ಭಾರತದ ಆರ್ಥಿಕತೆ ಕೊರೊನಾ ವೈರಸ್ ಸೋಂಕಿನಿಂದ ಬಳಲುತ್ತಿದೆ: ಕಾಂಗ್ರೆಸ್ 

ನವದೆಹಲಿ: ಭಾರತದ ಆರ್ಥಿಕತೆಯು ಕೊರೊನಾ ವೈರಸ್ ಸೋಂಕಿನಿಂದ ಬಳಲುತ್ತಿದೆ ಎಂದು ಕಾಂಗ್ರೆಸ್ ಟೀಕಿಸಿದ್ದು, ಆರ್ಥಿಕತೆ ಕುಸಿದಿರುವುದಕ್ಕೆ ವಿಸ್ತೃತ ಹೇಳಿಕೆಯನ್ನು ಪ್ರಧಾನಿ ನರೇಂದ್ರ ಮೋದಿ ನೀಡಬೇಕು ಎಂದು ಒತ್ತಾಯಿಸಿದೆ.

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಉಳಿತಾಯ ಖಾತೆ ಮತ್ತು ನಿಶ್ಚಿತ ಠೇವಣಿಯ ಬಡ್ಡಿದರವನ್ನು ಇಳಿಕೆ ಮಾಡುವ ಮೂಲಕ ಪ್ರಧಾನಿ ನರೇಂದ್ರ ಮೋದಿಯವರ ಸ್ನೇಹಿತರಿಂದಾಗಿ ಸಾಲದ ಸುಳಿಯಲ್ಲಿರುವ ಯೆಸ್  ಬ್ಯಾಂಕ್‌ಗೆ  ಸಹಾಯ ಮಾಡುತ್ತಿದೆ ಎಂದು ಕಾಂಗ್ರೆಸ್ ಆರೋಪಿಸಿದೆ.

आज का दिन देश के निवेशकों के लिए शायद देश की आजादी के बाद सबसे बुरा दिन है।

शेयर बाजार 2700 प्वाइंट गिर गया जो आज तक के इतिहास में सबसे बड़ी गिरावट है।

11 लाख करोड़ रुपया निवेशकों का आज आज डूब गया। pic.twitter.com/4oFaONqUxp

— Randeep Singh Surjewala (@rssurjewala) March 12, 2020

ಗುರುವಾರ ಸೆನ್ಸೆಕ್ಸ್ 2,700 ಅಂಕ ಕುಸಿಯುವ ಮೂಲಕ ಹೂಡಿಕೆದಾರರಿಗೆ ₹11 ಲಕ್ಷ  ನಷ್ಟವನ್ನುಂಟುಮಾಡಿದೆ  ಎಂದು ಕಾಂಗ್ರೆಸ್ ವಕ್ತಾರ ರಣದೀಪ್ ಸುರ್ಜೇವಾಲಾ ಹೇಳಿದ್ದಾರೆ.

ಸಂಸತ್ತಿನ ಹೊರಗೆ ಮಾಧ್ಯಮದವರೊಂದಿಗೆ ಮಾತನಾಡಿದ ಸುರ್ಜೇವಾಲಾ,  ಷೇರು ಮಾರುಕಟ್ಟೆಯಲ್ಲಿ ಮತ್ತು ಮ್ಯೂಚುವಲ್ ಫಂಡ್‌ಗಳಲ್ಲಿ ಹೂಡಿಕೆ ಹೂಡಿದವರು ಈ ನಷ್ಟ ಅನುಭವಿಸಬೇಕಾಗಿದೆ.  72 ಗಂಟೆಗಳಲ್ಲಿ ಸಣ್ಣ ಮತ್ತು ಮಧ್ಯಮ ಹೂಡಿಕೆದಾರರು ₹18 ಲಕ್ಷ ಕೋಟಿ ಕಳೆದುಕೊಂಡರು. ವೇತನ ಪಡೆಯುವ ಮತ್ತು ಸಣ್ಣ ಹೂಡಿಕೆದಾರರಿಗೆ ಸೇರಿದ ಹಣ ಇದಾಗಿದೆ ಎಂದಿದ್ದಾರೆ.

ಇದನ್ನೂ ಓದಿ: ಷೇರುಪೇಟೆ ಕುಸಿತ ಅನಿಯಂತ್ರಿತ: ಒಂದು ಗಂಟೆಯಲ್ಲೇ ₹8 ಲಕ್ಷ ಕೋಟಿ ಸಂಪತ್ತು ಮಾಯ 

ದೇಶದ ಆರ್ಥಿಕತೆ ಕೊರೊನಾ ವೈರಸ್‌ನಿಂದ ಬಳಲುತ್ತಿದೆ. ಆದರೆ ಪ್ರಧಾನಿ ಮತ್ತು ವಿತ್ತ ಸಚಿವೆ  ನಿರ್ಮಲಾ ಸೀತಾರಾಮನ್ ಮೌನವಾಗಿದ್ದಾರೆ ಎಂದಿದ್ದಾರೆ ಸುರ್ಜೇವಾಲಾ.

मोदी जी को बधाई!

1 अमेरिकी डालर = ₹75.16

आपने रुपैया “मार्गदर्शक मंडल” में पहुँचा दिया। pic.twitter.com/s2JK5T8Tze

— Randeep Singh Surjewala (@rssurjewala) March 12, 2020

 ಸೆನ್ಸೆಕ್ಸ್ ಕುಸಿತ ಬಗ್ಗೆ ಪ್ರಧಾನಿಯವರ ವಿರುದ್ದ ಟೀಕೆ ಮಾಡಿ ಟ್ವೀಟ್ ಮಾಡಿದ ಸುರ್ಜೇವಾಲಾ,  ಪ್ರಧಾನಿ ಮೋದಿಯವರಿಗೆ ಅಭಿನಂದನೆಗಳು. ಅಮೆರಿಕನ್ ಡಾಲರ್ 1= ₹75.16. ರೂಪಾಯಿ ಈಗ ಮಾರ್ಗದರ್ಶಕ್ ಮಂಡಳಿಯ ದರ್ಜೆಗೆ ಬಂದಿದೆ ಎಂದಿದ್ದಾರೆ.