ಶನಿವಾರ, ಸೆಪ್ಟೆಂಬರ್ 25, 2021
22 °C

ಜುಬಿಲೆಂಟ್‌ನಿಂದ ಕೋವಿಡ್‌ಗೆ ಚುಚ್ಚುಮದ್ದು‌: ಬಾಟಲಿಗೆ ₹ 4,700

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮೈಸೂರು: ಔಷಧ ತಯಾರಿಕಾ ಕಂಪನಿ ಜುಬಿಲೆಂಟ್‌ ಲೈಫ್‌ ಸೈನ್ಸ್‌ ಲಿಮಿಟೆಡ್‌, ಕೋವಿಡ್‌–19 ಚಿಕಿತ್ಸೆಗಾಗಿ ರೆಮ್ಡೆಸಿವಿರ್‌ ಚುಚ್ಚುಮದ್ದು ಬಿಡುಗಡೆ ಮಾಡಿದ್ದು, 100 ಮಿಲಿ ಗ್ರಾಂನ ಬಾಟಲಿಗೆ ₹ 4,700 ದರ ವಿಧಿಸುವುದಾಗಿ ಪ್ರಕಟಿಸಿದೆ.

‘ಅಂಗಸಂಸ್ಥೆಯಾದ ಜುಬಿಲೆಂಟ್‌ ಜೆನೆರಿಕ್ಸ್‌ ವತಿಯಿಂದ ‘ಜುಬಿ–ಆರ್’ ಬ್ರ್ಯಾಂಡ್‌ನಡಿ ಈ ಔಷಧವನ್ನು ದೇಶದ ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗಿದೆ. ದೇಶದ 1,000 ಆಸ್ಪತ್ರೆಗಳಿಗೆ ಈ ಔಷಧ ಪೂರೈಸಲಾಗುವುದು. ಜೀವನ ರಕ್ಷಕವಾಗಿ ಈ ಔಷಧ ಮಹತ್ವದ ಪಾತ್ರ ವಹಿಸಲಿದೆ’ ಎಂದು ಸಂಸ್ಥೆಯ ಅಧ್ಯಕ್ಷ, ವ್ಯವಸ್ಥಾಪಕ ನಿರ್ದೇಶಕ ಶ್ಯಾಮ್‌ ಎಸ್‌.ಭಾರ್ತಿಯ ಹಾಗೂ ಸಹ ಅಧ್ಯಕ್ಷ ಹರಿ ಎಸ್‌.ಭಾರ್ತಿಯ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಅಮೆರಿಕದ ಗಿಲೀಡ್‌ ಸೈನ್ಸಸ್‌ ಸಂಸ್ಥೆ ಅಭಿವೃದ್ಧಿಪಡಿಸಿದ ರೆಮ್ಡೆಸಿವಿರ್‌ ಔಷಧದ ತಯಾರಿಕೆ ಹಾಗೂ ಮಾರಾಟ ಹಕ್ಕನ್ನು ಮೇನಲ್ಲಿ ಜುಬಿಲೆಂಟ್‌ ಜೆನೆರಿಕ್ಸ್‌ ಲಿಮಿಟೆಡ್‌ ಪಡೆದುಕೊಂಡಿತ್ತು. ಇದಕ್ಕೆ ಜುಲೈ 20ರಂದು ಡ್ರಗ್‌ ಕಂಟ್ರೋಲರ್‌ ಜನರಲ್‌ ಆಫ್‌ ಇಂಡಿಯಾ (ಡಿಸಿಜಿಐ) ಅನುಮೋದನೆ ನೀಡಿದೆ ಎಂದು ಸಂಸ್ಥೆ ಹೇಳಿಕೊಂಡಿದೆ.

ನೊಯಿಡಾ ಮೂಲದ ಈ ಕಂಪನಿಯು ನಂಜನಗೂಡಿನಲ್ಲಿ ಔಷಧ ತಯಾರಿಕಾ ಘಟಕ ಹೊಂದಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು