ಅವಳಿ ಮಕ್ಕಳಿಗೆ ಜನ್ಮ ನೀಡಿದ ಇರೋಮ್ ಶರ್ಮಿಳಾ

‘ಇರೋಮ್ ಅವರು ಗರ್ಭಿಣಿ ಆದಾಗಿನಿಂದಲೂ ಪತಿಯೊಂದಿಗೆ ಬೆಂಗಳೂರಿನಲ್ಲೇ ನೆಲೆಸಿದ್ದಾರೆ. ಅವರ ಆರೋಗ್ಯದ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಹೊಂದಿದ್ದೆವು. ಅವರು ತಾಯಂದಿರ ದಿನದಂದೇ ಅವಳಿ ಮಕ್ಕಳಿಗೆ ಜನ್ಮ ನೀಡಿರುವುದು ವಿಶೇಷ. ಮಕ್ಕಳು ತಲಾ 2.14 ಕೆ.ಜಿ. ತೂಕ ಹೊಂದಿದ್ದು, ಆರೋಗ್ಯದಿಂದ್ದಾರೆ’ ಎಂದು ಸ್ತ್ರೀರೋಗ ತಜ್ಞೆ ಡಾ. ಶ್ರೀಪ್ರದಾ ವೀಣೇಕರ್ ತಿಳಿಸಿದರು.

47 ವರ್ಷದ ಇರೋಮ್, ಸಶಸ್ತ್ರಪಡೆ ವಿಶೇಷಾಧಿಕಾರ ಕಾಯ್ದೆಯ ವಿರುದ್ಧ 16 ವರ್ಷ ಉಪವಾಸ ಸತ್ಯಾಗ್ರಹ ನಡೆಸಿದ್ದರು. ಉಪವಾಸ ಕೊನೆಗೊಳಿಸಿದ ಬಳಿಕ 2017ರಲ್ಲಿ ಬಹುಕಾಲದ ಗೆಳೆಯ ಹಾಗೂ ಬ್ರಿಟಿಷ್ ಪ್ರಜೆ ಡೆಸ್ಮೆಂಡ್‌ ಕುಟಿನ್ಹೊ ಅವರನ್ನು ವಿಶೇಷ ವಿವಾಹ ಕಾಯ್ದೆಯಡಿ ಮದುವೆಯಾಗಿದ್ದರು.