ಆನ್ಲೈನ್ ಮೂಲಕ ಮದ್ಯ ಖರೀದಿಸಲು ವ್ಯಕ್ತಿಗೆ ನಿರ್ದಿಷ್ಟ ವಯಸ್ಸು ಆಗಿರಬೇಕು. ಗುರುತಿಗಾಗಿ ಗ್ರಾಹಕನ ಆಧಾರ್ ಸಂಖ್ಯೆ ಸೇರಿದಂತೆ ಇತರ ಗುರುತಿನ ವಿವರಗಳನ್ನು ವಿತರಕರು ಪಡೆಯಲಿದ್ದಾರೆ. ಮದ್ಯದ ಬಾಟಲ್ ಮುಚ್ಚಳದ ಮೇಲೆ ಜಿಯೋಟ್ಯಾಗ್ ಅಳವಡಿಸಲಾಗುವುದು. ಇದು ಉತ್ಪಾದಕನಿಂದ ಗ್ರಾಹಕನ ವರೆಗೆ ಬಾಟಲ್ ಅನ್ನು ಟ್ರ್ಯಾಕ್ ಮಾಡಲು ನೆರವಾಗಲಿದೆ. ಜತೆಗೆ, ನಕಲಿ ಮದ್ಯ ಹಾವಳಿ ಮತ್ತು ಕಳ್ಳಸಾಗಣೆ ತಡೆಗೂ ಸಹಕಾರಿಯಾಗಲಿದೆ ಎಂದು ಸಚಿವರು ತಿಳಿಸಿದ್ದಾಗಿ ವರದಿ ಉಲ್ಲೇಖಿಸಿದೆ.