ಶಿಶು ಜನನ: ಭಾರತದ್ದೇ ದಾಖಲೆ!

"" . ವಿಶ್ವಸಂಸ್ಥೆ: ಹೊಸ ವರ್ಷದ ಮೊದಲ ದಿನ ಭಾರತ ಹೊಸದೊಂದು ದಾಖಲೆ ಬರೆದಿದೆ. ಆ ದಿನ ಭಾರತದಲ್ಲಿ 67,385 ಶಿಶುಗಳು ಜನಿಸಿದ್ದು ಇದು, ವಿಶ್ವದಲ್ಲಿಯೇ ಅತ್ಯಧಿಕ.

. ಯುನಿಸೆಫ್ನ ಅಂಕಿ ಅಂಶಗಳ ಪ್ರಕಾರ, ‘ಹೊಸ ವರ್ಷದ ಮೊದಲ ದಿನದಂದು ವಿಶ್ವದಾದ್ಯಂತ 3,92,078 ಶಿಶುಗಳು ಜನಿಸಿವೆ’.

. ಸದ್ಯಕ್ಕೆ ಜನಸಂಖ್ಯೆಯಲ್ಲಿ ದ್ವಿತೀಯ ಸ್ಥಾನದಲ್ಲಿರುವ ಭಾರತ, ಹೊಸ ವರ್ಷದಂದು ಶಿಶುಗಳ ಜನನ ಪಟ್ಟಿಯಲ್ಲಿ ಪ್ರಥಮ ಸ್ಥಾನದಲ್ಲಿದೆ. ಜನಸಂಖ್ಯೆಯಲ್ಲಿ ಪ್ರಥಮ ಸ್ಥಾನದಲ್ಲಿರುವ ಚೀನಾದಲ್ಲಿ ಆ ದಿನ 46,299 ಶಿಶುಗಳು ಜನಿಸಿವೆ ಎಂದು ಯುನಿಸೆಫ್ನ ಕಾರ್ಯ ನಿರ್ವಾಹಕ ನಿರ್ದೇಶಕ ಹೆನ್ರಿಟ್ಟಾ ಫೊರೆ ತಿಳಿಸಿದ್ದಾರೆ.

. 2020ರ ಹೊಸ ವರ್ಷದ ಮೊದಲ ದಿನದ ಮೊದಲ ಶಿಶು ಫಿಜಿಯಲ್ಲಿ ಜನಿಸಿದ್ದರೆ, ಕಡೆಯ ಶಿಶು ಅಮೆರಿಕದಲ್ಲಿ ಜನಿಸಿದೆ ಎಂದೂ ಯುನಿಸೆಫ್ ತಿಳಿಸಿದೆ.

. ನವಜಾತ ಶಿಶುಗಳ ಕುಗ್ಗದ ಮರಣ ಪ್ರಮಾಣ:ಯುನಿಸೆಫ್ ಪ್ರತಿವರ್ಷ ಹೊಸ ವರ್ಷದ ಮೊದಲ ದಿನ ಶಿಶುಗಳ ಜನನ ಸಂಭ್ರಮ ಆಚರಿಸಲಿದೆ. ವರ್ಷದ ಮೊದಲ ದಿನ ಶಿಶು ಜನನಕ್ಕೆ ಶುಭಕಾಲ ಎಂಬ ಭಾವನೆ ವಿಶ್ವದ ವಿವಿಧೆಡೆ ಇದೆ. ವಾಸ್ತವವಾಗಿ ಬಹುತೇಕ ಶಿಶುಗಳ ಪಾಲಿಗಂತೂ ಶುಭಗಳಿಗೆ ಆಗಿರುವುದಿಲ್ಲ.

. 2018ರಲ್ಲಿ ಮೊದಲ ದಿನ ಜನಿಸಿದ್ದ 2.5 ದಶಲಕ್ಷ ಶಿಶುಗಳು ತಿಂಗಳಲ್ಲೇ ಸತ್ತಿದ್ದವು. ಅವಧಿಪೂರ್ವ ಜನನ, ಸುಸೂತ್ರವಾಗದ ಹೆರಿಗೆ, ಸೆಪ್ಸಿಸ್ನಂತಹ ಸೋಂಕುಗಳು ಸಾವಿಗೆ ಕಾರಣವಾಗಿದ್ದವು. ಇದರ ಹೊರತಾಗಿ, ಪ್ರತಿ ವರ್ಷ 2.5 ದಶಲಕ್ಷಕ್ಕೂ ಅಧಿಕ ಶಿಶುಗಳು ಜನಿಸುವಾಗಲೇ ಸತ್ತಿರುತ್ತವೆ.

