ಜನವರಿಯಲ್ಲಿ ಆಸ್ಟ್ರೇಲಿಯಾ ಓಪನ್ ಟೆನಿಸ್ ಖಚಿತ

ಮೆಲ್ಬರ್ನ್ ಪಾರ್ಕ್‌ನಲ್ಲಿ ಜನವರಿ 18 ರಿಂದ 31ರವರೆಗೆ ಟೂರ್ನಿ ನಡೆಯಲಿದೆ. ಆಸ್ಟ್ರೇಲಿಯಾದ ಹಲವೆಡೆ ಕೊರೊನಾ ವೈರಸ್‌ ಹಾವಳಿ ಹೆಚ್ಚುತ್ತಿರುವುದರ ನಡುವೆಯೂ ಆಯೋಜಕರು ಟೂರ್ನಿಯನ್ನು ನಡೆಸುವ ವಿಶ್ವಾಸದಲ್ಲಿದ್ದಾರೆ.

ಕ್ವಾರಂಟೈನ್ ನಿಯಮ ಪಾಲಿಸಲು ಆಟಗಾರರು ಡಿಸೆಂಬರ್‌ ಮೂರನೇ ವಾರದಲ್ಲಿಯೇ ಆಸ್ಟ್ರೇಲಿಯಾಕ್ಕೆ ಬರಬೇಕು. ಜೊತೆಗೆ ವಿಶೇಷ ತರಬೇತಿ ತಾಣದಲ್ಲಿ ಅಭ್ಯಾಸ ನಡೆಸಬೇಕು.

’ಕಳೆದ 24 ಗಂಟೆಗಳಲ್ಲಿ ಟೆನಿಸ್ ಆಸ್ಟ್ರೇಲಿಯಾದೊಂದಿಗೆ ಹಲವು ಸುತ್ತುಗಳ ಚರ್ಚೆ ನಡೆಸಿದ್ದೇವೆ. ಆಟಗಾರರ ಸುರಕ್ಷತೆ ಮತ್ತು ವಸತಿ , ಪ್ರಯಾಣ ಸೌಲಭ್ಯಗಳಿಗೆ ಸಂಬಂಧಿಸಿದಂತೆ ಕೆಲವು ಹೊಸ ಸವಾಲುಗಳಿವೆ. ನಾವು ನಿರಂತರವಾಗಿ ಪರಿಸ್ಥಿತಿಯನ್ನು ಅವಲೋಕಿಸುತ್ತಿದ್ದೇವೆ. ಆಯೋಜಕರ ಜೊತೆಗೆ ಚರ್ಚೆ ನಡೆಸುತ್ತಿದ್ದೇವೆ. ಜನವರಿಯಲ್ಲಿಯೇ ಟೂರ್ನಿ ನಡೆಸುವ ಕುರಿತ ಖಚಿತ ಮಾಹಿತಿಯನ್ನು ನೀಡುತ್ತೇವೆ‘ ಎಂದು ಎಟಿಪಿ ಅಧಿಕಾರಿಗಳು ತಿಳಿಸಿದ್ದಾರೆ.