ಲಕ್ಸೆಂಬರ್ಗ್‌ ಓಪನ್ ಟೆನಿಸ್ ಟೂರ್ನಿ: ಸಾನಿಯಾ, ಶುಯಿ ಜಾಂಗ್ ಸೋಲು
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಭಾರತದ ಸಾನಿಯಾ ಮಿರ್ಜಾ ಹಾಗೂ ಚೀನಾದ ಶುಯಿ ಜಾಂಗ್ ಜೋಡಿಯು ಲಕ್ಸೆಂಬರ್ಗ್‌ ಓಪನ್ ಟೆನಿಸ್ ಟೂರ್ನಿಯಿಂದ ಹೊರಬಿದ್ದಿದ್ದಾರೆ.
ಗುರುವಾರ ಲಕ್ಸೆಂಬರ್ಗ್‌ನಲ್ಲಿ ನಡೆದ ಮಹಿಳಾ ಡಬಲ್ಸ್ ಕ್ವಾರ್ಟರ್‌ಫೈನಲ್ ಪಂದ್ಯದಲ್ಲಿ ಎರಡನೇ ಶ್ರೇಯಾಂಕ ಪಡೆದಿದ್ದ ಈ ಜೋಡಿಯು 6–3, 3–6, 8–10ರಿಂದ ಬೆಲ್ಜಿಯಂನ ಗ್ರೀಟ್‌ ಮಿನ್ನೆನ್‌–ಅಲಿಸನ್ ವ್ಯಾನ್‌ ಉತ್ವಂಕ್‌ ಎದುರು ನಿರಾಸೆ ಅನುಭವಿಸಿತು. ಬೆಲ್ಜಿಯಂ ಆಟಗಾರ್ತಿಯರು ಶ್ರೇಯಾಂಕರಹಿತರಾಗಿದ್ದರು. ಒಂದು ತಾಸು 11 ನಿಮಿಷಗಳ ಕಾಲ ಈ ಪಂದ್ಯ ನಡೆಯಿತು.
ಮೊದಲ ಸೆಟ್‌ ಗೆದ್ದು ಭರವಸೆ ಮೂಡಿಸಿದ್ದ ಸಾನಿಯಾ–ಜಾಂಗ್‌ಗೆ ಅದೇ ಲಯ ಮುಂದುವರಿಸಲು ಸಾಧ್ಯವಾಗಲಿಲ್ಲ. 16ರ ಘಟ್ಟದ ಪಂದ್ಯದಲ್ಲಿ ಭಾರತ–ಚೀನಾ ಆಟಗಾರ್ತಿಯರು ಜರ್ಮನಿಯ ಸಹೋದರಿಯರಾದ ತಯಿಸಿಯಾ ಮೊರ್ದರ್ಗರ್‌ ಮತ್ತು ಯಾನಾ ಅವರನ್ನು ಸೋಲಿಸಿದ್ದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
