ಅಮೆರಿಕ: ಭಾರತ ಮೂಲದ ಒಂದೇ ಕುಟುಂಬದ ನಾಲ್ವರ ಹತ್ಯೆ
ವಾಷಿಂಗ್ಟನ್: ಸಂಬಂಧಿಯೊಬ್ಬರು ಸೇರಿದಂತೆ ಸಿಖ್‌ ಕುಟುಂಬದ ನಾಲ್ವರನ್ನು ಗುಂಡಿಕ್ಕಿ ಹತ್ಯೆ ಮಾಡಿರುವ ಪ್ರಕರಣ ಒಹಿಯೊ ರಾಜ್ಯದ ವೆಸ್ಟ್‌ ಚೆಸ್ಟರ್‌ನಲ್ಲಿ ಭಾನುವಾರ ರಾತ್ರಿ ವರದಿಯಾಗಿದೆ.
ಮೃತಪಟ್ಟವರ ಸಂಬಂಧಿಯೊಬ್ಬರು ತಮಗೆ ಕರೆಮಾಡಿಮಾಹಿತಿ ನೀಡಿದ್ದಾಗಿ ವೆಸ್ಟ್‌ ಚೆಸ್ಟರ್‌ ಪೊಲೀಸ್‌ ಅಧಿಕಾರಿ ಜೋಲ್‌ ಹೆರ್ಝಾಗ್‌ ತಿಳಿಸಿದ್ದಾರೆ.
ಈ ಸಂಬಂಧ ಪ್ರತಿಕ್ರಿಯೆ ನೀಡಿರುವ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್‌,ಮೃತಪಟ್ಟವರಲ್ಲಿ ಒಬ್ಬ ಭಾರತೀಯನಾಗಿದ್ದು, ಅವರು ಅಮೆರಿಕಾಗೆ ಭೇಟಿ ನೀಡಿದ್ದರು. ಉಳಿದ ಮೂವರು ಭಾರತ ಮೂಲದವರು ಎಂದಿದ್ದಾರೆ.
‘ಪ್ರಕರಣದ ತನಿಖೆ ಪ್ರಗತಿಯಲ್ಲಿದೆ. ಆದರೆ, ಇದು ಜನಾಂಗೀಯ ದ್ವೇಷವಲ್ಲ. ನ್ಯೂಯಾರ್ಕ್‌ನಲ್ಲಿರುವ ನಮ್ಮ ಕಾನ್ಸುಲೇಟ್‌ ಜನರಲ್‌, ಸಂಬಂಧಪಟ್ಟ ಇಲಾಖೆಅಧಿಕಾರಿಗಳೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದಾರೆ. ನನಗೆಮಾಹಿತಿ ನೀಡಲಿದ್ದಾರೆ’ ಎಂದು ಟ್ವೀಟ್‌ ಮಾಡಿದ್ದಾರೆ.
The matter is under investigation by the Police but it is not a hate crime. Our Consul General in New York is coordinating with the concerned authorities and will keep me informed me on this. @IndiainNewYork /2
— Chowkidar Sushma Swaraj (@SushmaSwaraj) April 30, 2019
ವೆಸ್ಟ್‌ ಚೆಸ್ಟರ್‌ ಪೊಲೀಸರು ಮೃತರ ಗುರುತು ಪ್ರಕಟಿಸಿಲ್ಲ. ಆದರೆ, ಸ್ಥಳೀಯ ಸುದ್ದಿ ಮಾಧ್ಯಮವೊಂದುಪ್ರಕರಣದಲ್ಲಿ ಮೃತಪಟ್ಟವರನ್ನು ಹಕೀಕತ್‌ ಸಿಂಗ್‌ ಪನಾಗ್‌, ಅವರ ಪತ್ನಿ ಪರಮ್‌ಜೀತ್‌ ಕೌರ್‌, ಅವರ ಪತ್ನಿ ಶಾಲಿಂದರ್‌ ಕೌರ್‌ ಹಾಗೂ ಪಂಜಾಬ್‌ನಿಂದ ಬಂದಿದ್ದ ಸಂಬಂಧಿ ಅಮರ್‌ಜಿತ್‌ ಕೌರ್‌ ಎಂದು ವರದಿ ಮಾಡಿದೆ. ಪನಾಗ್‌ ಅವರ ಸಂಬಂಧಿಯ ಮಗ ಪೊಲೀಸರಿಗೆ ಕರೆ ಮಾಡಿರಬಹುದು ಎನ್ನಲಾಗಿದೆ.
ಪ್ರಕರಣ ಸಂಬಂಧಹೆಚ್ಚಿನ ಮಾಹಿತಿ ಹಾಗೂಹತ್ಯೆಗೆ ಕಾರಣ ಏನಿರಬಹುದು ಎಂಬುದನ್ನೂ ಪೊಲೀಸರು ತಿಳಿಸಿಲ್ಲ.
ಒಹಿಯೊದ ಗ್ರೇಟರ್ ಸಿನ್ಸಿನಾಟಿಯಲ್ಲಿರುವ ಗುರುನಾನಕ್‌ ಸಮಾಜಮುಖ್ಯಸ್ಥರೊಬ್ಬರು ತಲೆಗೆ ಗುಂಡಿಕ್ಕಿ ಹತ್ಯೆ ಮಾಡಲಾಗಿದೆ ಎಂದು ಹೇಳಿಕೆ ನೀಡಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.