<p><strong>ಪ್ಯಾರಿಸ್ (ಎಎಫ್ಪಿ):</strong> ಅಮೆರಿಕದ ಸೆರೆನಾ ವಿಲಿಯಮ್ಸ ಮತ್ತು ಇಟಲಿಯ ಸಾರಾ ಎರಾನಿ ಇಲ್ಲಿ ನಡೆಯುತ್ತಿರುವ ಫ್ರೆಂಚ್ ಓಪನ್ ಗ್ರ್ಯಾನ್ಸ್ಲಾಮ್ ಟೆನಿಸ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ ವಿಭಾಗದ ಸೆಮಿಫೈನಲ್ ಪ್ರವೇಶಿಸಿದರು.<br /> <br /> ರೋಲಂಡ್ ಗ್ಯಾರೋಸ್ನ ಸುಜಾನ್ ಲೆಂಗ್ಲೆನ್ ಕೋರ್ಟ್ನಲ್ಲಿ ಮಂಗಳವಾರ ನಡೆದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಅಗ್ರಶ್ರೇಯಾಂಕದ ಸೆರೆನಾ 6-1, 3-6, 6-3 ರಲ್ಲಿ ರಷ್ಯಾದ ಸೆಟ್ಲಾನಾ ಕುಜ್ನೆತ್ಸೋವಾ ವಿರುದ್ಧ ಜಯ ಸಾಧಿಸಿದರು. ಮತ್ತೊಂದು ಪಂದ್ಯದಲ್ಲಿ ಎರಾನಿ 6-4, 7-6 ರಲ್ಲಿ ಪೋಲೆಂಡ್ನ ಅಗ್ನೀಸ್ಕಾ ರಡ್ವಾನ್ಸ್ಕಾ ವಿರುದ್ಧ ಗೆದ್ದರು.<br /> <br /> ಹನ್ನೊಂದು ವರ್ಷಗಳ ಬಿಡುವಿನ ಬಳಿಕ ಇಲ್ಲಿ ಪ್ರಶಸ್ತಿ ಗೆಲ್ಲುವ ಕನಸಿನಲ್ಲಿರುವ ಸೆರೆನಾ ಒಂದು ಹಂತದಲ್ಲಿ ಸೋಲಿನ ಸುಳಿಯಲ್ಲಿ ಸಿಲುಕಿದ್ದರು. ಮೊದಲ ಸೆಟ್ಅನ್ನು ಸುಲಭದಲ್ಲಿ ಗೆದ್ದುಕೊಂಡ ಅವರು ಎರಡನೇ ಸೆಟ್ಅನ್ನು ಎದುರಾಳಿಗೆ ಒಪ್ಪಿಸಿದರು. ಮಾತ್ರವಲ್ಲ, ನಿರ್ಣಾಯಕ ಸೆಟ್ನಲ್ಲಿ ಒಂದು ಹಂತದಲ್ಲಿ 0-2 ರಲ್ಲಿ ಹಿನ್ನಡೆಯಲ್ಲಿದ್ದರು. ಆ ಬಳಿಕ ಅದ್ಭುತ ರೀತಿಯಲ್ಲಿ ಮರುಹೋರಾಟ ನಡೆಸಿ ಸೆಟ್ ಹಾಗೂ ಪಂದ್ಯವನ್ನು ತಮ್ಮದಾಗಿಸಿಕೊಂಡರು.<br /> <br /> ಫೆಡರರ್ಗೆ ಆಘಾತ: ಸ್ವಿಟ್ಜರ್ಲೆಂಡ್ನ ರೋಜರ್ ಫೆಡರರ್ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ನಲ್ಲಿ ಸೋತು ಹೊರಬಿದ್ದರು. ಅವರಿಗೆ ಆಘಾತ ನೀಡ್ದ್ದಿದು ಫ್ರಾನ್ಸ್ನ ಜೋ ವಿಲ್ಫ್ರೆಡ್ ಸೋಂಗಾ. ಆರನೇ ಶ್ರೇಯಾಂಕದ ಸೋಂಗಾ 7-5, 6-3, 6-3 ರಲ್ಲಿ ಸ್ವಿಸ್ ಆಟಗಾರನನ್ನು ಮಣಿಸಿ ಸೆಮಿಫೈನಲ್ಗೆ ಲಗ್ಗೆಯಿಟ್ಟರು<br /> <br /> <strong>ಕ್ವಾರ್ಟರ್ ಫೈನಲ್ಗೆ ಶರ್ಪೋವಾ:</strong> ಎರಡನೇ ಶ್ರೇಯಾಂಕದ ಆಟಗಾರ್ತಿ ರಷ್ಯಾದ ಮರಿಯಾ ಶರ್ಪೋವಾ ಎಂಟರಘಟ್ಟ ಪ್ರವೇಶಿಸಿದರು. ಸೋಮವಾರ ರಾತ್ರಿ ನಡೆದ ಪಂದ್ಯದಲ್ಲಿ ಶರ್ಪೋವಾ 6-4, 6-3 ರಲ್ಲಿ ಅಮೆರಿಕದ ಸ್ಲೊವಾನೆ ಸ್ಟೀಫನ್ಸ್ ವಿರುದ್ಧ ಗೆಲುವು ಪಡೆದರು.<br /> <br /> ಸರ್ಬಿಯದ ಯೆಲೆನಾ ಜಾಂಕೋವಿಚ್ 6-0, 6-2 ರಲ್ಲಿ ಅಮೆರಿಕದ ಜೇಮಿ ಹ್ಯಾಂಪ್ಟನ್ ಅವರನ್ನು ಮಣಿಸಿ ಕ್ವಾರ್ಟರ್ ಫೈನಲ್ಗೆ ಲಗ್ಗೆಯಿಟ್ಟರು.<br /> <br /> <strong>ಸಾನಿಯಾ- ಬೆಥನಿ ಸವಾಲು ಅಂತ್ಯ</strong><br /> ಸಾನಿಯಾ ಮಿರ್ಜಾ ಮತ್ತು ಬೆಥನಿ ಮಟೆಕ್ ಸ್ಯಾಂಡ್ಸ್ ಜೋಡಿ ಮಹಿಳೆಯರ ಡಬಲ್ಸ್ ವಿಭಾಗದ ಪ್ರೀ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಅರ್ಧದಲ್ಲೇ ಹಿಂದೆ ಸರಿಯಿತು.<br /> <br /> ರಷ್ಯಾದ ಅನಸ್ತೇಸಿಯ ಪವ್ಲಿಚೆಂಕೋವಾ ಮತ್ತು ಲೂಸಿ ಸಫರೋವಾ ವಿರುದ್ಧದ ಪಂದ್ಯದ ಮೊದಲ ಸೆಟ್ನಲ್ಲಿ ಸಾನಿಯಾ- ಬೆಥನಿ 6-7 ರಲ್ಲಿ ಸೋಲು ಅನುಭವಿಸಿದರು. ಎರಡನೇ ಸೆಟ್ನಲ್ಲಿ ಮರುಹೋರಾಟ ತೋರಿ 5-3 ರಲ್ಲಿ ಮುನ್ನಡೆ ಪಡೆದಿದ್ದರು. ಆದರೆ ಈ ವೇಳೆ ಬೆಥನಿ ತೊಡೆಯ ಸ್ನಾಯು ಸೆಳೆತದ ಸಮಸ್ಯೆಯಿಂದ ಬಳಲಿದರಲ್ಲದೆ, ಪಂದ್ಯವನ್ನು ತ್ಯಜಿಸುವ ನಿರ್ಧಾರ ಕೈಗೊಂಡರು.<br /> <br /> ಸೋಮವಾರ ನಡೆದ ಎರಡನೇ ಸುತ್ತಿನ ಪಂದ್ಯದಲ್ಲಿ ಭಾರತ- ಅಮೆರಿಕ ಜೋಡಿ 1-6, 6-3, 6-0 ರಲ್ಲಿ ಅಮೆರಿಕದ ಲಾರೆನ್ ಡೇವಿಸ್ ಮತ್ತು ಮೇಗನ್ ಮೌಲ್ಟನ್ ಲೆವಿ ವಿರುದ್ಧ ಜಯ ಪಡೆದಿತ್ತು.<br /> <br /> ಲಿಯಾಂಡರ್ ಪೇಸ್ ಮತ್ತು ಯೆಲೆನಾ ಜಾಂಕೋವಿಚ್ ಜೋಡಿ 5-7, 7-6, 2-10 ರಲ್ಲಿ ಅಮೆರಿಕದ ಲಿಜೆಲ್ ಹುಬೆರ್ ಹಾಗೂ ಬ್ರೆಜಿಲ್ನ ಮಾರ್ಸೆಲೊ ಮೆಲೊ ಎದುರು ಪರಾಭವಗೊಂಡರು. ಇದರೊಂದಿಗೆ ಟೂರ್ನಿಯಲ್ಲಿ ಭಾರತದ ಸವಾಲಿಗೆ ತೆರೆಬಿದ್ದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್ (ಎಎಫ್ಪಿ):</strong> ಅಮೆರಿಕದ ಸೆರೆನಾ ವಿಲಿಯಮ್ಸ ಮತ್ತು ಇಟಲಿಯ ಸಾರಾ ಎರಾನಿ ಇಲ್ಲಿ ನಡೆಯುತ್ತಿರುವ ಫ್ರೆಂಚ್ ಓಪನ್ ಗ್ರ್ಯಾನ್ಸ್ಲಾಮ್ ಟೆನಿಸ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ ವಿಭಾಗದ ಸೆಮಿಫೈನಲ್ ಪ್ರವೇಶಿಸಿದರು.<br /> <br /> ರೋಲಂಡ್ ಗ್ಯಾರೋಸ್ನ ಸುಜಾನ್ ಲೆಂಗ್ಲೆನ್ ಕೋರ್ಟ್ನಲ್ಲಿ ಮಂಗಳವಾರ ನಡೆದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಅಗ್ರಶ್ರೇಯಾಂಕದ ಸೆರೆನಾ 6-1, 3-6, 6-3 ರಲ್ಲಿ ರಷ್ಯಾದ ಸೆಟ್ಲಾನಾ ಕುಜ್ನೆತ್ಸೋವಾ ವಿರುದ್ಧ ಜಯ ಸಾಧಿಸಿದರು. ಮತ್ತೊಂದು ಪಂದ್ಯದಲ್ಲಿ ಎರಾನಿ 6-4, 7-6 ರಲ್ಲಿ ಪೋಲೆಂಡ್ನ ಅಗ್ನೀಸ್ಕಾ ರಡ್ವಾನ್ಸ್ಕಾ ವಿರುದ್ಧ ಗೆದ್ದರು.<br /> <br /> ಹನ್ನೊಂದು ವರ್ಷಗಳ ಬಿಡುವಿನ ಬಳಿಕ ಇಲ್ಲಿ ಪ್ರಶಸ್ತಿ ಗೆಲ್ಲುವ ಕನಸಿನಲ್ಲಿರುವ ಸೆರೆನಾ ಒಂದು ಹಂತದಲ್ಲಿ ಸೋಲಿನ ಸುಳಿಯಲ್ಲಿ ಸಿಲುಕಿದ್ದರು. ಮೊದಲ ಸೆಟ್ಅನ್ನು ಸುಲಭದಲ್ಲಿ ಗೆದ್ದುಕೊಂಡ ಅವರು ಎರಡನೇ ಸೆಟ್ಅನ್ನು ಎದುರಾಳಿಗೆ ಒಪ್ಪಿಸಿದರು. ಮಾತ್ರವಲ್ಲ, ನಿರ್ಣಾಯಕ ಸೆಟ್ನಲ್ಲಿ ಒಂದು ಹಂತದಲ್ಲಿ 0-2 ರಲ್ಲಿ ಹಿನ್ನಡೆಯಲ್ಲಿದ್ದರು. ಆ ಬಳಿಕ ಅದ್ಭುತ ರೀತಿಯಲ್ಲಿ ಮರುಹೋರಾಟ ನಡೆಸಿ ಸೆಟ್ ಹಾಗೂ ಪಂದ್ಯವನ್ನು ತಮ್ಮದಾಗಿಸಿಕೊಂಡರು.<br /> <br /> ಫೆಡರರ್ಗೆ ಆಘಾತ: ಸ್ವಿಟ್ಜರ್ಲೆಂಡ್ನ ರೋಜರ್ ಫೆಡರರ್ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ನಲ್ಲಿ ಸೋತು ಹೊರಬಿದ್ದರು. ಅವರಿಗೆ ಆಘಾತ ನೀಡ್ದ್ದಿದು ಫ್ರಾನ್ಸ್ನ ಜೋ ವಿಲ್ಫ್ರೆಡ್ ಸೋಂಗಾ. ಆರನೇ ಶ್ರೇಯಾಂಕದ ಸೋಂಗಾ 7-5, 6-3, 6-3 ರಲ್ಲಿ ಸ್ವಿಸ್ ಆಟಗಾರನನ್ನು ಮಣಿಸಿ ಸೆಮಿಫೈನಲ್ಗೆ ಲಗ್ಗೆಯಿಟ್ಟರು<br /> <br /> <strong>ಕ್ವಾರ್ಟರ್ ಫೈನಲ್ಗೆ ಶರ್ಪೋವಾ:</strong> ಎರಡನೇ ಶ್ರೇಯಾಂಕದ ಆಟಗಾರ್ತಿ ರಷ್ಯಾದ ಮರಿಯಾ ಶರ್ಪೋವಾ ಎಂಟರಘಟ್ಟ ಪ್ರವೇಶಿಸಿದರು. ಸೋಮವಾರ ರಾತ್ರಿ ನಡೆದ ಪಂದ್ಯದಲ್ಲಿ ಶರ್ಪೋವಾ 6-4, 6-3 ರಲ್ಲಿ ಅಮೆರಿಕದ ಸ್ಲೊವಾನೆ ಸ್ಟೀಫನ್ಸ್ ವಿರುದ್ಧ ಗೆಲುವು ಪಡೆದರು.