ವಾಷಿಂಗ್ಟನ್‌: ಮಂಗಳನ ಅಂಗಳದಲ್ಲಿ ಪ್ರತಿ ವರ್ಷ ಕೆಲ ದಿನಗಳ ಕಾಲ ಲವಣಯುಕ್ತ ನೀರು ಸೃಷ್ಟಿಯಾಗುವ ಸಾಧ್ಯತೆಗಳಿವೆ ಎಂದು ಅಧ್ಯಯನವೊಂದು ತಿಳಿಸಿದೆ.
ಅಮೆರಿಕದ ಪ್ಲಾನೆಟರಿ ವಿಜ್ಞಾನ ಸಂಸ್ಥೆಯ ಸಂಶೋಧಕರು ಈ ಬಗ್ಗೆ ಅಧ್ಯಯನ ಕೈಗೊಂಡಿದ್ದಾರೆ.
ಮಂಗಳನ ಅಂಗಳದಲ್ಲಿ ಮಂಜುಗಡ್ಡೆ ಇರುವ ಪ್ರದೇಶಗಳಿವೆ. ಈ ಮಂಜುಗಡ್ಡೆಗಳು ಕರಗಿದಾಗ ಅಥವಾ ಆವಿಯಾದಾಗ ಲವಣಯುಕ್ತ ನೀರಾಗಿ ಪರಿವರ್ತನೆಯಾಗುತ್ತದೆ ಎಂದು ವಿಜ್ಞಾನಿಗಳು ವಿಶ್ಲೇಷಿಸಿದ್ದಾರೆ.
‘ಮಂಜುಗಡ್ಡೆಯು ತನ್ನ ಕುದಿಯುವ ಬಿಂದುಗೆ ತಲುಪುವ ಮುನ್ನವೇ ವಾತಾವರಣದಲ್ಲಿ ತೀವ್ರ ಗತಿಯಲ್ಲಿ ಕರಗುತ್ತದೆ. ಆದರೆ, ದ್ರವರೂಪದ ನೀರು ರಚನೆಯಾಗುವ ಸ್ಥಳಗಳನ್ನು ಪತ್ತೆ ಮಾಡುವುದು ಕಷ್ಟ ಸಾಧ್ಯ’ ಎಂದು ಸಂಸ್ಥೆಯ ಹಿರಿಯ ವಿಜ್ಞಾನಿ ನೊರ್ಬರ್ಟ್‌ ಷೊರ್ಘೋಫರ್‌ ತಿಳಿಸಿದ್ದಾರೆ.
