ಮೋಡಗಳ ಜತೆಯಲ್ಲಿ ಬಣ್ಣಗಳ ನೃತ್ಯ

ಗುರುವಾರ , ಜೂನ್ 27, 2019
23 °C

ಮೋಡಗಳ ಜತೆಯಲ್ಲಿ ಬಣ್ಣಗಳ ನೃತ್ಯ

Published:
Updated:

ಕಾಲ ಬದಲಾದಂತೆ ಕಲೆ ಕೂಡ ವಿಭಿನ್ನ ಆಯಾಮ ಪಡೆದುಕೊಳ್ಳುತ್ತವೆ ಎಂಬ ಮಾತನ್ನು ನೆನಪಿಸಿದ್ದು ಯುಬಿ ಸಿಟಿಯಲ್ಲಿ ಆರಂಭವಾಗಿರುವ ಚಿತ್ರ ಕಲಾವಿದೆ ತರಬ್ ಖಾನ್ ಅವರ ಏಕವ್ಯಕ್ತಿ ಚಿತ್ರಕಲಾ ಪ್ರದರ್ಶನ. ಕಲಾವಿದೆಯ ಮನಸ್ಸಿನ ತವಕ–ತಲ್ಲಣ, ಕನಸು ಮತ್ತು ಕಲ್ಪನೆಗಳು ಕ್ಯಾನ್ವಾಸ್‌ ಮೇಲೆ ಬಣ್ಣ ಪಡೆದುಕೊಂಡಿವೆ. ಗಾಢ ಮತ್ತು ತಿಳಿ ಬಣ್ಣಗಳ ಸಂಯೋಜನೆಯಿಂದ ಜೀವ ಪಡೆದುಕೊಂಡಿವೆ. ಒಂದು ತಿಂಗಳು ಈ ಚಿತ್ರಗಳನ್ನು ಆಸ್ವಾದಿಸಬಹುದು. ಉತ್ತರಪ್ರದೇಶದ ಷಹಜಾನಪುರದ  ತರಬ್ ಖಾನ್ ಸದ್ಯ ಒಡಿಶಾದಲ್ಲಿ ನೆಲೆ ನಿಂತಿದ್ದಾರೆ. ಪ್ರದರ್ಶನಗಳಿಗಾಗಿ ರಾಜ್ಯದಿಂದ ರಾಜ್ಯಕ್ಕೆ ಅಲೆಯುವ ಖಾನ್ ಅವರದ್ದು ಒಂದು ರೀತಿ ಹೊಸತನಕ್ಕಾಗಿ ಹಾತೊರೆಯುವ ಅಲೆಮಾರಿ ಬದುಕು. ‘ಮೆಟ್ರೊ’ ಜತೆ ಅವರು ನಡೆಸಿದ ಮಾತುಕತೆ ಇಲ್ಲಿದೆ.  

 ನೀವು ಆಯ್ಕೆ ಮಾಡಿಕೊಂಡ ಕಥಾವಸ್ತು ಇಲ್ಲಿ ಹೇಗೆ ಬಿಂಬಿತವಾಗಿದೆ?

‘ಡಾನ್ಸಿಂಗ್‌ ವಿತ್‌ ಕ್ಲೌಡ್ಸ್‌’ ಎಂಬ ವಸ್ತುವಿಷಯದ ಬಗ್ಗೆ ನಾನು ಕಳೆದ ಮೂರು ವರ್ಷಗಳಿಂದ ಅಧ್ಯಯನ ನಡೆಸುತ್ತಿದ್ದೇನೆ.ಆಳವಾದ ಅಧ್ಯಯನದ ಫಲವೇ ಈ ಚಿತ್ರಗಳು. ನಾನು ಬರೆದ ಪುಸ್ತಕದ ವಿಷಯ ಹಾಗೂ ಬಿಡಿಸುವ ಕಲೆಯ ವಿಷಯ ಒಂದೇ ಆಗಿದ್ದರಿಂದ ಕೆಲಸ ಸುಲಭವಾಯಿತು. ರೂಪಕಗಳನ್ನು ಬಳಸಿದ್ದರಿಂದ ಚಿತ್ರಗಳು ಹೆಚ್ಚು ಪರಿಣಾಮಕಾರಿಯಾಗಿ ಮೂಡಿ ಬಂದಿವೆ.

ಕಲೆಗಳಲ್ಲಿ ಉಪಯೋಗಿಸಿದ ರೂಪಕಗಳ ಬಗ್ಗೆ ವಿವರಿಸಿ.

