ಜೆರುಸಲೇಂ: ಇಸ್ರೇಲ್‌ಗೆ ಸೇರಿದ ವಿಮಾನವೊಂದು ಇದೇ ಮೊದಲ ಬಾರಿಸುಡಾನ್‌ ವಾಯು ಪ್ರದೇಶವನ್ನು ಹಾದುಹೋಗಿದೆ. ಇದನ್ನುಎರಡೂ ರಾಷ್ಟ್ರಗಳ ನಡುವೆ ಸಂಬಂಧ ವೃದ್ಧಿಗೊಂದು ಉದಾಹರಣೆ ಎಂದುಇಸ್ರೇಲ್ ಪ್ರಧಾನಿ ಬೆಂಜಮಿನ್‌ ನೆತನ್ಯಾಹು ಬಣ್ಣಿಸಿದ್ದಾರೆ.
ವಿಮಾನವು ‘ಖಾಸಗಿ ಜೆಟ್‌’ ಎಂದು ಸರ್ಕಾರವು ದೃಢಪಡಿಸಿರುವುದಾಗಿ ಇಸ್ರೇಲ್‌ನ ಪತ್ರಿಕೆ ‘ಹಾರೆಟ್ಜ್‌’ ವರದಿ ಮಾಡಿದೆ.
ಎರಡು ವಾರಗಳ ಹಿಂದೆಯಷ್ಟೇ ನೆತನ್ಯಾಹು ಅವರು, ಸುಡಾನ್‌ನ ನಾಯಕ ಅಬ್ದೆಲ್‌ ಫತಾ ಅಲ್‌ ಬುರಾನ್‌ ಅವರನ್ನು ಭೇಟಿಯಾಗಿ ಮಾತುಕತೆ ನಡೆಸಿದ್ದರು. ಸುಡಾನ್‌, ಅರಬ್‌ ಒಕ್ಕೂಟದಲ್ಲಿ ಗುರುತಿಸಿಕೊಂಡಿದ್ದು, ದಶಕಗಳಿಂದ ಇಸ್ರೇಲ್‌ ಅನ್ನು ವಿರೋಧಿಸುತ್ತಿದೆ.
