Australian Open 2024: ಪ್ರಧಾನ ಸುತ್ತಿಗೆ ಲಗ್ಗೆ ಇಟ್ಟ ಸುಮೀತ್ ನಗಾಲ್

ಮೆಲ್ಬರ್ನ್: ಭಾರತದ ಸುಮೀತ್ ನಗಾಲ್ ಅವರು, ಪ್ರತಿಷ್ಠಿತ ಆಸ್ಟ್ರೇಲಿಯನ್ ಓಪನ್ ಗ್ರ್ಯಾನ್‌ಸ್ಲಾಮ್ ಟೆನಿಸ್ ಟೂರ್ನಿಯ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಪ್ರಧಾನ ಸುತ್ತಿಗೆ ಅರ್ಹತೆ ಪಡೆದುಕೊಂಡಿದ್ದಾರೆ.

ಸುಮೀತ್ ಅವರು ಶುಕ್ರವಾರ ನಡೆದ ಅರ್ಹತಾ ಸುತ್ತಿನ ಫೈನಲ್ ಪಂದ್ಯದಲ್ಲಿ ಸ್ಲೊವಾಕಿಯಾದ ಅಲೆಕ್ಸ್‌ ಮೊಲ್ಕನ್ ಅವರನ್ನು 6-4, 6-4ರ ಅಂತರದಲ್ಲಿ ಸೋಲಿಸಿದ್ದಾರೆ. ಎರಡು ತಾಸು ಮೂರು ನಿಮಿಷಗಳವರೆಗೆ ನಡೆದ ಹೋರಾಟದ ಅಂತಿಮದಲ್ಲಿ ನಗಾಲ್ ವಿಜಯಿಯಾಗಿ ಹೊರಹೊಮ್ಮಿದ್ದಾರೆ.

ಆಸ್ಟ್ರೇಲಿಯನ್ ಓಪನ್ ಪುರುಷರ ಸಿಂಗಲ್ಸ್ ಮೊದಲ ಸುತ್ತಿನಲ್ಲಿ ನಗಾಲ್ ಅವರಿಗೆ ವಿಶ್ವ ನಂ.31 ರ್‍ಯಾಂಕ್‌‌ನ ಕಜಕಿಸ್ತಾನದ ಬಬ್ಲಿಕ್ ಅವರ ಸವಾಲು ಎದುರಾಗಲಿದೆ.