ಟೆನಿಸ್‌: ನಿಕ್ಷೇಪ್‌–ಅಲೆಕ್ಸ್‌ ರನ್ನರ್ಸ್‌ ಅಪ್‌

ಗುರುವಾರ ನಡೆದ ಫೈನಲ್‌ನಲ್ಲಿ ನಿಕ್ಷೇಪ್‌ ಮತ್ತು ಅಲೆಕ್ಸ್‌, ಅರ್ಮಾನ್‌ ಭಾಟಿಯಾ ಮತ್ತು ಐಸಾಕ್‌ ಇಕ್ಬಾಲ್‌ ಎದುರು ಪರಾಭವಗೊಂಡರು.

ಸಿಂಗಲ್ಸ್‌ ವಿಭಾಗದಲ್ಲೂ ನಿಕ್ಷೇಪ್‌ ಸವಾಲು ಅಂತ್ಯವಾಯಿತು. ಅರ್ಮಾನ್‌ ಭಾಟಿಯಾ ಎದುರಿನ ಸೆಮಿಫೈನಲ್‌ ಪಂದ್ಯದ ವೇಳೆ ಗಾಯಗೊಂಡ ಬೆಂಗಳೂರಿನ ಆಟಗಾರ ಅಂಗಳ ತೊರೆದರು.

ಮೊದಲ ಸೆಟ್‌ನಲ್ಲಿ 4–6ರಿಂದ ಹಿನ್ನಡೆ ಕಂಡ ನಿಕ್ಷೇಪ್‌ ಎರಡನೇ ಸೆಟ್‌ನಲ್ಲಿ ಮಿಂಚಿದರು. 6–0ರಿಂದ ಎದುರಾಳಿಯನ್ನು ಮಣಿಸಿದ ಅವರು 1–1ರ ಸಮಬಲಕ್ಕೆ ಕಾರಣರಾದರು. ನಿರ್ಣಾಯಕ ಎನಿಸಿದ್ದ ಮೂರನೇ ಸೆಟ್‌ನಲ್ಲಿ ಜಿದ್ದಾಜಿದ್ದಿನ ಪೈಪೋಟಿ ಏರ್ಪಟ್ಟಿತು. ಉಭಯ ಆಟಗಾರರು 4–4ರಿಂದ ಸಮಬಲ ಹೊಂದಿದ್ದ ವೇಳೆ ನಿಕ್ಷೇಪ್‌ ತೊಡೆಸಂದು ನೋವಿನಿಂದ ಬಳಲಿದರು.