<p><strong>ಉಡುಪಿ: </strong>ಜುಲೈ 22ರಂದು ಭೂಮಿಗೆ ಸಮೀಪದಲ್ಲಿ ನಿಯೋವೈಸ್ ಧೂಮಕೇತು ಹಾದು ಹೋಗಲಿದ್ದು, ಈ ವಿಸ್ಮಯವನ್ನು ಬರಿಗಣ್ಣಿನಲ್ಲಿ ನೋಡಬಹುದು ಎಂದು ಪೂರ್ಣಪ್ರಜ್ಞ ಹವ್ಯಾಸಿ ಖಗೋಳ ವೀಕ್ಷಕರ ಸಂಘದ ಡಾ.ಎ.ಪಿ. ಭಟ್ ತಿಳಿಸಿದ್ದಾರೆ.</p>.<p>ಸಂಜೆ ವೇಳೆ ಪಶ್ಚಿಮ ಆಕಾಶದಲ್ಲಿ ನಿಯೋವೈಸ್ ಧೂಮಕೇತು ಕಾಣಲಿದೆ. ಇದೇ ಸಮಯಕ್ಕೆ ಪೂರ್ವ ಆಕಾಶದಲ್ಲಿ ವರ್ಷಕ್ಕೊಮ್ಮೆ ಭೂಮಿಗೆ ಸುಮಾರು 30 ಕೋಟಿ ಕಿ.ಮೀ ಹತ್ತಿರಕ್ಕೆ ಬರುವ ಗುರುಗ್ರಹ ಹಾಗೂ ಶನಿಗ್ರಹಗಳನ್ನು ಕೂಡ ಕಾಣಬಹುದು ಎಂದು ತಿಳಿಸಿದ್ದಾರೆ.</p>.<p>ನಿಯೋವೈಸ್ ಧೂಮಕೇತುವು ಜುಲೈ 25ರವರೆಗೆ ಗೋಚರಿಸಲಿದೆ. ಸೂರ್ಯನ ಹೊರವಲಯದಲ್ಲಿ ಸೂರ್ಯನ ಸುತ್ತಲೂ ಅಲೆಯುವ ಧೂಮಕೇತುವು ಶೀತಲ ಕಲ್ಲುಂಡೆಯಾಗಿದ್ದು, ಸೂರ್ಯನತ್ತ ಸಮೀಪಿಸುತ್ತಿದೆ.</p>.<p>ಸುಮಾರು 5 ಕಿ.ಮೀ ವ್ಯಾಸವಿರುವ ಧೂಮಕೇತು ಸೂರ್ಯನನ್ನು ಸಮೀಪಿಸುತ್ತಿದ್ದಂತೆ ಅದಕ್ಕೆ ಲಕ್ಷ ಕಿ.ಮೀ ಉದ್ದದ ಬಾಲ ಬೆಳೆಯುತ್ತದೆ. ಸೂರ್ಯನ ಬಿಸಿ ಕಿರಣಗಳಿಂದ ಧೂಮಕೇತುವಿನ ಕರಗುವ ತೇವಾಂಶ ಹಾಗೂ ಅನಿಲವನ್ನು ಬಾಲ ಎಂದು ಕರೆಯಲಾಗುತ್ತದೆ ಎಂದು ಡಾ.ಎ.ಪಿ. ಭಟ್ ಮಾಹಿತಿ ನೀಡಿದ್ದಾರೆ.</p>.<p><strong>ಹೊಳೆಯುವ ಗುರು, ಶನಿ:</strong>ಸೂರ್ಯನಿಂದ ಸರಾಸರಿ 74 ಕೋಟಿ ಕಿ.ಮೀ ದೂರದಲ್ಲಿರುವ ಗುರುಗ್ರಹ ಭೂಮಿಗೆ ಯಾವಾಗಲೂ ಒಂದೇ ಅಂತರದಲ್ಲಿ ಇರುವುದಿಲ್ಲ. ವರ್ಷಕ್ಕೊಮ್ಮೆ 59 ಕೋಟಿ ಕಿ.ಮೀ ಹತ್ತಿರಕ್ಕೆ ಬಂದರೆ, ಆರು ತಿಂಗಳ ಬಳಿಕ 89 ಕೋಟಿ ಕಿ.ಮೀ ದೂರ ಸರಿಯುತ್ತದೆ.</p>.<p>ಹಾಗೆಯೇ, ಶನಿಗ್ರಹ ಸುಮಾರು 140 ಕೋಟಿ ಕಿ.ಮೀ ದೂರದಲ್ಲಿ ಸೂರ್ಯನನ್ನು ಸುತ್ತುತ್ತಿದ್ದರೂ ವರ್ಷಕ್ಕೊಮ್ಮೆ ಭೂಮಿಗೆ ಸಮೀಪವಾಗಿ ಅಂದರೆ 125 ಕೋಟಿ ಕಿ.ಮೀ ಹತ್ತಿರಕ್ಕೆ ಬರುತ್ತದೆ. ಆರು ತಿಂಗಳ ಬಳಿಕ 165 ಕೋಟಿ ಕಿ.ಮೀ ದೂರಕ್ಕೆ ಸರಿಯುತ್ತದೆ. ಈ ವಾರ ಎರಡೂ ಗ್ರಹಗಳು ಭೂಮಿಗೆ ಹತ್ತಿರ ಬರುವುದು ವಿಶೇಷವಾಗಿದ್ದು, ಪೂರ್ವ ಆಕಾಶದಲ್ಲಿ ಸಂಜೆ ವೇಳೆ ವೃಶ್ಚಿಕ ರಾಶಿಯ ಬುಡದಲ್ಲಿ ಹೊಳೆಯಲಿವೆ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಉಡುಪಿ: </strong>ಜುಲೈ 22ರಂದು ಭೂಮಿಗೆ ಸಮೀಪದಲ್ಲಿ ನಿಯೋವೈಸ್ ಧೂಮಕೇತು ಹಾದು ಹೋಗಲಿದ್ದು, ಈ ವಿಸ್ಮಯವನ್ನು ಬರಿಗಣ್ಣಿನಲ್ಲಿ ನೋಡಬಹುದು ಎಂದು ಪೂರ್ಣಪ್ರಜ್ಞ ಹವ್ಯಾಸಿ ಖಗೋಳ ವೀಕ್ಷಕರ ಸಂಘದ ಡಾ.