ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಎಬಿಎನ್‌ ಆ್ಯಮ್ರೊ ವರ್ಲ್ಡ್‌ ಟೆನಿಸ್‌ ಟೂರ್ನಿ: ಸೆಮಿಗೆ ಬೋಪಣ್ಣ–ಶಪೊವಲೋವ್‌

Last Updated 14 ಫೆಬ್ರುವರಿ 2020, 15:24 IST
ಅಕ್ಷರ ಗಾತ್ರ

ರೋಟರ್‌ಡ್ಯಾಮ್‌: ಭಾರತದ ರೋಹನ್‌ ಬೋಪಣ್ಣ ಮತ್ತು ಕೆನಡಾದ ಡೆನಿಸ್‌ ಶಪೊವಲೋವ್‌ ಅವರು ಎಬಿಎನ್‌ ಆ್ಯಮ್ರೊ ವರ್ಲ್ಡ್‌ ಟೆನಿಸ್‌ ಟೂರ್ನಿಯಲ್ಲಿ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟಿದ್ದಾರೆ.

ಗುರುವಾರ ರಾತ್ರಿ ನಡೆದ ಪುರುಷರ ಡಬಲ್ಸ್‌ ವಿಭಾಗದ ಕ್ವಾರ್ಟರ್‌ ಫೈನಲ್‌ನಲ್ಲಿ ಬೋಪಣ್ಣ ಮತ್ತು ಶಪೊವಲೋವ್‌ 6–2, 3–6, 10–7ರಲ್ಲಿ ನಾಲ್ಕನೇ ಶ್ರೇಯಾಂಕದ ಜೀನ್‌ ಜೂಲಿಯನ್‌ ರೋಜರ್‌ ಮತ್ತು ಹೋರಿಯಾ ಟೆಕಾವ್‌ಗೆ ಆಘಾತ ನೀಡಿದರು.

ಶ್ರೇಯಾಂಕ ರಹಿತ ಜೋಡಿ ಬೋಪಣ್ಣ ಮತ್ತು ಡೆನಿಸ್‌, ಮೊದಲ ಸೆಟ್‌ನಲ್ಲಿ ಅಮೋಘ ಸರ್ವ್‌ಗಳನ್ನು ಮಾಡಿತು. ಮೂರು ಬ್ರೇಕ್‌ ಪಾಯಿಂಟ್ಸ್‌ಗಳನ್ನು ಕಲೆಹಾಕಿ ಸುಲಭವಾಗಿ ಸೆಟ್‌ ಜಯಿಸಿತು.

ಎರಡನೇ ಸೆಟ್‌ನಲ್ಲಿ ರುಮೇನಿಯಾದ ಟೆಕಾವ್‌ ಮತ್ತು ನೆದರ್ಲೆಂಡ್ಸ್‌ನ ರೋಜರ್‌ ತಿರುಗೇಟು ನೀಡಿ 1–1 ಸಮಬಲ ಸಾಧಿಸಿದರು.

‘ಟೈ’ ಬ್ರೇಕರ್‌ನಲ್ಲಿ ಎರಡೂ ಜೋಡಿಗಳು ಜಿದ್ದಾಜಿದ್ದಿನಿಂದ ಸೆಣಸಿದವು. ಆಕರ್ಷಕ ಡ್ರಾಪ್‌ ಮತ್ತು ಬೇಸ್‌ಲೈನ್‌ ಸ್ಮ್ಯಾಷ್‌ಗಳ ಮೂಲಕ ಪಾಯಿಂಟ್ಸ್‌ ಕಲೆಹಾಕಿದ ಬೋಪಣ್ಣ ಮತ್ತು ಶಪೊವಲೋವ್‌ ಪಂದ್ಯ ಗೆದ್ದು ಸಂಭ್ರಮಿಸಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT