<p><strong>ಪ್ಯಾರಿಸ್</strong>: ಸುಲಭ ಜಯ ಸಂಪಾದಿಸಿದ ಬೆಲಾರೂಸ್ನ ಅರಿನಾ ಸಬಲೆಂಕಾ ಅವರು ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯ ಎರಡನೇ ಸುತ್ತಿಗೆ ಮುನ್ನಡೆದರು.</p>.<p>ರೋಲ್ಯಾಂಡ್ ಗ್ಯಾರೊಸ್ನಲ್ಲಿ ಭಾನುವಾರ ನಡೆದ ಮಹಿಳಾ ಸಿಂಗಲ್ಸ್ ವಿಭಾಗದ ಮೊದಲ ಸುತ್ತಿನ ಪಂದ್ಯದಲ್ಲಿ ಅರಿನಾ 6-3, 6-2ರಿಂದ ಮಾರ್ಟಾ ಅವರನ್ನು ಪರಾಭವಗೊಳಿಸಿದರು.</p>.<p>ಪಂದ್ಯ ಮುಗಿದ ಬಳಿಕ ಉಕ್ರೇನ್ನ ಮಾರ್ಟಾ ಕೊಸ್ತಿಯುಕ್ ಅವರು ಅರಿನಾ ಅವರ ಕೈಕುಲುಕಲು ನಿರಾಕರಿಸಿ ಅಪಹಾಸ್ಯಕ್ಕೊಳಗಾದರು. ರಷ್ಯಾ ಮತ್ತು ಉಕ್ರೇನ್ ನಡುವಣ ರಾಜಕೀಯ ಸಂಘರ್ಷದ ಕರಿನೆರಳು ಕ್ರೀಡೆಯನ್ನು ಇನ್ನೂ ಬಾಧಿಸುತ್ತಿದೆ ಎಂಬುದಕ್ಕೆ ಈ ಪ್ರಸಂಗ ಸಾಕ್ಷಿಯಾಯಿತು.</p>.<p>ಪಂದ್ಯದ ಕೊನೆಯ 12 ಗೇಮ್ಗಳಲ್ಲಿ 10ನ್ನು ತನ್ನದಾಗಿಸಿಕೊಂಡ ಅರಿನಾ, ಉಕ್ರೇನ್ ಆಟಗಾರ್ತಿಯನ್ನು ಸುಲಭವಾಗಿ ಸೋಲಿಸಿದರು. ಪಂದ್ಯ ಕೊನೆಗೊಂಡ ತಕ್ಷಣವೇ ಮಾರ್ಟಾ ಅವರು ಅರಿನಾ ಅವರನ್ನು ಅಭಿನಂದಿಸದೇ ತಮಗೆ ಮೀಸಲಿದ್ದ ಖುರ್ಚಿಯತ್ತ ತೆರಳಿದರು.</p>.<p>ಮಹಿಳೆಯರ ಸಿಂಗಲ್ಸ್ ವಿಭಾಗದ ಇನ್ನುಳಿದ ಪಂದ್ಯಗಳಲ್ಲಿ ಅರ್ಜೆಂಟೀನಾದ ನಾದಿಯಾ ಪೊದೊರೊಸ್ಕಾ 6-0, 6-2ರಿಂದ ಫ್ರಾನ್ಸ್ನ ಜೆಸ್ಸಿಕಾ ಪೊಂಚೆಸ್ ಎದುರು, ಆಸ್ಟ್ರೇಲಿಯಾದ ಸ್ಟಾರ್ಮ್ ಸ್ಯಾಂಡರ್ಸ್ 4-6, 6-2, 6-4ರಿಂದ ಸ್ಪೇನ್ನ ನೂರಿಯಾ ಪೆರಿಜಾಸ್ ಡಿಯಾಜ್ ವಿರುದ್ಧ, ಪೋಲೆಂಡ್ನ ಮ್ಯಾಗ್ದಾಲೆನಾ 6-1, 6-1ರಿಂದ ಚೀನಾದ ಜಾಂಗ್ ಶುಯಿ ಎದುರು ಮುನ್ನಡೆದರು.</p>.<p>ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಆಸ್ಟ್ರಿಯಾದ ಸೆಬಾಸ್ಟಿಯನ್ ಆಫ್ನರ್ 6-4, 7-6, (8/6)ರಿಂದ ಅಮೆರಿಕದ ಮ್ಯಾಕ್ಸಿಮ್ ಕ್ರೆಸ್ಸಿ ವಿರುದ್ಧ ಜಯ ಸಾಧಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್</strong>: ಸುಲಭ ಜಯ ಸಂಪಾದಿಸಿದ ಬೆಲಾರೂಸ್ನ ಅರಿನಾ ಸಬಲೆಂಕಾ ಅವರು ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯ ಎರಡನೇ ಸುತ್ತಿಗೆ ಮುನ್ನಡೆದರು.