ವಿಡಿಯೊ...
ಪಾಕಿಸ್ತಾನ ಬ್ಯಾಟ್ ಮಾಡುವಾಗ 13ನೇ ಓವರ್‌ನಲ್ಲಿ ಹಾರ್ದಿಕ್ ಪಾಂಡ್ಯ ಮಂತ್ರ ಹಾಕಿ ಪಾಕಿಸ್ತಾನದ ಆರಂಭಿಕ ಆಟಗಾರ ಇಮಾಮ್ ಉಲ್ ಹಕ್ ಅವರ ವಿಕೆಟ್ ಕಿತ್ತಿದ್ದಾರೆ. ಈ ಬಗ್ಗೆ ವಿಡಿಯೊ ಹಂಚಿಕೊಂಡಿರುವ ನೆಟ್ಟಿಗರು ಸಾಮಾಜಿಕ ಮಾಧ್ಯಮಗಳಲ್ಲಿ ಚರ್ಚೆ ಮಾಡುತ್ತಿದ್ದಾರೆ.
13ನೇ ಓವರ್‌ನಲ್ಲಿ ಹಾರ್ದಿಕ್ ಎಸೆದ ಒಂದು ಚೆಂಡನ್ನು ಇಮಾಮ್ ಉಲ್ ಹಕ್ ಬೌಂಡರಿ ಬಾರಿಸುತ್ತಾರೆ. ನಂತರ ಇನ್ನೊಂದು ಎಸೆತ ಎಸೆಯುವ ಮೊದಲು ಹಾರ್ದಿಕ್ ಪಾಂಡ್ಯ ಚೆಂಡಿಗೆ ಮಂತ್ರ ಹೇಳುತ್ತಾರೆ. ಅದೇ ಎಸೆತದಲ್ಲಿ ಇಮಾಮ್ ಔಟಾಗುತ್ತಾರೆ. ಔಟ್ ಸೈಡ್ ಆಫ್ ಲೈನ್ನಲ್ಲಿ ಬಂದಂತಹ ಎಸೆತವನ್ನು ಕವರ್ ಡ್ರೈವ್ ಮಾಡಲು ಯತ್ನಿಸುವಾಗ ಚೆಂಡು ಎಡ್ಜ್ ಆಗಿ ವಿಕೆಟ್ ಕೀಪರ್ ಕೈ ಸೇರುತ್ತದೆ.
ಈ ವಿಡಿಯೊ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. ಈ ವಿಡಿಯೊ ಶೇರ್‌ ಮಾಡಿಕೊಂಡು, ಪಾಂಡ್ಯ ಮಂತ್ರ ಹಾಕಿ ವಿಕೆಟ್ ಕಿತ್ತರು ಎಂದು ನೆಟ್ಟಿಗರು ಚರ್ಚೆ ಮಾಡುತ್ತಿದ್ದಾರೆ.
ಈ ಪಂದ್ಯದಲ್ಲಿ ಹಾರ್ದಿಕ್ 6 ಓವರ್ಗಳಲ್ಲಿ 34 ರನ್ ನೀಡಿ 2 ವಿಕೆಟ್ ಕಬಳಿಸಿದರು.
