ನಖೋನ್ ರತ್ಚಸಿಮಾ(ಥಾಯ್ಲೆಂಡ್): ಈಶಾನ್ಯ ಥಾಯ್ಲೆಂಡ್‌ನನಖೋನ್ ರತ್ಚಸಿಮಾ ನಗರದಮಾಲ್‌ಗೆ ನುಗ್ಗಿ ಅಡ್ಡಾದಿಡ್ಡಿ ಗುಂಡು ಹಾರಿಸುವ ಮೂಲಕ 21 ಜನರನ್ನು ಕೊಂದು, 42 ಮಂದಿಯನ್ನು ಗಾಯಗೊಳಿಸಿದ್ದ ಯೋಧನನ್ನು ಕೊಲ್ಲಲಾಗಿದೆ ಎಂದು ಥಾಯ್ಲೆಂಡ್‌ನ ಭದ್ರತಾ ಅಧಿಕಾರಿಗಳು ತಿಳಿಸಿದ್ದಾರೆ.
ಹಣಕಾಸು ವ್ಯವಹಾರದಿಂದ ಸಿಟ್ಟಿಗೆದ್ದಿದ್ದ ಯೋಧ ಮೊದಲು ಇಬ್ಬರನ್ನು ಕೊಂದಿದ್ದ. ಜನನಿಬಿಡ ಮಾಲ್‌ನಲ್ಲಿಶನಿವಾರ ಏಕಾಏಕಿಅಡ್ಡಾದಿಡ್ಡಿ ಗುಂಡು ಹಾರಿಸಲು ಆರಂಭಿಸಿದ.ಶಾಂಪಿಂಗ್‌ಗೆಂದು ಬಂದಿದ್ದವರು ಗುಂಡಿನ ಸದ್ದು ಕೇಳಿ ಭಯಗೊಂದು ದಿಕ್ಕಾಪಾಲಾಗಿ ಓಡಿದರು.
‘ಅಡ್ಡಾದಿಡ್ಡಿ ಗುಂಡು ಹಾರಿಸಿದ ಯೋಧನನ್ನು ಸಾರ್ಜೆಂಟ್ ಜಕ್ರಪಂತ್ ತೊಮ್ಮಾ ಎಂದು ಗುರುತಿಸಲಾಗಿದೆ’ ಎಂದುಥಾಯ್ಲೆಂಡ್‌ನ ರಕ್ಷಣಾ ಇಲಾಖೆ ವಕ್ತಾರ ಲೆಫ್ಟಿನೆಂಟ್ ಜನರಲ್ ಕೊಂಗ್‌ಚೀಪ್ ತಂತ್ರವನಿಚ್ ತಿಳಿಸಿದ್ದಾರೆ.
ಬಡವರೇ ಹೆಚ್ಚಾಗಿರುವ ಥಾಯ್ಲೆಂಡ್‌ನ ಈಶಾನ್ಯ ಪ್ರಾಂತ್ಯದ ಪ್ರಮುಖ ನಗರನಖೋನ್ ರತ್ಚಸಿಮಾದಲ್ಲಿವಿಮಾನ ನಿಲ್ದಾಣ ಮಾದರಿಯಲ್ಲಿರುವ ಮಾಲ್‌ನ ಆಟೋಟ ವಲಯದಲ್ಲಿ ಗುಂಡು ಹಾರಾಟ ನಡೆದಿತ್ತು.
ಶನಿವಾರ ನಡುಮಧ್ಯಾಹ್ನ ಅಡ್ಡಾದಿಡ್ಡಿ ಗುಂಡು ಹಾರಾಟ ಆರಂಭವಾದಾಗ ಜನರು ಭಯದಿಂದ ಓಡುತ್ತಿರುವ ಮತ್ತು ರಕ್ಷಣೆಗಾಗಿ ಸಿಕ್ಕಸಿಕ್ಕಲ್ಲಿ ಬಚ್ಚಿಟ್ಟುಕೊಳ್ಳುತ್ತಿರುವ ದೃಶ್ಯಗಳಿರುವ ವಿಡಿಯೊಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿತ್ತು.
