ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಜೆಎನ್‌ಯು: ಸಾವರ್ಕರ್‌ ಫಲಕ ವಿರೂಪ

Last Updated 17 ಮಾರ್ಚ್ 2020, 15:26 IST
ಅಕ್ಷರ ಗಾತ್ರ

ನವದೆಹಲಿ: ‘ಜೆಎನ್‌ಯು ಕ್ಯಾಂಪಸ್‌ ಒಳಗೆ ಅಳವಡಿಸಿದ್ದ ವಿ.ಡಿ. ಸಾವರ್ಕರ್‌ ಮಾರ್ಗದ ನಾಮಫಲಕವನ್ನು ಎಡಪಂಥೀಯ ವಿದ್ಯಾರ್ಥಿ ಸಂಘಟನೆಯವರು ವಿರೂಪಗೊಳಿಸಿದ್ದಾರೆ’ ಎಂದು ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್‌ (ಎಬಿವಿಪಿ) ಮಂಗಳವಾರ ಆರೋಪಿಸಿದೆ.

ಜೆಎನ್‌ಯು ಕ್ಯಾಂಪಸ್‌ ಒಳಗಿನ ಒಂದು ರಸ್ತೆಗೆ, ಹಿಂದುತ್ವ ವಿಚಾರಧಾರೆಯನ್ನು ಹೊಂದಿದ್ದ ಸಾವರ್ಕರ್‌ ಅವರ ಹೆಸರನ್ನಿಡಲಾಗಿದ್ದು, ಇದಕ್ಕೆ ಜೆಎನ್‌ಯು ವಿದ್ಯಾರ್ಥಿ ಸಂಘಟನೆ (ಜೆಎನ್‌ಯುಎಸ್‌ಯು) ವಿರೋಧ ವ್ಯಕ್ತಪಡಿಸಿತ್ತು.

‘ರಸ್ತೆಗೆ ಸಾವರ್ಕರ್‌ ಅವರ ಹೆಸರನ್ನಿಡಲು ಜೆಎನ್‌ಯು ಆಡಳಿತವು ಕಳೆದ ವರ್ಷ ತೀರ್ಮಾನಿಸಿತ್ತು. ಅದರಂತೆ ನಾಮಫಲಕವನ್ನೂ ಅಳವಡಿಸಲಾಗಿತ್ತು. ಆದರೆ ಎಡಪಂಥೀಯ ವಿದ್ಯಾರ್ಥಿ ಸಂಘಟನೆಯು ಅದನ್ನು ವಿರೂಪಗೊಳಿಸಿ, ಅದರ ಮೇಲೆ ‘ಮಹಮ್ಮದಲಿ ಜಿನ್ನಾ ಮಾರ್ಗ’ ಎಂಬ ಫಲಕ ಅಳವಡಿಸಿದೆ’ ಎಂದು ಎಬಿವಿಪಿ ಜೆಎನ್‌ಯು ಘಟಕದ ಅಧ್ಯಕ್ಷ ಶಿವಂ ಚೌರಾಸಿಯಾ ಆರೋಪಿಸಿದ್ದಾರೆ.

‘ಕೆಲವು ವಿದ್ಯಾರ್ಥಿಗಳು ‘ಸಾವರ್ಕರ್‌ ಮಾರ್ಗ’ ಎಂಬ ಫಲಕದ ಮೇಲೆ ಬಣ್ಣ ಬಳಿದು ಅದರ ಮೇಲೆ ‘ಅಂಬೇಡ್ಕರ್‌ ಮಾರ್ಗ’ ಎಂದು ಬರೆದಿದ್ದರು. ಸ್ವಲ್ಪ ಸಮಯದ ಬಳಿಕ ಅದೇ ಫಲಕದ ಮೇಲೆ ಇನ್ಯಾರೋ ಜಿನ್ನಾ ಹೆಸರಿನ ಫಲಕವನ್ನು ಹಾಕಿದ್ದರು’ ಎಂದು ಮೂಲಗಳು ತಿಳಿಸಿವೆ. ಜೆಎನ್‌ಯು ಆಡಳಿತವಾಗಲಿ, ವಿದ್ಯಾರ್ಥಿ ಸಂಘಟನೆಯಾಗಲಿ ಈ ಬಗ್ಗೆ ಯಾವುದೇ ಪ್ರತಿಕ್ರಿಯೆಯನ್ನು ನೀಡಿಲ್ಲ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT