<p><strong>ಹೈದರಾಬಾದ್ (ಪಿಟಿಐ): </strong>ಕೋಲ್ಕತ್ತ ನೈಟ್ ರೈಡರ್ಸ್ ತಂಡ ಚಾಂಪಿಯನ್ಸ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯ ಪಂದ್ಯದಲ್ಲಿ ಭಾನುವಾರ ಸಾಮರ್ಸೆಟ್ ವಿರುದ್ಧ ಪೈಪೋಟಿ ನಡೆಸಲಿದೆ. ರೈಡರ್ಸ್ ತಂಡ ಮುಯ್ಯಿ ತೀರಿಸುವ ತವಕದೊಂದಿಗೆ ಉಪ್ಪಳದ ರಾಜೀವ್ ಗಾಂಧಿ ಅಂತರರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಆಡಲಿದೆ.<br /> <br /> ಬುಧವಾರ ಇದೇ ಮೈದಾನದಲ್ಲಿ ಇವೆರಡು ತಂಡಗಳು ಅರ್ಹತಾ ಹಂತದ ಪಂದ್ಯದಲ್ಲಿ ಎದುರಾಗಿದ್ದವು. ಆಗ ಇಂಗ್ಲೆಂಡ್ನ ಕೌಂಟಿ ತಂಡ ಸಾಮರ್ಸೆಟ್ಗೆ ಗೆಲುವು ಒಲಿದಿತ್ತು. ಸೋಲು ಅನುಭವಿಸಿದರೂ ಕೋಲ್ಕತ್ತ ಉತ್ತಮ ರನ್ರೇಟ್ ಆಧಾರದಲ್ಲಿ ಪ್ರಧಾನ ಹಂತಕ್ಕೆ ಅರ್ಹತೆ ಗಿಟ್ಟಿಸಿತ್ತು.<br /> <br /> ಆದರೆ ಭಾನುವಾರ ನಡೆಯುವ ಪಂದ್ಯದಲ್ಲಿ ಎದುರಾಳಿಗಳನ್ನು ಮಣಿಸುವ ವಿಶ್ವಾಸವನ್ನು ಕೋಲ್ಕತ್ತ ಹೊಂದಿದೆ. ನಾಯಕ ಗೌತಮ್ ಗಂಭೀರ್ ಈ ಪಂದ್ಯದಲ್ಲಿ ಆಡುವ ಸಾಧ್ಯತೆಯಿದೆ. ಸಂಪೂರ್ಣ ಫಿಟ್ನೆಸ್ ಹೊಂದಿರದ ಕಾರಣ ಅರ್ಹತಾ ಪಂದ್ಯದಲ್ಲಿ ಗಂಭೀರ್ ಆಡಿರಲಿಲ್ಲ. ಅವರ ಬದಲು ಜಾಕ್ ಕಾಲಿಸ್ ತಂಡವನ್ನು ಮುನ್ನಡೆಸಿದ್ದರು.<br /> <br /> ಸಾಮರ್ಸೆಟ್ ತಂಡ ಲೀಗ್ ಹಂತದ ಎರಡೂ ಪಂದ್ಯಗಳಲ್ಲಿ ಜಯ ಸಾಧಿಸಿತ್ತು. ಸಂಘಟಿತ ಹೋರಾಟ ನೀಡಲು ಸಾಧ್ಯವಾದದ್ದು ಇದಕ್ಕೆ ಕಾರಣ. ಪೀಟರ್ ಟ್ರೆಗೊ, ರೆಲೋಫ್ ವಾನ್ ಡೆರ್ ಮೆರ್ವ್ ಹಾಗೂ ನಾಯಕ ಅಲ್ಫೋನ್ಸೊ ಥಾಮಸ್ ಎದುರಾಳಿಗಳನ್ನು ಮತ್ತೆ ಕಾಡಿದರೆ ಅಚ್ಚರಿಯಿಲ್ಲ.<br /> <br /> ವಾರಿಯರ್ಸ್ ಎದುರಾಳಿ ಸೌತ್ ಆಸ್ಟ್ರೇಲಿಯಾ: ದಿನದ ಮೊದಲ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾದ ವಾರಿಯರ್ಸ್ ತಂಡ ಸೌತ್ ಆಸ್ಟ್ರೇಲಿಯಾ ರೆಡ್ಬ್ಯಾಕ್ಸ್ ತಂಡದ ಸವಾಲನ್ನು ಎದುರಿಸಲಿದೆ. ಶನಿವಾರ ನಡೆದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ರೋಚಕ ಜಯ ಪಡೆದಿದ್ದ ವಾರಿಯರ್ಸ್ ಆತ್ಮವಿಶ್ವಾಸದಲ್ಲಿದೆ. ಸತತ ಎರಡನೇ ಗೆಲುವು ಪಡೆಯುವುದು ಈ ತಂಡದ ಗುರಿ. <br /> <br /> ಇಂದಿನ ಪಂದ್ಯಗಳು: ವಾರಿಯರ್ಸ್- ಸೌತ್ ಆಸ್ಟ್ರೇಲಿಯಾ (ಸಂಜೆ 4.00 ಗಂಟೆಗೆ ಆರಂಭ); ಕೋಲ್ಕತ್ತ ನೈಟ್ ರೈಡರ್ಸ್- ಸಾಮರ್ಸೆಟ್ (ರಾತ್ರಿ 8.00ಕ್ಕೆ ಆರಂಭ)<br /> ಸ್ಥಳ: ಹೈದರಾಬಾದ್; ನೇರ ಪ್ರಸಾರ: ಸ್ಟಾರ್ ಕ್ರಿಕೆಟ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೈದರಾಬಾದ್ (ಪಿಟಿಐ): </strong>ಕೋಲ್ಕತ್ತ ನೈಟ್ ರೈಡರ್ಸ್ ತಂಡ ಚಾಂಪಿಯನ್ಸ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯ ಪಂದ್ಯದಲ್ಲಿ ಭಾನುವಾರ ಸಾಮರ್ಸೆಟ್ ವಿರುದ್ಧ ಪೈಪೋಟಿ ನಡೆಸಲಿದೆ. ರೈಡರ್ಸ್ ತಂಡ ಮುಯ್ಯಿ ತೀರಿಸುವ ತವಕದೊಂದಿಗೆ ಉಪ್ಪಳದ ರಾಜೀವ್ ಗಾಂಧಿ ಅಂತರರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಆಡಲಿದೆ.<br /> <br /> ಬುಧವಾರ ಇದೇ ಮೈದಾನದಲ್ಲಿ ಇವೆರಡು ತಂಡಗಳು ಅರ್ಹತಾ ಹಂತದ ಪಂದ್ಯದಲ್ಲಿ ಎದುರಾಗಿದ್ದವು. ಆಗ ಇಂಗ್ಲೆಂಡ್ನ ಕೌಂಟಿ ತಂಡ ಸಾಮರ್ಸೆಟ್ಗೆ ಗೆಲುವು ಒಲಿದಿತ್ತು. ಸೋಲು ಅನುಭವಿಸಿದರೂ ಕೋಲ್ಕತ್ತ ಉತ್ತಮ ರನ್ರೇಟ್ ಆಧಾರದಲ್ಲಿ ಪ್ರಧಾನ ಹಂತಕ್ಕೆ ಅರ್ಹತೆ ಗಿಟ್ಟಿಸಿತ್ತು.<br /> <br /> ಆದರೆ ಭಾನುವಾರ ನಡೆಯುವ ಪಂದ್ಯದಲ್ಲಿ ಎದುರಾಳಿಗಳನ್ನು ಮಣಿಸುವ ವಿಶ್ವಾಸವನ್ನು ಕೋಲ್ಕತ್ತ ಹೊಂದಿದೆ. ನಾಯಕ ಗೌತಮ್ ಗಂಭೀರ್ ಈ ಪಂದ್ಯದಲ್ಲಿ ಆಡುವ ಸಾಧ್ಯತೆಯಿದೆ. ಸಂಪೂರ್ಣ ಫಿಟ್ನೆಸ್ ಹೊಂದಿರದ ಕಾರಣ ಅರ್ಹತಾ ಪಂದ್ಯದಲ್ಲಿ ಗಂಭೀರ್ ಆಡಿರಲಿಲ್ಲ. ಅವರ ಬದಲು ಜಾಕ್ ಕಾಲಿಸ್ ತಂಡವನ್ನು ಮುನ್ನಡೆಸಿದ್ದರು.<br /> <br /> ಸಾಮರ್ಸೆಟ್ ತಂಡ ಲೀಗ್ ಹಂತದ ಎರಡೂ ಪಂದ್ಯಗಳಲ್ಲಿ ಜಯ ಸಾಧಿಸಿತ್ತು. ಸಂಘಟಿತ ಹೋರಾಟ ನೀಡಲು ಸಾಧ್ಯವಾದದ್ದು ಇದಕ್ಕೆ ಕಾರಣ. ಪೀಟರ್ ಟ್ರೆಗೊ, ರೆಲೋಫ್ ವಾನ್ ಡೆರ್ ಮೆರ್ವ್ ಹಾಗೂ ನಾಯಕ ಅಲ್ಫೋನ್ಸೊ ಥಾಮಸ್ ಎದುರಾಳಿಗಳನ್ನು ಮತ್ತೆ ಕಾಡಿದರೆ ಅಚ್ಚರಿಯಿಲ್ಲ.<br /> <br /> ವಾರಿಯರ್ಸ್ ಎದುರಾಳಿ ಸೌತ್ ಆಸ್ಟ್ರೇಲಿಯಾ: ದಿನದ ಮೊದಲ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾದ ವಾರಿಯರ್ಸ್ ತಂಡ ಸೌತ್ ಆಸ್ಟ್ರೇಲಿಯಾ ರೆಡ್ಬ್ಯಾಕ್ಸ್ ತಂಡದ ಸವಾಲನ್ನು ಎದುರಿಸಲಿದೆ. ಶನಿವಾರ ನಡೆದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ರೋಚಕ ಜಯ ಪಡೆದಿದ್ದ ವಾರಿಯರ್ಸ್ ಆತ್ಮವಿಶ್ವಾಸದಲ್ಲಿದೆ. ಸತತ ಎರಡನೇ ಗೆಲುವು ಪಡೆಯುವುದು ಈ ತಂಡದ ಗುರಿ. <br /> <br /> ಇಂದಿನ ಪಂದ್ಯಗಳು: ವಾರಿಯರ್ಸ್- ಸೌತ್ ಆಸ್ಟ್ರೇಲಿಯಾ (ಸಂಜೆ 4.00 ಗಂಟೆಗೆ ಆರಂಭ); ಕೋಲ್ಕತ್ತ ನೈಟ್ ರೈಡರ್ಸ್- ಸಾಮರ್ಸೆಟ್ (ರಾತ್ರಿ 8.00ಕ್ಕೆ ಆರಂಭ)<br /> ಸ್ಥಳ: ಹೈದರಾಬಾದ್; ನೇರ ಪ್ರಸಾರ: ಸ್ಟಾರ್ ಕ್ರಿಕೆಟ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
