<p><strong>ಮೆಲ್ಬರ್ನ್ (ಎಎಫ್ಪಿ/ಡಿಪಿಎ):</strong> ಸ್ವಿಟ್ಜರ್ಲೆಂಡ್ನ ಎರಡನೇ ಶ್ರೇಯಾಂಕಿತ ಆಟಗಾರ ರೋಜರ್ ಫೆಡರರ್ ಇಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಸಿಂಗಲ್ಸ್ ವಿಭಾಗದ ಮೂರನೇ ಸುತ್ತಿನ ಪಂದ್ಯದಲ್ಲಿ ಗೆಲುವು ಪಡೆದರು.</p>.<p>ಇಲ್ಲಿನ ಮೆಲ್ಬರ್ನ್ ಪಾರ್ಕ್ನಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಗೆಲುವಿನ ಯಾತ್ರೆ ಮುಂದುವರಿಸಿರುವ ಫೆಡರರ್ 6-3, 6-3, 6-1ನೇರ ಸೆಟ್ಗಳಿಂದ ಬೆಲ್ಜಿಯಂನ ಕ್ಸೇವಿಯರ್ ಮಾಲೈಸ್ ವಿರುದ್ಧ ಸುಲಭ ಗೆಲುವು ಪಡೆದರು. ಎದುರಾಳಿ ಆಟಗಾರನಿಂದ ಮೊದಲೆರೆಡು ಸೆಟ್ಗಳಲ್ಲಿ ಫೆಡರರ್ಗೆ ಕೊಂಚ ಪ್ರತಿರೋಧ ಎದುರಾಯಿತು. ಆದರೆ ಕೊನೆಯ ಸೆಟ್ನಲ್ಲಿ ಸುಲಭವಾಗಿ ಜಯ ಪಡೆದರು. ಫೆಡರರ್ಗೆ ಮೆಲ್ಬರ್ನ್ ಪಾರ್ಕ್ನಲ್ಲಿ ದೊರೆತ 57ನೇ ಗೆಲುವು ಇದಾಗಿದೆ.</p>.<p>ಪುರುಷರ ಸಿಂಗಲ್ಸ್ ವಿಭಾಗದ ಮೂರನೇ ಸುತ್ತಿನ ಇತರ ಪಂದ್ಯಗಳಲ್ಲಿ ಸರ್ಬಿಯಾದ ಮೂರನೇ ಶ್ರೇಯಾಂಕದ ಆಟಗಾರ ನೊವಾಕ್ ಜೊಕೋವಿಕ್ ತಮ್ಮ ದೇಶದವರೇ ಆದ ವಿಕ್ಟೋರ್ ಟ್ರೋಯಿಕಿಯಾ ಮೇಲೆ ಜಯ ಪಡೆದರು. ಜೊಕೋವಿಕ್ 6-2ರಲ್ಲಿ ಮುನ್ನಡೆ ಸಾಧಿಸಿದ್ದ ವೇಳೆ ಎದುರಾಳಿ ಗಾಯದಿಂದ ಹಿಂದೆ ಸರಿದರು. ಅಮೆರಿಕದ ಆಯಂಡಿ ರಾಡಿಕ್ 2-6, 7-6, 6-2, 6-2ರಲ್ಲಿ ಹಾಲೆಂಡ್ನ ರಾಬಿನ್ ಹಾಸಿ ವಿರುದ್ಧವೂ, ಜೆಕ್ ಗಣರಾಜ್ಯದ ಥಾಮಸ್ ಬೆರ್ಡಿಕ್ 6-2, 7-6, 6-2ರಲ್ಲಿ ಫ್ರಾನ್ಸ್ನ ರಿಚರ್ಡ್ ಗ್ಯಾಸ್ಕೆಟ್ ಮೇಲೂ ಗೆಲುವು ಪಡೆದರು.</p>.<p><strong>ವೀನಸ್ ನಿರ್ಗಮನ: </strong>ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಅಮೆರಿಕದ ವೀನಸ್ ವಿಲಿಯಮ್ಸ್ ನಿರ್ಗಮಿಸಿದರು. ಜರ್ಮನಿಯ ಆಂಡ್ರಿಯಾ ಪಿಟ್ಕೋವಿಕ್ ವಿರುದ್ಧದ ಮೂರನೇ ಸುತ್ತಿನ ಪಂದ್ಯದಲ್ಲಿ 0-1 ರಲ್ಲಿ ಹಿನ್ನಡೆ ಸಾಧಿಸಿದ್ದ ವೇಳೆ ವೀನಸ್ ಗಾಯದಿಂದ ಹಿಂದೆ ಸರಿದರು.</p>.<p>ಡೆನ್ಮಾರ್ಕ್ನ ಅಗ್ರ ಶ್ರೇಯಾಂಕದ ಆಟಗಾರ್ತಿ ಕ್ಯಾರೊಲಿನ್ ವೊಜ್ನಿಯಾಕಿ 6-4, 6-3ರಲ್ಲಿ ಸ್ಲೋವಾಕಿಯಾದ ಡೊಮಿನಿಕಾ ಸಿಬುಲ್ಕೋವಾ ಅವರನ್ನು ಮಣಿಸಿದರು. ಆದರೆ ಬೆಲ್ಜಿಯಂನ ಜಸ್ಟಿನ್ ಹೆನಿನ್ 4-6, 6-7ರಲ್ಲಿ ರಷ್ಯಾದ ಸ್ವೆಟ್ಲಾನಾ ಕುಜ್ನೆಟ್ಸೋವಾ ಎದುರು ಸೋಲು ಅನುಭವಿಸಿದರು.</p>.<p><strong>ಮೂರನೇ ಸುತ್ತಿಗೆ ರೋಹನ್, ಖುರೇಷಿ ಜೋಡಿ <br /> </strong>~ಇಂಡೋ ಪಾಕ್ ಎಕ್ಸ್ಪ್ರೆಸ್’ ಭಾರತದ ರೋಹನ್ ಬೋಪಣ್ಣ ಹಾಗೂ ಐಸಾಮ್ ಉಲ್ ಹಕ್ ಖುರೇಷಿ ಜೋಡಿ ಇಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ ವಿಭಾಗದ ಎರಡನೇ ಸುತ್ತಿನ ಪಂದ್ಯದಲ್ಲಿ ಗೆಲುವು ಪಡೆದರು.</p>.<p>ಶುಕ್ರವಾರ ನಡೆದ ಪಂದ್ಯದಲ್ಲಿ 10ನೇ ಶ್ರೇಯಾಂಕದ ಆಟಗಾರರಾದ ಬೋಪಣ್ಣ-ಖುರೇಷಿ 6-3, 4-6, 6-4ರಲ್ಲಿ ಫ್ರಾನ್ಸ್ನ ಜೆರ್ಮಿ ಚೌರ್ಡಿ ಮತ್ತು ಅರ್ನಾಲ್ಡ್ ಕ್ಲೆಮೆಂಟ್ ಎದುರು ಜಯ ಸಾಧಿಸಿದರು.</p>.<p>ಎರಡನೇ ಸೆಟ್ನಲ್ಲಿ ಸೋಲು ಅನುಭವಿಸಿದ ಭಾರತ- ಪಾಕ್ ಜೋಡಿ ಕೊನೆಯ ಸೆಟ್ನಲ್ಲಿ ಲಯ ಕಂಡುಕೊಂಡು ಗೆಲುವನ್ನು ತಮ್ಮದಾಗಿಸಿ ಮೂರನೇ ಸುತ್ತಿಗೆ ಮುನ್ನಡೆಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೆಲ್ಬರ್ನ್ (ಎಎಫ್ಪಿ/ಡಿಪಿಎ):</strong> ಸ್ವಿಟ್ಜರ್ಲೆಂಡ್ನ ಎರಡನೇ ಶ್ರೇಯಾಂಕಿತ ಆಟಗಾರ ರೋಜರ್ ಫೆಡರರ್ ಇಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಸಿಂಗಲ್ಸ್ ವಿಭಾಗದ ಮೂರನೇ ಸುತ್ತಿನ ಪಂದ್ಯದಲ್ಲಿ ಗೆಲುವು ಪಡೆದರು.</p>.<p>ಇಲ್ಲಿನ ಮೆಲ್ಬರ್ನ್ ಪಾರ್ಕ್ನಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಗೆಲುವಿನ ಯಾತ್ರೆ ಮುಂದುವರಿಸಿರುವ ಫೆಡರರ್ 6-3, 6-3, 6-1ನೇರ ಸೆಟ್ಗಳಿಂದ ಬೆಲ್ಜಿಯಂನ ಕ್ಸೇವಿಯರ್ ಮಾಲೈಸ್ ವಿರುದ್ಧ ಸುಲಭ ಗೆಲುವು ಪಡೆದರು. ಎದುರಾಳಿ ಆಟಗಾರನಿಂದ ಮೊದಲೆರೆಡು ಸೆಟ್ಗಳಲ್ಲಿ ಫೆಡರರ್ಗೆ ಕೊಂಚ ಪ್ರತಿರೋಧ ಎದುರಾಯಿತು. ಆದರೆ ಕೊನೆಯ ಸೆಟ್ನಲ್ಲಿ ಸುಲಭವಾಗಿ ಜಯ ಪಡೆದರು. ಫೆಡರರ್ಗೆ ಮೆಲ್ಬರ್ನ್ ಪಾರ್ಕ್ನಲ್ಲಿ ದೊರೆತ 57ನೇ ಗೆಲುವು ಇದಾಗಿದೆ.</p>.<p>ಪುರುಷರ ಸಿಂಗಲ್ಸ್ ವಿಭಾಗದ ಮೂರನೇ ಸುತ್ತಿನ ಇತರ ಪಂದ್ಯಗಳಲ್ಲಿ ಸರ್ಬಿಯಾದ ಮೂರನೇ ಶ್ರೇಯಾಂಕದ ಆಟಗಾರ ನೊವಾಕ್ ಜೊಕೋವಿಕ್ ತಮ್ಮ ದೇಶದವರೇ ಆದ ವಿಕ್ಟೋರ್ ಟ್ರೋಯಿಕಿಯಾ ಮೇಲೆ ಜಯ ಪಡೆದರು. ಜೊಕೋವಿಕ್ 6-2ರಲ್ಲಿ ಮುನ್ನಡೆ ಸಾಧಿಸಿದ್ದ ವೇಳೆ ಎದುರಾಳಿ ಗಾಯದಿಂದ ಹಿಂದೆ ಸರಿದರು. ಅಮೆರಿಕದ ಆಯಂಡಿ ರಾಡಿಕ್ 2-6, 7-6, 6-2, 6-2ರಲ್ಲಿ ಹಾಲೆಂಡ್ನ ರಾಬಿನ್ ಹಾಸಿ ವಿರುದ್ಧವೂ, ಜೆಕ್ ಗಣರಾಜ್ಯದ ಥಾಮಸ್ ಬೆರ್ಡಿಕ್ 6-2, 7-6, 6-2ರಲ್ಲಿ ಫ್ರಾನ್ಸ್ನ ರಿಚರ್ಡ್ ಗ್ಯಾಸ್ಕೆಟ್ ಮೇಲೂ ಗೆಲುವು ಪಡೆದರು.</p>.<p><strong>ವೀನಸ್ ನಿರ್ಗಮನ: </strong>ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಅಮೆರಿಕದ ವೀನಸ್ ವಿಲಿಯಮ್ಸ್ ನಿರ್ಗಮಿಸಿದರು. ಜರ್ಮನಿಯ ಆಂಡ್ರಿಯಾ ಪಿಟ್ಕೋವಿಕ್ ವಿರುದ್ಧದ ಮೂರನೇ ಸುತ್ತಿನ ಪಂದ್ಯದಲ್ಲಿ 0-1 ರಲ್ಲಿ ಹಿನ್ನಡೆ ಸಾಧಿಸಿದ್ದ ವೇಳೆ ವೀನಸ್ ಗಾಯದಿಂದ ಹಿಂದೆ ಸರಿದರು.</p>.<p>ಡೆನ್ಮಾರ್ಕ್ನ ಅಗ್ರ ಶ್ರೇಯಾಂಕದ ಆಟಗಾರ್ತಿ ಕ್ಯಾರೊಲಿನ್ ವೊಜ್ನಿಯಾಕಿ 6-4, 6-3ರಲ್ಲಿ ಸ್ಲೋವಾಕಿಯಾದ ಡೊಮಿನಿಕಾ ಸಿಬುಲ್ಕೋವಾ ಅವರನ್ನು ಮಣಿಸಿದರು. ಆದರೆ ಬೆಲ್ಜಿಯಂನ ಜಸ್ಟಿನ್ ಹೆನಿನ್ 4-6, 6-7ರಲ್ಲಿ ರಷ್ಯಾದ ಸ್ವೆಟ್ಲಾನಾ ಕುಜ್ನೆಟ್ಸೋವಾ ಎದುರು ಸೋಲು ಅನುಭವಿಸಿದರು.</p>.<p><strong>ಮೂರನೇ ಸುತ್ತಿಗೆ ರೋಹನ್, ಖುರೇಷಿ ಜೋಡಿ <br /> </strong>~ಇಂಡೋ ಪಾಕ್ ಎಕ್ಸ್ಪ್ರೆಸ್’ ಭಾರತದ ರೋಹನ್ ಬೋಪಣ್ಣ ಹಾಗೂ ಐಸಾಮ್ ಉಲ್ ಹಕ್ ಖುರೇಷಿ ಜೋಡಿ ಇಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ ವಿಭಾಗದ ಎರಡನೇ ಸುತ್ತಿನ ಪಂದ್ಯದಲ್ಲಿ ಗೆಲುವು ಪಡೆದರು.</p>.<p>ಶುಕ್ರವಾರ ನಡೆದ ಪಂದ್ಯದಲ್ಲಿ 10ನೇ ಶ್ರೇಯಾಂಕದ ಆಟಗಾರರಾದ ಬೋಪಣ್ಣ-ಖುರೇಷಿ 6-3, 4-6, 6-4ರಲ್ಲಿ ಫ್ರಾನ್ಸ್ನ ಜೆರ್ಮಿ ಚೌರ್ಡಿ ಮತ್ತು ಅರ್ನಾಲ್ಡ್ ಕ್ಲೆಮೆಂಟ್ ಎದುರು ಜಯ ಸಾಧಿಸಿದರು.</p>.<p>ಎರಡನೇ ಸೆಟ್ನಲ್ಲಿ ಸೋಲು ಅನುಭವಿಸಿದ ಭಾರತ- ಪಾಕ್ ಜೋಡಿ ಕೊನೆಯ ಸೆಟ್ನಲ್ಲಿ ಲಯ ಕಂಡುಕೊಂಡು ಗೆಲುವನ್ನು ತಮ್ಮದಾಗಿಸಿ ಮೂರನೇ ಸುತ್ತಿಗೆ ಮುನ್ನಡೆಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