ಕುದುರೆ ನನ್ನ ಚಿತ್ರಗಳ ಬಹು ಮುಖ್ಯ ರೂಪಕ. ಕೊಂಬಿನ ಕುದುರೆಯನ್ನು ಒಂದು ಪಾತ್ರಧಾರಿಯಾಗಿ ಬಳಸಿಕೊಂಡಿದ್ದೇನೆ. ಒಂದು ಕೊಂಬಿನ ಕುದುರೆಯ ಬಗ್ಗೆ ನಾವೆಲ್ಲಾ ಕೇಳಿದ್ದೇವೆ ಮತ್ತುಓದ್ದಿದ್ದೇವೆ.ನನ್ನ ಕಲೆಯಲ್ಲಿ ಅವುಗಳಿಗೆ ಒಂದು ಜೀವ ನೀಡುವ ಪ್ರಯತ್ನ ಮಾಡಿದ್ದೇನೆ. ಯೂನಿಕಾರ್ನ್‌ ಅಥವಾ ಕೊಂಬಿನ ಕುದುರೆ ಪ್ರಬಲತೆಯ ಸಂಕೇತವಾಗಿರುವದರಿಂದ ನನ್ನ ಚಿತ್ರಕಲೆಗೆ ಅದನ್ನು ಕಥಾವಸ್ತುವನ್ನಾಗಿ ಬಳಸಿಕೊಂಡಿದ್ದೇನೆ.

ನಿಮ್ಮ ಚಿತ್ರಕಲೆಗಳು ಯಾವ ಯಾವ ವಿಷಯದ ಮೇಲೆ ಬಿಂಬಿತವಾಗಿವೆ.

ನನ್ನ ಹೆಚ್ಚಿನ ಚಿತ್ರಕಲೆಗಳು ಕಾಲ್ಪನಿಕ ಜಗತ್ತನ್ನು ಬಿಂಬಿಸುತ್ತವೆ. ಕನಸಿನ ವ್ಯಾಖ್ಯಾನ ಎತ್ತಿ ಹಿಡಿಯುವ ಚಿತ್ರಗಳು ಇಲ್ಲಿವೆ. ಸಾಮಾನ್ಯವಾಗಿ ಕನಸುಗಳ ಅನುಭವ ಹೊಸದೇನಲ್ಲ ಆದರೆ ಅದೇ ಕನಸುಗಳನ್ನು ವಿಭಿನ್ನ ರೀತಿಯಲ್ಲಿ ಹಲವಾರು ಕಾಲ್ಪನಿಕ ಅಂಶಗಳಿಂದ ತೋರಿಸುವ ಪರಿ ನೋಡುಗರನ್ನು ಸೆಳೆಯುತ್ತವೆ. ನಾನು ಕಂಡ ಕಾಲ್ಪನಿಕ ಜಗತ್ತಿಗೆ ಬಣ್ಣ ತುಂಬಿ ಕ್ಯಾನ್ವಾಸ್‌ ಮೇಲೆ ಜೀವ ನೀಡಿದ್ದೇನೆ.

ನಿಮ್ಮ ಕಾಲ್ಪನಿಕ ಲೋಕದ ರಹಸ್ಯದ ಏನು ಹೇಳುತ್ತೀರಿ?

ನಾವು ಕ್ರಿಯಾತ್ಮಕ ಜಗತ್ತಿನ ಭಾಗ.ಯಾವುದೋ ಒಂದು ಅಭೂತಪೂರ್ವ ದೃಶೃ ನಮ್ಮನ್ನು ಸೆಳೆಯುತ್ತದೆ. ಅದು ನಮಗೆ ಸಂಬಂಧವಿಲ್ಲವಾದರು ಕೂಡಾ ನಮ್ಮ ತಲೆಯಲ್ಲಿ ಕೊರೆಯುತ್ತಿರುತ್ತದೆ.ಕನಸುಗಳನ್ನು ಆಳವಾಗಿ ಅನುಭವಿಸುವುದರಿಂದ ಚಿತ್ರಕಲೆಯಷ್ಟೇ ಅಲ್ಲ ಎಲ್ಲ ರೀತಿಯ ಕಲೆಗಳನ್ನು ವಿಭಿನ್ನವಾಗಿ ವ್ಯಕ್ತಪಡಿಸಲು ಸಹಾಯಕವಾಗುತ್ತದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !