Covid-19 India Update | ತಮಿಳುನಾಡಿನಲ್ಲಿ 3882 ಮಂದಿಗೆ ಸೋಂಕು, 63 ಸಾವು
ನವದೆಹಲಿ:ದೇಶದಾದ್ಯಂತ ಕೊರೊನಾ ವೈರಸ್ ಸೋಂಕು ಹರಡುವಿಕೆ ತೀವ್ರಗೊಳ್ಳುತ್ತಿದ್ದು, ಬುಧವಾರವೂ ಸಾವಿರಾರು ಮಂದಿಗೆ ಸೋಂಕು ತಗುಲಿರುವುದು ದೃಢಪಟ್ಟಿದೆ.
ತಮಿಳುನಾಡಿನಲ್ಲಿ ಬುಧವಾರ 3882 ಹೊಸ ಕೋವಿಡ್ ಪ್ರಕರಣಗಳು ಪತ್ತೆಯಾಗಿದ್ದು, 63 ಸಾವು ಸಂಭವಿಸಿದೆ. ಸೋಂಕಿತರ ಸಂಖ್ಯೆ 94049ಕ್ಕೆ ಏರಿಕೆಯಾಗಿದೆ. ಈ ಪೈಕಿ 39856 ಸಕ್ರಿಯ ಪ್ರಕರಣಗಳಿವೆ. 52926 ಮಂದಿ ಗುಣಮುಖರಾಗಿದ್ದು, ಈವರೆಗೆ 1264 ಮಂದಿ ಮೃತಪಟ್ಟಿದ್ದಾರೆ.
Tamil Nadu reports 3,882 new #COVID19 positive cases, 2,852 discharges and 63 deaths today. Total number of cases rise to 94,049 including 39,856 active cases, 52,926 discharges and 1,264 deaths: State Health Department pic.twitter.com/dUKycy1l2y
— ANI (@ANI) July 1, 2020
ದೆಹಲಿಯಲ್ಲಿ ಒಂದೇ ದಿನ 2442 ಪ್ರಕರಣಗಳು ಪತ್ತೆಯಾಗಿದ್ದು, 61 ಮಂದಿ ಮೃತಪಟ್ಟಿದ್ದಾರೆ. ಒಟ್ಟು ಸೋಂಕಿತರ ಸಂಖ್ಯೆ 89802 ತಲುಪಿದ್ದು, 59992 ಮಂದಿ ಗುಣಮುಖರಾಗಿದ್ದಾರೆ. 27007 ಸಕ್ರಿಯ ಪ್ರಕರಣಗಳಿವೆ ಎಂದು ದೆಹಲಿ ಸರ್ಕಾರ ತಿಳಿಸಿದೆ.
ಪಶ್ಚಿಮ ಬಂಗಾಳದಲ್ಲಿ 611 ಪ್ರಕರಣ ವರದಿಯಾಗಿದ್ದು, 15 ಮಂದಿ ಸಾವಿಗೀಡಾಗಿದ್ದಾರೆ. ರಾಜ್ಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 19170ಕ್ಕೆ ಏರಿಕೆಯಾಗಿದ್ದು, ಈವರೆಗೆ 683 ಮಂದಿ ಮೃತಪಟ್ಟಿದ್ದಾರೆ.
ಗುಜರಾತ್‌ನಲ್ಲಿ 24 ಗಂಟೆಗಳಲ್ಲಿ 675 ಹೊಸ ಪ್ರಕರಣ ಪತ್ತೆಯಾಗಿದ್ದು, 21 ಸಾವು ಸಂಭವಿಸಿದೆ ಎಂದು ಅಲ್ಲಿನ ಆರೋಗ್ಯ ಇಲಾಖೆ ತಿಳಿಸಿದೆ. ಅಲ್ಲಿ ಸೋಂಕಿತರ ಸಂಖ್ಯೆ 33318 ತಲುಪಿದ್ದು, ಈವರೆಗೆ 1869 ಮಂದಿ ಅಸುನೀಗಿದ್ದಾರೆ.
ಜಮ್ಮು ಕಾಶ್ಮೀರದಲ್ಲಿ 198 ಹೊಸ ಪ್ರಕರಣ ಪತ್ತೆಯಾಗಿದೆ. ಈ ಪೈಕಿ ಜಮ್ಮುವಿನಲ್ಲಿ 19 ಮತ್ತು ಕಾಶ್ಮೀರದಲ್ಲಿ 179 ಪ್ರಕರಣ ದೃಢಪಟ್ಟಿವೆ. ಉತ್ತರಾಖಂಡದಲ್ಲಿ 66, ಮಣಿಪುರದಲ್ಲಿ 26, ಪಂಜಾಬ್‌ನಲ್ಲಿ 101, ಕೇರಳದಲ್ಲಿ 151 ಹೊಸ ಪ್ರಕರಣಗಳು ದೃಢಪಟ್ಟಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.