ಯೆಮನ್‌ ಸೇನಾ ನೆಲೆ ಮೇಲೆ ದಾಳಿ: 19 ಸೈನಿಕರ ಸಾವು

ಏಡನ್ : ದಕ್ಷಿಣ ಯೆಮನ್ ಸೇನಾ ನೆಲೆಯ ಮೇಲೆ ಆಲ್ಕೈದಾ ಸಂಘಟನೆ ಶುಕ್ರವಾರ ದಾಳಿ ನಡೆಸಿ, 19 ಸೈನಿಕರನ್ನು ಹತ್ಯೆ ಮಾಡಿದೆ ಎಂದು ಭದ್ರತಾ ಅಧಿಕಾರಿಗಳು ತಿಳಿಸಿದ್ದಾರೆ.

. ಅಬ್ಯಾನ್ ಪ್ರಾಂತ್ಯದ ಅಲ್–ಮಹಫಾದ್ ನೆಲೆಗೆ ನುಗ್ಗಿದ್ದ ಬಂದೂಕುಧಾರಿಗಳು, ಸೈನಿಕರು ಅಲ್ಲಿಗೆ ಬರುವವರೆಗೂ ಕೆಲಗಂಟೆ ಅಡಗಿದ್ದರು ಎಂದು ತಿಳಿಸಿದ್ದಾರೆ.

. ಅರೇಬಿಯನ್ ಪರ್ಯಾಯ ದ್ವೀಪದಲ್ಲಿನ ಯೆಮನ್ ಮೂಲದ ಆಲ್ಕೈದಾ ಸಂಘಟನೆಯು ಶುಕ್ರವಾರದ ಈ ದಾಳಿಯ ಹೊಣೆ ಹೊತ್ತುಕೊಂಡಿದೆ.

. ಬಂಡುಕೋರರು ಮತ್ತು ಜಿಹಾದಿ ಬಾಂಬರ್ಗಳಿಂದ ನಡೆದ ಮಾರಣಾಂತಿಕ ಹಲ್ಲೆಯ ಮರು ದಿನವೇ ಈ ಘಟನೆಯೂ ನಡೆದಿದೆ. ಗುರುವಾರ ನಡೆದ ಎರಡು ಪ್ರತ್ಯೇಕ ದಾಳಿಯಲ್ಲಿ 49 ಜನ ಹತ್ಯೆಯಾಗಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.