ಭಾನುವಾರ, ಜೂಲೈ 5, 2020
28 °C

ಸರ್ಕಾರಿ ನೌಕರರ ಪಿಂಚಣಿ ಪರಿಷ್ಕರಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ: ಸರ್ಕಾರಿ ನೌಕರ ಏಳು ವರ್ಷಗಳ ಸೇವಾವಧಿ ಮುಗಿಯುವ ಮೊದಲೇ ಮೃತಪಟ್ಟಲ್ಲಿ, ಅವರ ಕುಟುಂಬಕ್ಕೆ 10 ವರ್ಷ ಕಾಲ ನೌಕರನ ಕಡೆಯ ವೇತನದ ಶೇ 50ರಷ್ಟು ಪಿಂಚಣಿಯಾಗಿ ದೊರೆಯಲಿದೆ.

ಇದುವರೆಗೂ ಇಂಥ ಪ್ರಕರಣಗಳಲ್ಲಿ ಪಿಂಚಣಿಯಾಗಿ ಶೇ 30ರಷ್ಟು ನೀಡಲಾಗುತ್ತಿತ್ತು. ಏಳು ವರ್ಷ ಕಾಲ ಸೇವೆ ಮುಗಿದಿದ್ದರೆ ಮಾತ್ರ ಶೇ 50ರಷ್ಟು ಸಿಗುತ್ತಿತ್ತು. 10 ವರ್ಷದ ಬಳಿಕ ಈ ಪ್ರಮಾಣ ಶೇ 30 ಆಗಲಿದೆ.

ಕೇಂದ್ರ ನಾಗರಿಕ ಸೇವೆ (ಪಿಂಚಣಿ) ನಿಯಮಗಳು 1972ಕ್ಕೆ ಸರ್ಕಾರ ತಿದ್ದುಪಡಿ ಮಾಡಿದೆ. ಪರಿಷ್ಕೃತ ಆದೇಶ ಅಕ್ಟೋಬರ್‌ 1ರಿಂದ ಜಾರಿಗೆ ಬರಲಿದೆ.

ಕೇಂದ್ರ ಸಿಬ್ಬಂದಿ ಮತ್ತು ಸಾರ್ವಜನಿಕ ಅಹವಾಲು, ಪಿಂಚಣಿ ಸಚಿವಾಲಯವು ‘ಸೇವೆ ಆರಂಭದ ವರ್ಷಗಳಲ್ಲಿ ವೇತನ ಕಡಿಮೆ ಇರಲಿದೆ. ಅಕಾಲಿಕ ಮೃತ್ಯು ಸಂದರ್ಭದಲ್ಲಿ ಕುಟುಂಬಕ್ಕೆ ನೆರವಾಗಲು ಈ ಪರಿಷ್ಕರಣೆ ಕೈಗೊಳ್ಳಲಾಗಿದೆ ಎಂದು ತಿಳಿಸಿದೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು