<p><strong>ನ್ಯೂಯಾರ್ಕ್</strong>: ಆತಿಥೇಯ ದೇಶದ ಫ್ರಾನ್ಸಿಸ್ ಟಿಯಾಫೊ ಮತ್ತು ಟೇಲರ್ ಫ್ರಿಟ್ಜ್ ಅವರು ಮಂಗಳವಾರ ತಡರಾತ್ರಿ ಅಮೆರಿಕ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಸಿಂಗಲ್ಸ್ನಲ್ಲಿ ನಾಲ್ಕರ ಘಟ್ಟ ಪ್ರವೇಶಿಸಿದರು.</p><p>ಶುಕ್ರವಾರ ನಡೆಯುವ ಸೆಮಿಫೈನಲ್ನಲ್ಲಿ ಈ ಇಬ್ಬರು ‘ಸ್ನೇಹಿತರು’ ಮುಖಾಮುಖಿಯಾಗಲಿದ್ದು, ಈ ಮೂಲಕ ಸ್ವದೇಶದ ಗ್ರ್ಯಾನ್ಸ್ಲಾಮ್ ಟೂರ್ನಿಯಲ್ಲಿ 18 ವರ್ಷಗಳ ನಂತರ ಮೊದಲ ಬಾರಿಗೆ ತವರಿನ ಆಟಗಾರನೊಬ್ಬ ಪ್ರಶಸ್ತಿ ಸುತ್ತು ಪ್ರವೇಶಿಸುವುದು ಖಾತರಿಯಾಯಿತು.</p><p>20ನೇ ಶ್ರೇಯಾಂಕದ ಟಿಯಾಫೊ ಅವರಿಗೆ ಕ್ವಾರ್ಟರ್ ಫೈನಲ್ನಲ್ಲಿ ಒಂಬತ್ತನೇ ಶ್ರೇಯಾಂಕದ ಗ್ರಿಗೊರ್ ಡಿಮಿಟ್ರೋವ್ (ಬಲ್ಗೇರಿಯಾ) ಎದುರಾಳಿಯಾಗಿದ್ದರು. ಅಮೆರಿಕದ ಆಟಗಾರ 6-3, 6-7 (5), 6-3, 4-1ರಿಂದ ಮುನ್ನೆಡೆಯಲ್ಲಿದ್ದಾಗ ಗ್ರಿಗೊರ್ ಗಾಯಗೊಂಡು ಹಿಂದೆ ಸರಿದರು. ಹೀಗಾಗಿ, 26 ವರ್ಷ ವಯಸ್ಸಿನ ಟಿಯಾಫೊ ಅವರು ಮೂರು ವರ್ಷಗಳಲ್ಲಿ ಎರಡನೇ ಬಾರಿ ನಾಲ್ಕರ ಘಟ್ಟಕ್ಕೆ ಮುನ್ನಡೆದರು.</p><p><strong>ಜ್ವೆರೇವ್ಗೆ ಆಘಾತ:</strong> ಮತ್ತೊಂದು ಕ್ವಾರ್ಟರ್ ಫೈನಲ್ನಲ್ಲಿ 26 ವರ್ಷ ವಯಸ್ಸಿನ ಫ್ರಿಟ್ಜ್ 7-6 (2), 3-6, 6-4, 7-6 (3) ರಿಂದ ನಾಲ್ಕನೇ ಶ್ರೇಯಾಂಕದ ಅಲೆಕ್ಸಾಂಡರ್ ಜ್ವೆರೇವ್ಗೆ ಆಘಾತ ನೀಡಿದರು. ಈ ಗೆಲುವಿನೊಂದಿಗೆ 12ನೇ ಶ್ರೇಯಾಂಕದ ಆಟಗಾರ ಫ್ರಿಟ್ಜ್ ಗ್ರ್ಯಾನ್ಸ್ಲಾಮ್ ಟೂರ್ನಿಯೊಂದರಲ್ಲಿ ಮೊದಲ ಬಾರಿ ಸೆಮಿಫೈನಲ್ ಹಂತ ತಲುಪಿದರು.