ಪೊಲೀಸ್‌ ವ್ಯವಸ್ಥೆ ಆಧುನೀಕರಣ, ಗಡಿ ಮೂಲಸೌಕರ್ಯ: ಗೃಹ ಇಲಾಖೆ ₹1.03 ಲಕ್ಷ ಕೋಟಿ
ನವದೆಹಲಿ: ಗೃಹ ಇಲಾಖೆಗೆ ಬಜೆಟ್‌ನಲ್ಲಿ ಮೀಸಲಿಟ್ಟ ಅನುದಾನ ಇದೇ ಮೊದಲ ಬಾರಿಗೆ ₹1 ಲಕ್ಷ ಕೋಟಿ ದಾಟಿದೆ.
ಪೊಲೀಸ್‌ ಪಡೆಗಳು ಮತ್ತು ಗಡಿ ಮೂಲಸೌಕರ್ಯ ಅಭಿವೃದ್ಧಿಗೆ ವಿಶೇಷ ಆದ್ಯತೆ ನೀಡಿದ್ದು, ಪ್ರಸಕ್ತ ಸಾಲಿನ ಬಜೆಟ್‌ನಲ್ಲಿ ₹1,03,927 ಕೋಟಿ ಅನುದಾನವನ್ನು ಬಜೆಟ್‌ನಲ್ಲಿ ಘೋಷಿಸಲಾಗಿದೆ.ಕಳೆದ ಬಾರಿಗೆ ಹೋಲಿಸಿದರೆ ಶೇ 4.9ರಷ್ಟು ಹೆಚ್ಚು ಅನುದಾನ ಗೃಹ ಇಲಾಖೆಗೆ ಸಿಕ್ಕಿದೆ.
ಅಂಕಿ ಅಂಶ
* ₹1.03 ಲಕ್ಷ ಕೋಟಿ ಗೃಹ ಇಲಾಖೆಗೆ ಈ ಬಾರಿ ಲಭಿಸಿದ ಅನುದಾನ
ಯಾವ ಉದ್ದೇಶಕ್ಕೆ ಎಷ್ಟು ಹಂಚಿಕೆ
* ₹7,496.91 ಕೋಟಿ ರಾಜಧಾನಿಯಲ್ಲಿ ಕಾನೂನು ಸುವ್ಯವಸ್ಥೆಗಾಗಿ ದೆಹಲಿ ಪೊಲೀಸ್‌ಗೆ ನೀಡಿದ ಅನುದಾನ
* ₹2,000 ಕೋಟಿ ಪಾಕಿಸ್ಥಾನ, ಚೀನಾ ಗಡಿಯಲ್ಲಿ ಮೂಲಸೌಕರ್ಯ ಅಭಿವೃದ್ಧಿಗೆ ಮೀಸಲಿಟ್ಟ ಅನುದಾನ
* ₹23,742.04 ಕೋಟಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ಉಗ್ರರ ವಿರುದ್ಧ ಕಾರ್ಯಾಚರಣೆಯಲ್ಲಿ ತೊಡಗಿರುವ, ಈಶಾನ್ಯ ರಾಜ್ಯಗಳಲ್ಲಿ ಆಂತರಿಕ ಭದ್ರತೆ ಕಾಪಾಡಲು ನಿಯೋಜಿತಗೊಂಡಿರುವ ಕೇಂದ್ರೀಯ ಮೀಸಲು ಪೊಲೀಸ್‌ ಪಡೆಗೆ (ಸಿಆರ್‌ಪಿಎಫ್‌) ಮೀಸಲಿಟ್ಟ ಹಣ
* ₹19,647.59 ಕೋಟಿಪಾಕಿಸ್ತಾನ, ಬಾಂಗ್ಲಾದೇಶ ಗಡಿಯಲ್ಲಿ ರಕ್ಷಣೆ ಕಾಯುತ್ತಿರುವ ಗಡಿ ಭದ್ರತಾ ಪಡೆಗೆ (ಬಿಎಸ್‌ಎಫ್‌) ನೀಡಿದ ಅನುದಾನ
* ₹71,618.70 ಕೋಟಿ ಸಿಆರ್‌ಪಿಎಫ್‌, ಸಿಎಪಿಎಫ್‌, ಬಿಎಸ್‌ಎಫ್‌, ಸಿಐಎಸ್‌ಎಫ್‌, ಸಶಸ್ತ್ರ ಸೀಮಾ ಬಲ, ಅಸ್ಸಾಂ ರೈಫಲ್ಸ್‌, ಎನ್‌ಎಸ್‌ಜಿಗೆ ನೀಡಿದ ಅನುದಾನ