</p>.<p>ರೋಲ್ಯಾಂಡ್ ಗ್ಯಾರೊಸ್ನಲ್ಲಿ ಭಾನುವಾರ ನಡೆದ ಮಹಿಳಾ ಸಿಂಗಲ್ಸ್ ವಿಭಾಗದ ಮೊದಲ ಸುತ್ತಿನ ಪಂದ್ಯದಲ್ಲಿ ಅರಿನಾ 6-3, 6-2ರಿಂದ ಮಾರ್ಟಾ ಅವರನ್ನು ಪರಾಭವಗೊಳಿಸಿದರು.</p>.<p>ಪಂದ್ಯ ಮುಗಿದ ಬಳಿಕ ಉಕ್ರೇನ್ನ ಮಾರ್ಟಾ ಕೊಸ್ತಿಯುಕ್ ಅವರು ಅರಿನಾ ಅವರ ಕೈಕುಲುಕಲು ನಿರಾಕರಿಸಿ ಅಪಹಾಸ್ಯಕ್ಕೊಳಗಾದರು. ರಷ್ಯಾ ಮತ್ತು ಉಕ್ರೇನ್ ನಡುವಣ ರಾಜಕೀಯ ಸಂಘರ್ಷದ ಕರಿನೆರಳು ಕ್ರೀಡೆಯನ್ನು ಇನ್ನೂ ಬಾಧಿಸುತ್ತಿದೆ ಎಂಬುದಕ್ಕೆ ಈ ಪ್ರಸಂಗ ಸಾಕ್ಷಿಯಾಯಿತು.</p>.<p>ಪಂದ್ಯದ ಕೊನೆಯ 12 ಗೇಮ್ಗಳಲ್ಲಿ 10ನ್ನು ತನ್ನದಾಗಿಸಿಕೊಂಡ ಅರಿನಾ, ಉಕ್ರೇನ್ ಆಟಗಾರ್ತಿಯನ್ನು ಸುಲಭವಾಗಿ ಸೋಲಿಸಿದರು. ಪಂದ್ಯ ಕೊನೆಗೊಂಡ ತಕ್ಷಣವೇ ಮಾರ್ಟಾ ಅವರು ಅರಿನಾ ಅವರನ್ನು ಅಭಿನಂದಿಸದೇ ತಮಗೆ ಮೀಸಲಿದ್ದ ಖುರ್ಚಿಯತ್ತ ತೆರಳಿದರು.</p>.<p>ಮಹಿಳೆಯರ ಸಿಂಗಲ್ಸ್ ವಿಭಾಗದ ಇನ್ನುಳಿದ ಪಂದ್ಯಗಳಲ್ಲಿ ಅರ್ಜೆಂಟೀನಾದ ನಾದಿಯಾ ಪೊದೊರೊಸ್ಕಾ 6-0, 6-2ರಿಂದ ಫ್ರಾನ್ಸ್ನ ಜೆಸ್ಸಿಕಾ ಪೊಂಚೆಸ್ ಎದುರು, ಆಸ್ಟ್ರೇಲಿಯಾದ ಸ್ಟಾರ್ಮ್ ಸ್ಯಾಂಡರ್ಸ್ 4-6, 6-2, 6-4ರಿಂದ ಸ್ಪೇನ್ನ ನೂರಿಯಾ ಪೆರಿಜಾಸ್ ಡಿಯಾಜ್ ವಿರುದ್ಧ, ಪೋಲೆಂಡ್ನ ಮ್ಯಾಗ್ದಾಲೆನಾ 6-1, 6-1ರಿಂದ ಚೀನಾದ ಜಾಂಗ್ ಶುಯಿ ಎದುರು ಮುನ್ನಡೆದರು.</p>.<p>ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಆಸ್ಟ್ರಿಯಾದ ಸೆಬಾಸ್ಟಿಯನ್ ಆಫ್ನರ್ 6-4, 7-6, (8/6)ರಿಂದ ಅಮೆರಿಕದ ಮ್ಯಾಕ್ಸಿಮ್ ಕ್ರೆಸ್ಸಿ ವಿರುದ್ಧ ಜಯ ಸಾಧಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>