</p><p>ಕ್ಯಾಲಿಫೋರ್ನಿಯಾದ 26 ವರ್ಷ ವಯಸ್ಸಿನ ಫ್ರಿಟ್ಜ್ ಅವರು ಟಿಯಾಫೊ ವಿರುದ್ಧ 6–1ರ ಗೆಲುವಿನ ದಾಖಲೆಯನ್ನು ಹೊಂದಿದ್ದಾರೆ.</p><p>2003ರಲ್ಲಿ ಆ್ಯಂಡಿ ರಾಡಿಕ್ ಅವರು ಅಮೆರಿಕ ಓಪನ್ನಲ್ಲಿ ಪ್ರಶಸ್ತಿ ಗೆದ್ದ ನಂತರ ತವರಿನ ಯಾವುದೇ ಆಟಗಾರ ಇಲ್ಲಿ ಚಾಂಪಿಯನ್ ಆಗಿಲ್ಲ. ರಾಡಿಕ್ ಅವರೇ ಫೈನಲ್ ತಲುಪಿದ ಅಮೆರಿಕದ ಕೊನೆಯ ಆಟಗಾರನಾಗಿದ್ದಾರೆ. ಅವರು 2006ರಲ್ಲಿ ಸ್ವಿಟ್ಜರ್ಲೆಂಡ್ನ ರೋಜರ್ ಫೆಡರರ್ ವಿರುದ್ಧ ಸೋತಿದ್ದರು.</p><p>ಇತರ ಕ್ವಾರ್ಟರ್ ಫೈನಲ್ಗಳಲ್ಲಿ ಅಗ್ರ ಶ್ರೇಯಾಂಕದ ಯಾನಿಕ್ ಸಿನ್ನರ್ ಮತ್ತು ಐದನೇ ಶ್ರೇಯಾಂಕದ ಡೇನಿಯಲ್ ಮೆಡ್ವೆಡೇವ್; ಹತ್ತನೇ ಶ್ರೇಯಾಂಕದ ಅಲೆಕ್ಸ್ ಡಿ ಮಿನೌರ್ ಮತ್ತು 25ನೇ ಶ್ರೇಯಾಂಕದ ಜ್ಯಾಕ್ ಡ್ರೇಪರ್ ಮುಖಾಮುಖಿಯಾಗುತ್ತಿದ್ದಾರೆ.</p><p>ಸಬಲೆಂಕಾ ಸೆಮಿಗೆ: ಮಹಿಳೆಯರ ಸಿಂಗಲ್ಸ್ನಲ್ಲಿ ಎರಡನೇ ಶ್ರೇಯಾಂಕದ ಅರಿನಾ ಸಬಲೆಂಕಾ ಮತ್ತು 13ನೇ ಶ್ರೇಯಾಂಕದ ಎಮ್ಮಾ ನವೊರೊ ಸೆಮಿಫೈನಲ್ಗೆ ಮುನ್ನಡೆದರು.</p><p>ಬೆಲಾರಸ್ನ 26 ವರ್ಷ ವಯಸ್ಸಿನ ಸಬಲೆಂಕಾ 6–1, 6–2ರಿಂದ ಒಲಿಂಪಿಕ್ ಚಾಂಪಿಯನ್, ಏಳನೇ ಶ್ರೇಯಾಂಕದ ಝೆಂಗ್ ಕಿನ್ವೆನ್ (ಚೀನಾ) ಅವರನ್ನು ನಿರಾಯಾಸವಾಗಿ ಹಿಮ್ಮೆಟ್ಟಿಸಿದರು. ಅವರು ಮುಂದಿನ ಸುತ್ತಿನಲ್ಲಿ ಅಮೆರಿಕದ ನವೊರೊ ಅವರನ್ನು ಎದುರಿಸಲಿದ್ದಾರೆ.</p><p>ನವಾರೊ ಅವರು ಕ್ವಾರ್ಟರ್ ಫೈನಲ್ನಲ್ಲಿ 6-2, 7-5ರಿಂದ 26ನೇ ಶ್ರೇಯಾಂಕದ ಪೌಲಾ ಬಡೋಸಾ (ಸ್ಪೇನ್) ಅವರನ್ನು ಸೋಲಿಸಿ ನಾಲ್ಕರ ಘಟ್ಟ ಪ್ರವೇಶಿಸಿದರು. </p><p><strong>ಬೋಪಣ್ಣ– ಅಲ್ದಿಲಾ ಜೋಡಿಗೆ ಸೋಲು</strong></p><p>ಭಾರತದ ಅನುಭವಿ ಡಬಲ್ಸ್ ಆಟಗಾರ ರೋಹನ್ ಬೋಪಣ್ಣ ಮತ್ತು ಇಂಡೊನೇಷ್ಯಾದ ಅಲ್ದಿಲಾ ಸುಟ್ಜಿಯಾದಿ ಅವರನ್ನು ಒಳಗೊಂಡ ಮಿಶ್ರ ಡಬಲ್ಸ್ ತಂಡ ಅಮೆರಿಕ ಓಪನ್ ಸೆಮಿಫೈನಲ್ ನಲ್ಲಿ ಹೊರಬಿತ್ತು.</p><p>ಅಮೆರಿಕದ ಡೊನಾಲ್ಡ್ ಯಂಗ್ ಮತ್ತು ಟೇಲರ್ ಟೌನ್ಸೆಂಡ್ ಜೋಡಿ ಮಂಗಳವಾರ ಒಂದೂವರೆ ಗಂಟೆ ನಡೆದ ಪಂದ್ಯದಲ್ಲಿ ಬೋಪಣ್ಣ– ಅಲ್ದಿಲಾ ಜೋಡಿಯನ್ನು 6–3, 6–4 ರಿಂದ ಸೋಲಿಸಿ ಫೈನಲ್ ತಲುಪಿತು.</p><p>44 ವರ್ಷದ ಬೋಪಣ್ಣ ಈಗಾಗಲೇ ಪುರುಷರ ಡಬಲ್ಸ್ನಲ್ಲಿ ಸೋತಿದ್ದಾರೆ. ಡಬಲ್ಸ್ನಲ್ಲಿ ಆಡಿದ್ದ ಭಾರತದ ಇತರ ಆಟಗಾರರೂ ಯುಕಿ ಭಾಂಬ್ರಿ, ಶ್ರೀರಾಮ್ ಬಾಲಾಜಿ ಕೂಡ ವಿವಿಧ ಹಂತಗಳಲ್ಲಿ ಸೋಲನುಭವಿಸಿದ್ದಾರೆ. ಸಿಂಗಲ್ಸ್ನಲ್ಲಿ ಸುಮಿತ್ ನಗಾಲ್ ಮೊದಲ ಸುತ್ತಿನಲ್ಲೇ ಹೊರಬಿದ್ದಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್</strong>: ಆತಿಥೇಯ ದೇಶದ ಫ್ರಾನ್ಸಿಸ್ ಟಿಯಾಫೊ ಮತ್ತು ಟೇಲರ್ ಫ್ರಿಟ್ಜ್ ಅವರು ಮಂಗಳವಾರ ತಡರಾತ್ರಿ ಅಮೆರಿಕ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಸಿಂಗಲ್ಸ್ನಲ್ಲಿ ನಾಲ್ಕರ ಘಟ್ಟ ಪ್ರವೇಶಿಸಿದರು.</p><p>ಶುಕ್ರವಾರ ನಡೆಯುವ ಸೆಮಿಫೈನಲ್ನಲ್ಲಿ ಈ ಇಬ್ಬರು ‘ಸ್ನೇಹಿತರು’ ಮುಖಾಮುಖಿಯಾಗಲಿದ್ದು, ಈ ಮೂಲಕ ಸ್ವದೇಶದ ಗ್ರ್ಯಾನ್ಸ್ಲಾಮ್ ಟೂರ್ನಿಯಲ್ಲಿ 18 ವರ್ಷಗಳ ನಂತರ ಮೊದಲ ಬಾರಿಗೆ ತವರಿನ ಆಟಗಾರನೊಬ್ಬ ಪ್ರಶಸ್ತಿ ಸುತ್ತು ಪ್ರವೇಶಿಸುವುದು ಖಾತರಿಯಾಯಿತು.