ಫ್ರಾಂಕ್‌ಫರ್ಟ್:ಕೊರೊನಾ ವೈರಸ್‌ ಸೋಂಕು ವ್ಯಾಪಿಸುತ್ತಿರುವ ಜರ್ಮನಿಯಲ್ಲಿ ಆರ್ಥಿಕತೆಗೆ ಭಾರೀ ಹೊಡೆತ ಬಿದ್ದಿದೆ. ಇದರಿಂದ ಮನನೊಂದು ಜರ್ಮನಿಯ ಹೆಸ್ಸೆ ರಾಜ್ಯದ ವಿತ್ತ ಸಚಿವ ಥಾಮಸ್ ಶೇಫೆರ್ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
54ರ ಹರೆಯದ ಥಾಮಸ್ ಶೇಫೆರ್ ಅವರ ಮೃತದೇಹ ಶನಿವಾರ ರೈಲ್ವೆ ಹಳಿ ಬಳಿ ಪತ್ತೆಯಾಗಿದೆ.ಶೇಫೆರ್ ಸಾವು ಆತ್ಮಹತ್ಯೆಯಿಂದಾಗಿದ್ದು ಎಂದು ವಿಸ್‌ಬಡೇನ್ ವಿಚಾರಣಾ ಕಚೇರಿ ಹೇಳಿದೆ.
ನಮಗೆ ಗಾಬರಿಯಾಗಿದೆ. ನಮಗೆ ಇದನ್ನು ನಂಬಲು ಸಾಧ್ಯವಾಗುತ್ತಿಲ್ಲ. ಎಲ್ಲರೂ ಬೇಸರದಿಂದಿದ್ದಾರೆ ಎಂದು ವಾಕರ್ ಬೊಫೇರ್ ಹೇಳಿದ್ದಾರೆ.
ಜನಪ್ರಿಯ ಮತ್ತು ಗೌರವಾನ್ವಿತರಾದ ಥಾಮಸ್ ಶೇಫೆರ್, ವಾಕರ್ ಬೋಫೆರ್ ಅವರ ಉತ್ತರಾಧಿಕಾರಿ ಎಂದು ಹೇಳಲಾಗುತ್ತಿತ್ತು.
ವಾಕರ್ ಬೋಫೆರ್ ಮತ್ತು ಥಾಮಸ್ ಶೇಫೆರ್ ಅವರು ಅಂಜೆಲ ಮೆರ್ಕೆಲ್ ಅವರ ಸಿಡಿಯು ಪಕ್ಷದವರಾಗಿದ್ದಾರೆ.ಶೇಫೆರ್ ಅವರು ಪತ್ನಿ ಮತ್ತು ಇಬ್ಬರು ಮಕ್ಕಳನ್ನು ಅಗಲಿದ್ದಾರೆ.