. ಯುನಿಸೆಫ್ ಪ್ರಕಾರ, ಮಕ್ಕಳ ಉಳಿವಿನ ಪ್ರಮಾಣ ಕಳೆದ ಮೂರು ದಶಕದಲ್ಲಿ ಏರಿದೆ. ವಿಶ್ವದಾದ್ಯಂತ ಐದನೇ ವರ್ಷದ ಜನ್ಮದಿನಕ್ಕೂ ಮೊದಲೇ ಅಸುನೀಗುವ ಮಕ್ಕಳ ಪ್ರಮಾಣ ಕುಗ್ಗಿದೆ.

. ಆದರೆ, ನವಜಾತ ಶಿಶುಗಳ ವಿಷಯದಲ್ಲಿ ಸುಧಾರಣೆ ಕಂಡುಬಂದಿಲ್ಲ. 2018ರಲ್ಲಿ ಶೇ 47ರಷ್ಟು ಶಿಶುಗಳು ಮೊದಲ ತಿಂಗಳಲ್ಲೇ ಮೃತಪಟ್ಟಿವೆ. 1990ರಲ್ಲಿ ಈ ಪ್ರಮಾಣ ಶೇ 40ರಷ್ಟಿತ್ತು.

. ಚೀನಾ ಮೀರಿಸುವುದೇ ಭಾರತ? ವಿಶ್ವಸಂಸ್ಥೆ: ಭಾರತ ಜನಸಂಖ್ಯೆಯಲ್ಲಿ 2027ರ ವೇಳೆಗೆ ಚೀನಾವನ್ನು ಮೀರಿಸುವ ನಿರೀಕ್ಷೆಗಳಿವೆ ಎಂದು ವಿಶ್ವಸಂಸ್ಥೆ ಅಂದಾಜು ಮಾಡಿದೆ.

. ಭಾರತದ ಜನಸಂಖ್ಯೆ 2019 ಮತ್ತು 2050ರ ನಡುವೆ 27.3 ಕೋಟಿಯಷ್ಟು ವೃದ್ಧಿಯಾಗಲಿದೆ. ಅಂತೆಯೇ, ನೈಜಿರಿಯಾದಲ್ಲಿ 20 ಕೋಟಿ ಹೆಚ್ಚಲಿದೆ. ವಿಶ್ವದ ಜನಸಂಖ್ಯೆಗೆ ಈ ಎರಡೂ ದೇಶಗಳ ಪಾಲು 2050ರ ವೇಳೆಗೆ ಶೇ 23ರಷ್ಟಿರಲಿದೆ.

. ಜನಸಂಖ್ಯೆಯಲ್ಲಿ ಪ್ರಸ್ತುತ ಚೀನಾ, ಭಾರತ ಅಗ್ರಸ್ಥಾನದಲ್ಲಿವೆ. 2019ರ ಅಂಕಿ ಅಂಶದ ಪ್ರಕಾರ, ಚೀನಾದ ಜನಸಂಖ್ಯೆ 143 ಕೋಟಿ, ಭಾರತದ ಜನಸಂಖ್ಯೆ 137 ಕೋಟಿ ಆಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಿಶು ಜನನ: ಭಾರತದ್ದೇ ದಾಖಲೆ!

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ದಿನ ಭವಿಷ್ಯ | ಖರ್ಚು ವೆಚ್ಚಗಳ ಮೇಲೆ ಗಮನವಿದ್ದರೆ ಒಳ್ಳೆಯದು

Lords Test: ಹೋರಾಡಿ ಸೋತ ಗಿಲ್‌ ಬಳಗ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಟಿ20 ತ್ರಿಕೋನ ಸರಣಿ: ದಕ್ಷಿಣ ಆಫ್ರಿಕಾ ಶುಭಾರಂಭ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ದಿನ ಭವಿಷ್ಯ | ಖರ್ಚು ವೆಚ್ಚಗಳ ಮೇಲೆ ಗಮನವಿದ್ದರೆ ಒಳ್ಳೆಯದು