ಹೈದರಾಬಾದ್‌: ಐದು ವರ್ಷದ ಬಾಲಕಿ ಮೇಲೆ ಶಾಲಾ ಆವರಣದಲ್ಲೇ ಅತ್ಯಾಚಾರ

ಈ ಸಂಬಂಧ ಆರೋಪಿಯೊಬ್ಬನನ್ನು ಬಂಧಿಸಿರುವ ಗೋಲ್ಕಂಡಾ ಪೊಲೀಸರು,‘ಆರೋಪಿಯು ಚಾಕೋಲೆಟ್‌ ಕೊಡಿಸುವ ನೆಪದಲ್ಲಿ ಬಾಲಕಿ ಮೇಲೆ ಅತ್ಯಾಚಾರವೆಸಗಿದ್ದಾನೆ’ ಎಂದುತಿಳಿಸಿದ್ದಾರೆ.

‘ಎಲ್‌ಕೆಜಿ ಓದುತ್ತಿರುವ ಐದು ವರ್ಷದ ಬಾಲಕಿಯ ಪೋಷಕರು ನಿನ್ನೆ (ಶನಿವಾರ) ಠಾಣೆಗೆ ಬಂದು ಘಟನೆ ಸಂಬಂಧ ದೂರು ನೀಡಿದ್ದರು.ಆರೋಪಿಯನ್ನು ಬಂಧಿಸಿದ್ದು,ಭಾರತೀಯ ದಂಡ ನೀತಿ ಸಂಹಿತೆ(ಐಪಿಸಿ)ಯ ಪೊಕ್ಸೋ(ಲೈಂಗಿಕ ಅಪರಾಧಗಳಿಂದ ಮಕ್ಕಳ ರಕ್ಷಣೆ) ಕಾಯ್ದೆ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದೇವೆ’ ಎಂದು ಪೊಲೀಸರು ಹೇಳಿದ್ದಾರೆ.

ಏತನ್ಮಧ್ಯೆ, ಆಕ್ರೋಶಗೊಂಡ ಸ್ಥಳೀಯರು ಶಾಲೆಯ ಆಸ್ತಿ ಹಾನಿಗೊಳಿಸಿದ್ದಾರೆ. ಸದ್ಯಪರಿಸ್ಥಿತಿ ನಿಯಂತ್ರಣದಲ್ಲಿದೆ.