ಎ.ಪಿ. ಭಟ್ ತಿಳಿಸಿದ್ದಾರೆ.</p>.<p>ಸಂಜೆ ವೇಳೆ ಪಶ್ಚಿಮ ಆಕಾಶದಲ್ಲಿ ನಿಯೋವೈಸ್ ಧೂಮಕೇತು ಕಾಣಲಿದೆ. ಇದೇ ಸಮಯಕ್ಕೆ ಪೂರ್ವ ಆಕಾಶದಲ್ಲಿ ವರ್ಷಕ್ಕೊಮ್ಮೆ ಭೂಮಿಗೆ ಸುಮಾರು 30 ಕೋಟಿ ಕಿ.ಮೀ ಹತ್ತಿರಕ್ಕೆ ಬರುವ ಗುರುಗ್ರಹ ಹಾಗೂ ಶನಿಗ್ರಹಗಳನ್ನು ಕೂಡ ಕಾಣಬಹುದು ಎಂದು ತಿಳಿಸಿದ್ದಾರೆ.</p>.<p>ನಿಯೋವೈಸ್ ಧೂಮಕೇತುವು ಜುಲೈ 25ರವರೆಗೆ ಗೋಚರಿಸಲಿದೆ. ಸೂರ್ಯನ ಹೊರವಲಯದಲ್ಲಿ ಸೂರ್ಯನ ಸುತ್ತಲೂ ಅಲೆಯುವ ಧೂಮಕೇತುವು ಶೀತಲ ಕಲ್ಲುಂಡೆಯಾಗಿದ್ದು, ಸೂರ್ಯನತ್ತ ಸಮೀಪಿಸುತ್ತಿದೆ.</p>.<p>ಸುಮಾರು 5 ಕಿ.ಮೀ ವ್ಯಾಸವಿರುವ ಧೂಮಕೇತು ಸೂರ್ಯನನ್ನು ಸಮೀಪಿಸುತ್ತಿದ್ದಂತೆ ಅದಕ್ಕೆ ಲಕ್ಷ ಕಿ.ಮೀ ಉದ್ದದ ಬಾಲ ಬೆಳೆಯುತ್ತದೆ. ಸೂರ್ಯನ ಬಿಸಿ ಕಿರಣಗಳಿಂದ ಧೂಮಕೇತುವಿನ ಕರಗುವ ತೇವಾಂಶ ಹಾಗೂ ಅನಿಲವನ್ನು ಬಾಲ ಎಂದು ಕರೆಯಲಾಗುತ್ತದೆ ಎಂದು ಡಾ.ಎ.ಪಿ. ಭಟ್ ಮಾಹಿತಿ ನೀಡಿದ್ದಾರೆ.</p>.<p><strong>ಹೊಳೆಯುವ ಗುರು, ಶನಿ:</strong>ಸೂರ್ಯನಿಂದ ಸರಾಸರಿ 74 ಕೋಟಿ ಕಿ.ಮೀ ದೂರದಲ್ಲಿರುವ ಗುರುಗ್ರಹ ಭೂಮಿಗೆ ಯಾವಾಗಲೂ ಒಂದೇ ಅಂತರದಲ್ಲಿ ಇರುವುದಿಲ್ಲ. ವರ್ಷಕ್ಕೊಮ್ಮೆ 59 ಕೋಟಿ ಕಿ.ಮೀ ಹತ್ತಿರಕ್ಕೆ ಬಂದರೆ, ಆರು ತಿಂಗಳ ಬಳಿಕ 89 ಕೋಟಿ ಕಿ.ಮೀ ದೂರ ಸರಿಯುತ್ತದೆ.</p>.<p>ಹಾಗೆಯೇ, ಶನಿಗ್ರಹ ಸುಮಾರು 140 ಕೋಟಿ ಕಿ.ಮೀ ದೂರದಲ್ಲಿ ಸೂರ್ಯನನ್ನು ಸುತ್ತುತ್ತಿದ್ದರೂ ವರ್ಷಕ್ಕೊಮ್ಮೆ ಭೂಮಿಗೆ ಸಮೀಪವಾಗಿ ಅಂದರೆ 125 ಕೋಟಿ ಕಿ.ಮೀ ಹತ್ತಿರಕ್ಕೆ ಬರುತ್ತದೆ. ಆರು ತಿಂಗಳ ಬಳಿಕ 165 ಕೋಟಿ ಕಿ.ಮೀ ದೂರಕ್ಕೆ ಸರಿಯುತ್ತದೆ. ಈ ವಾರ ಎರಡೂ ಗ್ರಹಗಳು ಭೂಮಿಗೆ ಹತ್ತಿರ ಬರುವುದು ವಿಶೇಷವಾಗಿದ್ದು, ಪೂರ್ವ ಆಕಾಶದಲ್ಲಿ ಸಂಜೆ ವೇಳೆ ವೃಶ್ಚಿಕ ರಾಶಿಯ ಬುಡದಲ್ಲಿ ಹೊಳೆಯಲಿವೆ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
