ರಾಜಸ್ಥಾನ: ಎರಡು ಕ್ಷೇತ್ರಗಳಲ್ಲಿ ಸಿಪಿಎಂ ಮುನ್ನಡೆ

ಜೈಪುರ: ಬಿಜೆಪಿ ಅಧಿಕಾರವಿರುವ ರಾಜಸ್ಥಾನದಲ್ಲಿ ಸಿಪಿಎಂ ಎರಡು ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದೆ. ಮೂರು ಕ್ಷೇತ್ರಗಳಲ್ಲಿ ಗೆಲ್ಲುವ ಸಾಧ್ಯತೆ ಇದ್ದು, 10,000ಕ್ಕಿಂತಲೂ ಹೆಚ್ಚು ಮತಗಳಿಸುತ್ತೇವೆ ಎಂದು ಸಿಪಿಎಂ ವಿಶ್ವಾಸ ವ್ಯಕ್ತ ಪಡಿಸಿದೆ. ಆದಾಗ್ಯೂ, ಇಲ್ಲಿ ಎರಡು ಸೀಟು ಗೆಲ್ಲುವುದು ಬಹುತೇಕ ನಿಚ್ಚಳವಾಗಿದೆ. ಈ ಬಾರಿ 28 ಕ್ಷೇತ್ರಗಳಲ್ಲಿ ಸಿಪಿಎಂ ಕಣಕ್ಕಿಳಿದಿತ್ತು.

ಭದ್ರಾ ಕ್ಷೇತ್ರದಲ್ಲಿ ಬಲ್ವಾನ್ ಮತ್ತು ಧುಂಗ್ರಾ ಕ್ಷೇತ್ರದಲ್ಲಿ ಗಿರಿಧರ್ ಲಾಲ್  ಭಾರಿ ಮುನ್ನಡೆ ಸಾಧಿಸಿದ್ದಾರೆ.

Official ECI trends: Congress leading on 100 seats, BJP leading on 73 seats, BSP on 5, CPM on 2 and others on 19 seats in Rajasthan. #AssemblyElections2018 pic.twitter.com/poyjudtPjT

— ANI (@ANI) December 11, 2018

2008ರಲ್ಲಿ ಸಿಪಿಎಂಗೆ ಉತ್ತಮ ಬೆಂಬಲ ಸಿಕ್ಕಿತ್ತು. ಧೋದ್, ದಾಂತರಂಗಾಡ್, ಅನೂಪ್ ನಗರ್ ಮೊದಲಾದ ಕ್ಷೇತ್ರಗಳಲ್ಲಿ ಸಿಪಿಎಂ ಗೆಲುವು ಸಾಧಿಸಿತ್ತು.

ರೈತರು ಸಿಪಿಎಂ ಪರವಾಗಿ ನಿಂತಿರುವುದೇ ಇಲ್ಲಿ ಮುನ್ನಡೆ ಸಾಧಿಸಲು ಸಾಧ್ಯವಾಗಿದ್ದು, ಈ ಬಾರಿ ಸಿಪಿಎಂ ಹಲವಾರು ರೈತ ಪರ ಹೋರಾಟಗಳನ್ನು ನಡೆಸಿತ್ತು. ರೈತರ ಸಾಲ ಮನ್ನಾ, ರೈತರಿಗೆ ನೀರಿನ ಸೌಕರ್ಯ ಒದಗಿಸುವುದು, ಹೆಚ್ಚಿಸಿದ ವಿದ್ಯುತ್ ದರದ ವಿರುದ್ಧ ಸಿಪಿಎಂ ಪ್ರತಿಭಟನೆ ನಡೆಸಿತ್ತು. ರೈತರ ಒತ್ತಾಯಕ್ಕೆ ಮಣಿದು ಮುಖ್ಯಮಂತ್ರಿ ವಸುಂಧರಾ ರಾಜೇ ₹50,000 ವರೆಗಿನ ಸಾಲ  ಮನ್ನಾ ಮಾಡಿದ್ದರು. ಈ ರೀತಿಯ ರೈತ ಪರ ಹೋರಾಟದಿಂದಾಗಿ ರೈತರು ಇಲ್ಲಿ ಸಿಪಿಎಂ ಕೈ ಹಿಡಿದಿದ್ದಾರೆ.