ಬೂತ್‌ನಲ್ಲಿ ಸೆಲ್ಫಿ: ದೂರು ದಾಖಲು

ನೀತಿ ಸಂಹಿತೆ ಉಲ್ಲಂಘಿಸಿದವರಲ್ಲಿ ಹೆಚ್ಚಿನವರು ಮತದಾನ ಮಾಡುತ್ತಿದ್ದಾಗ ಮತಯಂತ್ರವೂ ಕಾಣಿಸುವಂತೆ ಸೆಲ್ಫಿ ತೆಗೆದು, ಆ ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್‌ಲೋಡ್‌ ಮಾಡಿದವರಾಗಿದ್ದಾರೆ.

ನೈನಿತಾಲ್‌, ಉಧಂಸಿಂಗ್‌ ನಗರ, ಹರಿದ್ವಾರ ಹಾಗೂ ಪುರಿಯ ವಿವಿಧ ಮತಗಟ್ಟೆಗಳಲ್ಲಿ ಈ ಪ್ರಕರಣಗಳು ನಡೆದಿವೆ. ಇದಲ್ಲದೆ, ಕರ್ತವ್ಯದ ಸಮಯದಲ್ಲಿ ಮದ್ಯಪಾನ ಮಾಡಿದ್ದ ಸಿಬ್ಬಂದಿಯೊಬ್ಬನನ್ನು ಚುನಾವಣಾ ಕೆಲಸದಿಂದ ವಜಾ ಮಾಡಿರುವುದಾಗಿಯೂ ಚುನಾವಣಾ ಆಯೋಗದ ಕಚೇರಿ ಬಿಡುಗಡೆ ಮಾಡಿರುವ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.