆಯಾಗಿತ್ತು. ಆದರೆ ಕೋವಿಡ್–19 ಪಿಡುಗಿನ ಹಿನ್ನೆಲೆಯಲ್ಲಿ ಈ ಕೂಟವು 2021ಕ್ಕೆ ಮುಂದೂಡಲ್ಪಟ್ಟಿದೆ.</p>.<p>‘ಟೋಕಿಯೊ ಒಲಿಂಪಿಕ್ಸ್ ಕುರಿತು ನನಗೆ ಕಳವಳವಿದೆ. ಏಕೆಂದರೆ ಇದು ನನ್ನ ಇತಿಹಾಸ ಸೃಷ್ಟಿಗೆ ಸಂಬಂಧಿಸಿದ ಕೂಟ, ನನ್ನ ಆಸ್ತಿ. ಈ ಕೂಟದ ಮೂಲಕ ನನ್ನ ಕ್ರೀಡಾ ಅಭಿಯಾನ ಕೊನೆಗೊಳಿಸಬೇಕೆಂದುಕೊಂಡಿದ್ದೆ. ಈಗ ಕೂಟ ಮುಂದೂಡಿಕೆಯಾಗಿದೆ. ವಿಶ್ವ ಆರ್ಥಿಕತೆ ಕುಸಿಯುತ್ತಿರುವ ಈ ಸಂದರ್ಭದಲ್ಲಿ ಒಲಿಂಪಿಕ್ಸ್ನ ಪ್ರಾಯೋಜಕರು ಕೂಟಕ್ಕೆ ಹೇಗೆ ತಮ್ಮ ನೆರವು ಮುಂದುವರಿಸುತ್ತಾರೆ’ ಎಂದು ಇಂಡಿಯನ್ ಚೇಂಬರ್ ಆಫ್ ಕಾಮರ್ಸ್ ಆಯೋಜಿಸಿದ್ದ ಯಂಗ್ ಲೀಡರ್ಸ್ ಫೋರಮ್ ವೆಬಿನಾರ್ನಲ್ಲಿ ಪೇಸ್ ಹೇಳಿದ್ದಾರೆ.</p>.<p>ಕೋವಿಡ್–19ಕ್ಕೆ ಲಸಿಕೆ ಕಂಡುಹಿಡಿಯದೆ, 2021ರಲ್ಲೂ ಒಲಿಂಪಿಕ್ಸ್ ನಡೆಯುವಂತೆ ಕಾಣುತ್ತಿಲ್ಲ. ಪ್ರೇಕ್ಷಕರಿಲ್ಲದೆ ಒಲಿಂಪಿಕ್ಸ್ ಆಯೋಜಿಸುವಷ್ಟು ಜಪಾನ್ನ ಕ್ರೀಡಾ ಆಡಳಿತ ಮಂಡಳಿಗಳು ಸಮರ್ಥವಾಗಿವೆಯೇ? ಖಾಲಿ ಕ್ರೀಡಾಂಗಣದಲ್ಲಿ ನಡೆಸಿದರೆ ಅವರಿಗೆ ಆದಾಯ ಬರುವುದಾದರೂ ಹೇಗೆ’ ಎಂದು ಪೇಸ್ ಪ್ರಶ್ನಿಸಿದರು.</p>.<p>‘ಕೋವಿಡ್ನಿಂದ ಉಂಟಾದ ಲಾಕ್ಡೌನ್ನಿಂದಾಗಿ ನನ್ನನ್ನು ನಾನೇ ವಿಮರ್ಶಿಸಿಕೊಳ್ಳಲು ಸಾಧ್ಯವಾಯಿತು. ಹೋದ 93 ದಿನಗಳ ಕಾಲ ತಂದೆಯೊಂದಿಗೆ ಸಮಯ ಕಳೆಯಲು ಸಾಧ್ಯವಾಯಿತು’ ಎಂದು ಅವರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