*₹2,198.35 ಕೋಟಿ ಗುಪ್ತದಳಕ್ಕೆ (ಐಬಿ) ನೀಡಿದ ಅನುದಾನ
* ₹ 530.75 ಕೋಟಿ ಪ್ರಧಾನಿ ಮತ್ತು ಅವರ ಹತ್ತಿರದ ಕುಟುಂಬ ಸದಸ್ಯರಿಗೆ ಭದ್ರತೆ ಒದಗಿಸುವ ಹೊಣೆ ಹೊತ್ತಿರುವ ಎಸ್‌ಪಿಜಿಗೆ (ವಿಶೇಷ ಭದ್ರತಾ ದಳ) ಕೊಟ್ಟಿರುವ ಅನುದಾನ
* ₹5,117 ಕೋಟಿ ಯುದ್ಧ ಸಾಮಗ್ರ, ಶಸ್ತ್ರಾಸ್ತ್ರ, ವಾಹನ ಖರೀದಿ, ವಸತಿ, ಬ್ಯಾರಕ್‌ ನಿರ್ಮಾಣ ಸೇರಿ ಪೊಲೀಸ್‌ ಮೂಲಸೌಕರ್ಯ ಅಭಿವೃದ್ಧಿಗೆ ನೀಡಿದ ಅನುದಾನ
*₹3,378 ಕೋಟಿ ಪೊಲೀಸ್‌ ವ್ಯವಸ್ಥೆ ಆಧುನೀಕರಣಕ್ಕೆ ಮೀಸಲಾದ ಅನುದಾನ
* ₹2,000 ಕೋಟಿ ಗಡಿ ಮೂಲಸೌಕರ್ಯ ಮತ್ತು ನಿರ್ವಹಣೆಗೆ
* ₹1,330 ಕೋಟಿ ಮಹಿಳಾ ರಕ್ಷಣೆ ಮತ್ತು ಸಬಲೀಕರಣಕ್ಕೆ
*₹825 ಕೋಟಿ ಗಡಿ ಪ್ರದೇಶದ ಅಭಿವೃದ್ಧಿ ಕಾರ್ಯಕ್ರಮಕ್ಕೆ
* ₹809 ಕೋಟಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ವಲಸಿಗರಿಗೆ, ವಾಪಸ್‌ ಮರಳುವವರಿಗೆ ಪುನರ್ವಸತಿ ಮತ್ತು ಪರಿಹಾರಕ್ಕೆ
* ₹953 ಕೋಟಿ ಸ್ವಾತಂತ್ರ್ಯ ಹೋರಾಟಗಾರರ ಪಿಂಚಣಿಗೆ
* ₹50 ಕೋಟಿ ‘ನಿರ್ಭಯ ನಿಧಿ’ಗೆ ಮೀಸಲಿಟ್ಟ ಅನುದಾನ
* ₹10,000 ಕೋಟಿ ರಾಷ್ಟ್ರೀಯ ವಿಪತ್ತು ಪರಿಹಾರ ನಿಧಿಗೆ
* ₹541.33 ಕೋಟಿ 2021ರಲ್ಲಿ ನಡೆಯಲಿರುವ ಜನಗಣತಿಗೆ ಸಿದ್ಧತೆ ಮಾಡಿಕೊಳ್ಳಲು ಮೀಸಲಿಟ್ಟ ಅನುದಾನ
* ₹50 ಕೋಟಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ವಿಶೇಷ ಕೈಗಾರಿಕೆ ಸ್ಥಾಪನೆಗೆ ಒತ್ತು ನೀಡಲು
* ₹78.09 ಕೋಟಿ ಹಿಂದಿ ಭಾಷೆ ಪ್ರಚಾರಕ್ಕೆ
* ₹4,895.81 ಕೋಟಿ ಕೇಂದ್ರಾಡಳಿತ ಪ್ರದೇಶ ಮತ್ತು ರಾಜ್ಯಗಳಿಗೆ ನೀಡಲು
ಇವನ್ನೂ ಓದಿ...
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.