<br /> <br /> ಸರ್ಬಿಯದ ಯೆಲೆನಾ ಜಾಂಕೋವಿಚ್ 6-0, 6-2 ರಲ್ಲಿ ಅಮೆರಿಕದ ಜೇಮಿ ಹ್ಯಾಂಪ್ಟನ್ ಅವರನ್ನು ಮಣಿಸಿ ಕ್ವಾರ್ಟರ್ ಫೈನಲ್ಗೆ ಲಗ್ಗೆಯಿಟ್ಟರು.<br /> <br /> <strong>ಸಾನಿಯಾ- ಬೆಥನಿ ಸವಾಲು ಅಂತ್ಯ</strong><br /> ಸಾನಿಯಾ ಮಿರ್ಜಾ ಮತ್ತು ಬೆಥನಿ ಮಟೆಕ್ ಸ್ಯಾಂಡ್ಸ್ ಜೋಡಿ ಮಹಿಳೆಯರ ಡಬಲ್ಸ್ ವಿಭಾಗದ ಪ್ರೀ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಅರ್ಧದಲ್ಲೇ ಹಿಂದೆ ಸರಿಯಿತು.<br /> <br /> ರಷ್ಯಾದ ಅನಸ್ತೇಸಿಯ ಪವ್ಲಿಚೆಂಕೋವಾ ಮತ್ತು ಲೂಸಿ ಸಫರೋವಾ ವಿರುದ್ಧದ ಪಂದ್ಯದ ಮೊದಲ ಸೆಟ್ನಲ್ಲಿ ಸಾನಿಯಾ- ಬೆಥನಿ 6-7 ರಲ್ಲಿ ಸೋಲು ಅನುಭವಿಸಿದರು. ಎರಡನೇ ಸೆಟ್ನಲ್ಲಿ ಮರುಹೋರಾಟ ತೋರಿ 5-3 ರಲ್ಲಿ ಮುನ್ನಡೆ ಪಡೆದಿದ್ದರು. ಆದರೆ ಈ ವೇಳೆ ಬೆಥನಿ ತೊಡೆಯ ಸ್ನಾಯು ಸೆಳೆತದ ಸಮಸ್ಯೆಯಿಂದ ಬಳಲಿದರಲ್ಲದೆ, ಪಂದ್ಯವನ್ನು ತ್ಯಜಿಸುವ ನಿರ್ಧಾರ ಕೈಗೊಂಡರು.<br /> <br /> ಸೋಮವಾರ ನಡೆದ ಎರಡನೇ ಸುತ್ತಿನ ಪಂದ್ಯದಲ್ಲಿ ಭಾರತ- ಅಮೆರಿಕ ಜೋಡಿ 1-6, 6-3, 6-0 ರಲ್ಲಿ ಅಮೆರಿಕದ ಲಾರೆನ್ ಡೇವಿಸ್ ಮತ್ತು ಮೇಗನ್ ಮೌಲ್ಟನ್ ಲೆವಿ ವಿರುದ್ಧ ಜಯ ಪಡೆದಿತ್ತು.<br /> <br /> ಲಿಯಾಂಡರ್ ಪೇಸ್ ಮತ್ತು ಯೆಲೆನಾ ಜಾಂಕೋವಿಚ್ ಜೋಡಿ 5-7, 7-6, 2-10 ರಲ್ಲಿ ಅಮೆರಿಕದ ಲಿಜೆಲ್ ಹುಬೆರ್ ಹಾಗೂ ಬ್ರೆಜಿಲ್ನ ಮಾರ್ಸೆಲೊ ಮೆಲೊ ಎದುರು ಪರಾಭವಗೊಂಡರು. ಇದರೊಂದಿಗೆ ಟೂರ್ನಿಯಲ್ಲಿ ಭಾರತದ ಸವಾಲಿಗೆ ತೆರೆಬಿದ್ದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
