ದೆಹಲಿ- ಮುಂಬೈ ಮತ್ತು ದೆಹಲಿ- ಹೌರಾ ರೈಲುಗಳ ವೇಗ ಹೆಚ್ಚಿಸಲು ರೈಲ್ವೆ ಚಿಂತನೆ

ನವದೆಹಲಿ: ದೆಹಲಿ- ಮುಂಬೈ ಮತ್ತು ದೆಹಲಿ- ಹೌರಾ ನಡುವೆ ಸಂಚರಿಸುವ ರೈಲುಗಳ ವೇಗ ಗಂಟೆಗೆ 130 ಕಿಮೀ ಹೆಚ್ಚಿಸಲು ಭಾರತೀಯ ರೈಲ್ವೆ ಚಿಂತನೆ ನಡೆಸಿದೆ.

ಈ ಬಗ್ಗೆ ಮಾತನಾಡಿದ ರೈಲ್ವೆ ಮಂಡಳಿ (ಸಿಗ್ನಲ್ ಮತ್ತು ಟೆಲಿಕಾಂ) ಸದಸ್ಯ ಪ್ರದೀಪ್ ಕುಮಾರ್,  ದೆಹಲಿ- ಹೌರಾ ಮತ್ತು ದೆಹಲಿ - ಮುಂಬೈಗೆ ಸಂಚರಿಸುವ ರೈಲು ಮಾರ್ಗಗಳು ಇದಕ್ಕೆ ಸಿದ್ಧವಾಗಿವೆ. ಈ ಮಾರ್ಗವಾಗಿ ಪ್ರಯಾಣಿಸುವ ರೈಲುಗಳು ಗಂಟೆಗೆ 130ಕಿಮೀ ವೇಗವಾಗಿ ಚಲಿಸಬಹುದಾಗಿದೆ. ಈ ಆರ್ಥಿಕ ವರ್ಷದಲ್ಲಿ ಈ ಎರಡೂ ಮಾರ್ಗಗಳಲ್ಲಿ ಚಲಿಸುವ ರೈಲುಗಳ ವೇಗ ವರ್ಧನೆಯಾಗಲಿದೆ.

ಮುಂಬರುವ ದಿನಗಳಲ್ಲಿ ಈ ಮಾರ್ಗವಾಗಿ ಸಂಚರಿಸುವ ರೈಲುಗಳ ವೇಗ ಗಂಟೆಗೆ 160 ಕಿಮೀ ಮಾಡುವ ಯೋಜನೆ ಇದೆ. ಇದಕ್ಕಾಗಿ ಸಿದ್ಧತೆ ನಡೆಯುತ್ತಿದೆ ಎಂದಿದ್ದಾರೆ ಪ್ರದೀಪ್ ಕುಮಾರ್.