ಮಿನಿಯಾಪೊಲಿಸ್(ಅಮೆರಿಕ): ಪ್ರಖ್ಯಾತ ಮಿನಿಯಾಪೊಲಿಸ್ ನೈಟ್ಲೈಫ್ ಪ್ರದೇಶದಲ್ಲಿ ದುಷ್ಕರ್ಮಿಗಳು ನಡೆಸಿದ ಗುಂಡಿನ ದಾಳಿಯಲ್ಲಿ ವ್ಯಕ್ತಿಯೊಬ್ಬರು ಮೃತಪಟ್ಟಿದ್ದು, 11 ಜನರು ಗಾಯಗೊಂಡಿದ್ದಾರೆ.
ತಡರಾತ್ರಿ ಈ ಘಟನೆ ನಡೆದಿದ್ದು, ಏಕಾಏಕಿ ನಡೆದ ದಾಳಿಯಿಂದಾಗಿ ಆತಂಕಕ್ಕೆ ಒಳಗಾದ ಜನರು ರೆಸ್ಟೋರೆಂಟ್, ರಿಟೇಲ್ ಮಳಿಗೆಗಳ ಒಳಗಡೆ ಓಡಿ ರಕ್ಷಣೆ ಪಡೆದುಕೊಂಡರು. ಇದು ವ್ಯಕ್ತಿಯೊಬ್ಬನ ಕೃತ್ಯವಲ್ಲ. ಒಂದಕ್ಕಿಂತ ಹೆಚ್ಚು ದುಷ್ಕರ್ಮಿಗಳು ಈ ದಾಳಿ ನಡೆಸಿದ್ದಾರೆ ಎಂದು ಪೊಲೀಸರು ತಿಳಿಸಿದರು.