</p><p>20ನೇ ಶ್ರೇಯಾಂಕದ ಟಿಯಾಫೊ ಅವರಿಗೆ ಕ್ವಾರ್ಟರ್ ಫೈನಲ್ನಲ್ಲಿ ಒಂಬತ್ತನೇ ಶ್ರೇಯಾಂಕದ ಗ್ರಿಗೊರ್ ಡಿಮಿಟ್ರೋವ್ (ಬಲ್ಗೇರಿಯಾ) ಎದುರಾಳಿಯಾಗಿದ್ದರು. ಅಮೆರಿಕದ ಆಟಗಾರ 6-3, 6-7 (5), 6-3, 4-1ರಿಂದ ಮುನ್ನೆಡೆಯಲ್ಲಿದ್ದಾಗ ಗ್ರಿಗೊರ್ ಗಾಯಗೊಂಡು ಹಿಂದೆ ಸರಿದರು. ಹೀಗಾಗಿ, 26 ವರ್ಷ ವಯಸ್ಸಿನ ಟಿಯಾಫೊ ಅವರು ಮೂರು ವರ್ಷಗಳಲ್ಲಿ ಎರಡನೇ ಬಾರಿ ನಾಲ್ಕರ ಘಟ್ಟಕ್ಕೆ ಮುನ್ನಡೆದರು.</p><p><strong>ಜ್ವೆರೇವ್ಗೆ ಆಘಾತ:</strong> ಮತ್ತೊಂದು ಕ್ವಾರ್ಟರ್ ಫೈನಲ್ನಲ್ಲಿ 26 ವರ್ಷ ವಯಸ್ಸಿನ ಫ್ರಿಟ್ಜ್ 7-6 (2), 3-6, 6-4, 7-6 (3) ರಿಂದ ನಾಲ್ಕನೇ ಶ್ರೇಯಾಂಕದ ಅಲೆಕ್ಸಾಂಡರ್ ಜ್ವೆರೇವ್ಗೆ ಆಘಾತ ನೀಡಿದರು. ಈ ಗೆಲುವಿನೊಂದಿಗೆ 12ನೇ ಶ್ರೇಯಾಂಕದ ಆಟಗಾರ ಫ್ರಿಟ್ಜ್ ಗ್ರ್ಯಾನ್ಸ್ಲಾಮ್ ಟೂರ್ನಿಯೊಂದರಲ್ಲಿ ಮೊದಲ ಬಾರಿ ಸೆಮಿಫೈನಲ್ ಹಂತ ತಲುಪಿದರು.</p><p>ಕ್ಯಾಲಿಫೋರ್ನಿಯಾದ 26 ವರ್ಷ ವಯಸ್ಸಿನ ಫ್ರಿಟ್ಜ್ ಅವರು ಟಿಯಾಫೊ ವಿರುದ್ಧ 6–1ರ ಗೆಲುವಿನ ದಾಖಲೆಯನ್ನು ಹೊಂದಿದ್ದಾರೆ.</p><p>2003ರಲ್ಲಿ ಆ್ಯಂಡಿ ರಾಡಿಕ್ ಅವರು ಅಮೆರಿಕ ಓಪನ್ನಲ್ಲಿ ಪ್ರಶಸ್ತಿ ಗೆದ್ದ ನಂತರ ತವರಿನ ಯಾವುದೇ ಆಟಗಾರ ಇಲ್ಲಿ ಚಾಂಪಿಯನ್ ಆಗಿಲ್ಲ. ರಾಡಿಕ್ ಅವರೇ ಫೈನಲ್ ತಲುಪಿದ ಅಮೆರಿಕದ ಕೊನೆಯ ಆಟಗಾರನಾಗಿದ್ದಾರೆ. ಅವರು 2006ರಲ್ಲಿ ಸ್ವಿಟ್ಜರ್ಲೆಂಡ್ನ ರೋಜರ್ ಫೆಡರರ್ ವಿರುದ್ಧ ಸೋತಿದ್ದರು.</p><p>ಇತರ ಕ್ವಾರ್ಟರ್ ಫೈನಲ್ಗಳಲ್ಲಿ ಅಗ್ರ ಶ್ರೇಯಾಂಕದ ಯಾನಿಕ್ ಸಿನ್ನರ್ ಮತ್ತು ಐದನೇ ಶ್ರೇಯಾಂಕದ ಡೇನಿಯಲ್ ಮೆಡ್ವೆಡೇವ್; ಹತ್ತನೇ ಶ್ರೇಯಾಂಕದ ಅಲೆಕ್ಸ್ ಡಿ ಮಿನೌರ್ ಮತ್ತು 25ನೇ ಶ್ರೇಯಾಂಕದ ಜ್ಯಾಕ್ ಡ್ರೇಪರ್ ಮುಖಾಮುಖಿಯಾಗುತ್ತಿದ್ದಾರೆ.</p><p>ಸಬಲೆಂಕಾ ಸೆಮಿಗೆ: ಮಹಿಳೆಯರ ಸಿಂಗಲ್ಸ್ನಲ್ಲಿ ಎರಡನೇ ಶ್ರೇಯಾಂಕದ ಅರಿನಾ ಸಬಲೆಂಕಾ ಮತ್ತು 13ನೇ ಶ್ರೇಯಾಂಕದ ಎಮ್ಮಾ ನವೊರೊ ಸೆಮಿಫೈನಲ್ಗೆ ಮುನ್ನಡೆದರು.</p><p>ಬೆಲಾರಸ್ನ 26 ವರ್ಷ ವಯಸ್ಸಿನ ಸಬಲೆಂಕಾ 6–1, 6–2ರಿಂದ ಒಲಿಂಪಿಕ್ ಚಾಂಪಿಯನ್, ಏಳನೇ ಶ್ರೇಯಾಂಕದ ಝೆಂಗ್ ಕಿನ್ವೆನ್ (ಚೀನಾ) ಅವರನ್ನು ನಿರಾಯಾಸವಾಗಿ ಹಿಮ್ಮೆಟ್ಟಿಸಿದರು. ಅವರು ಮುಂದಿನ ಸುತ್ತಿನಲ್ಲಿ ಅಮೆರಿಕದ ನವೊರೊ ಅವರನ್ನು ಎದುರಿಸಲಿದ್ದಾರೆ.</p><p>ನವಾರೊ ಅವರು ಕ್ವಾರ್ಟರ್ ಫೈನಲ್ನಲ್ಲಿ 6-2, 7-5ರಿಂದ 26ನೇ ಶ್ರೇಯಾಂಕದ ಪೌಲಾ ಬಡೋಸಾ (ಸ್ಪೇನ್) ಅವರನ್ನು ಸೋಲಿಸಿ ನಾಲ್ಕರ ಘಟ್ಟ ಪ್ರವೇಶಿಸಿದರು. </p><p><strong>ಬೋಪಣ್ಣ– ಅಲ್ದಿಲಾ ಜೋಡಿಗೆ ಸೋಲು</strong></p><p>ಭಾರತದ ಅನುಭವಿ ಡಬಲ್ಸ್ ಆಟಗಾರ ರೋಹನ್ ಬೋಪಣ್ಣ ಮತ್ತು ಇಂಡೊನೇಷ್ಯಾದ ಅಲ್ದಿಲಾ ಸುಟ್ಜಿಯಾದಿ ಅವರನ್ನು ಒಳಗೊಂಡ ಮಿಶ್ರ ಡಬಲ್ಸ್ ತಂಡ ಅಮೆರಿಕ ಓಪನ್ ಸೆಮಿಫೈನಲ್ ನಲ್ಲಿ ಹೊರಬಿತ್ತು.</p><p>ಅಮೆರಿಕದ ಡೊನಾಲ್ಡ್ ಯಂಗ್ ಮತ್ತು ಟೇಲರ್ ಟೌನ್ಸೆಂಡ್ ಜೋಡಿ ಮಂಗಳವಾರ ಒಂದೂವರೆ ಗಂಟೆ ನಡೆದ ಪಂದ್ಯದಲ್ಲಿ ಬೋಪಣ್ಣ– ಅಲ್ದಿಲಾ ಜೋಡಿಯನ್ನು 6–3, 6–4 ರಿಂದ ಸೋಲಿಸಿ ಫೈನಲ್ ತಲುಪಿತು.</p><p>44 ವರ್ಷದ ಬೋಪಣ್ಣ ಈಗಾಗಲೇ ಪುರುಷರ ಡಬಲ್ಸ್ನಲ್ಲಿ ಸೋತಿದ್ದಾರೆ. ಡಬಲ್ಸ್ನಲ್ಲಿ ಆಡಿದ್ದ ಭಾರತದ ಇತರ ಆಟಗಾರರೂ ಯುಕಿ ಭಾಂಬ್ರಿ, ಶ್ರೀರಾಮ್ ಬಾಲಾಜಿ ಕೂಡ ವಿವಿಧ ಹಂತಗಳಲ್ಲಿ ಸೋಲನುಭವಿಸಿದ್ದಾರೆ. ಸಿಂಗಲ್ಸ್ನಲ್ಲಿ ಸುಮಿತ್ ನಗಾಲ್ ಮೊದಲ ಸುತ್ತಿನಲ್ಲೇ ಹೊರಬಿದ್ದಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
