ಬುಧವಾರ, ಏಪ್ರಿಲ್ 1, 2020
19 °C
ಅಹಮದಾಬಾದ್‌ ವಿಮಾನ ನಿಲ್ದಾಣದಲ್ಲಿ ಘಟನೆ

ಗೋಏರ್‌ ವಿಮಾನದೊಳಗೆ ಎರಡು ಪಾರಿವಾಳ!: ಆತಂಕಗೊಂಡ ಪ್ರಯಾಣಿಕರು

ಪಿಟಿಐ Updated:

ಅಕ್ಷರ ಗಾತ್ರ : | |

ಅಹಮದಾಬಾದ್‌: ಶುಕ್ರವಾರ ಸಂಜೆಯ 5 ಗಂಟೆಯ ವೇಳೆ ಗೋಏರ್‌ ಜಿ8 702 ವಿಮಾನದಲ್ಲಿ ಅಹಮದಾಬಾದ್‌ನಿಂದ ಜೈಪುರಕ್ಕೆ ಹೊರಡಲು ಸಜ್ಜಾಗಿದ್ದ ಪ್ರಯಾಣಿಕರಿಗೆ ಆಶ್ಚರ್ಯ ಕಾದಿತ್ತು. ವಿಮಾನ ಹಾರಾಟಕ್ಕೆ ಕೆಲ ನಿಮಿಷಗಳಷ್ಟೇ ಉಳಿದಿದ್ದಾಗ, ವಿಮಾನದ ಲಗೇಜ್‌ ಶೆಲ್ಫ್‌ ಒಳಗಿಂದ ಎರಡು ಪಾರಿವಾಳಗಳು ಹೊರಬಂದು ವಿಮಾನದೊಳಗೇ ಹಾರಾಡಿದ ಘಟನೆ ನಡೆದಿದೆ.  

ಅಹಮದಾಬಾದ್‌ ವಿಮಾನ ನಿಲ್ದಾಣದಲ್ಲಿ ನಡೆದ ಈ ಘಟನೆಯನ್ನು ಹಲವು ಪ್ರಯಾಣಿಕರು ತಮ್ಮ ಮೊಬೈಲ್‌ನಲ್ಲಿ ಚಿತ್ರೀಕರಿಸಿಕೊಂಡಿದ್ದಾರೆ. ವಿಮಾನದ ಸಿಬ್ಬಂದಿ ಪಾರಿವಾಳಗಳನ್ನು ಹೊರಗಡೆ ಓಡಿಸಲು ಪ್ರಯತ್ನಿಸುತ್ತಿರುವ ದೃಶ್ಯ ಹಾಗೂ ಪ್ರಯಾಣಿಕರು ನಗುತ್ತಿರುವ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

‘ಪ್ರಯಾಣಿಕರು ಹತ್ತುವ ಸಂದರ್ಭದಲ್ಲೇ ಎರಡು ಪಾರಿವಾಳಗಳು ವಿಮಾನದೊಳಗೆ ಪ್ರವೇಶಿಸಿವೆ. ನಂತರ ಸಿಬ್ಬಂದಿ ಇದನ್ನು ಹೊರಗೆ ಓಡಿಸಿದ್ದಾರೆ. ವಿಮಾನ ನಿಗದಿತ ಸಮಯಕ್ಕೇ ಹಾರಾಟ ಆರಂಭಿಸಿದೆ’ ಎಂದು ಪ್ರಕಟಣೆಯಲ್ಲಿ ಘಟನೆ ಕುರಿತು ಗೋಏರ್‌ ವಿಮಾನ ಸಂಸ್ಥೆಯ ವಕ್ತಾರರು ತಿಳಿಸಿದ್ದಾರೆ.   

ಪದೇ ಪದೇ ವಿಮಾನ ಹಾರಾಟಕ್ಕೆ ಅಡ್ಡಿ: ಘಟನೆ ಕುರಿತು ಅಹಮದಾಬಾದ್‌ ವಿಮಾನ ನಿಲ್ದಾಣದ ಅಧಿಕಾರಿಗಳ ವಿರುದ್ಧ ಗೋಏರ್‌ ಅಧಿಕಾರಿಗಳು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ವಿಮಾನ ನಿಲ್ದಾಣದಲ್ಲಿ ವಿಮಾನಕ್ಕೆ ಹಕ್ಕಿ ಬಡಿಯುವುದು, ರನ್‌ವೇನಲ್ಲಿ ನಾಯಿ, ಮಂಗಗಳ ಉಪದ್ರವ ಅಧಿಕವಾಗಿದೆ ಎಂದಿದ್ದಾರೆ.

ಫೆ.18ರಂದು 131 ಪ್ರಯಾಣಿಕರಿದ್ದ ಅಹಮದಾಬಾದ್‌–ಬೆಂಗಳೂರು ಗೋಏರ್‌ ವಿಮಾನ ಟೇಕ್‌ಆಫ್‌ ಸಂದರ್ಭದಲ್ಲಿ ಹಕ್ಕಿ ಬಡಿದ ಕಾರಣ ತುರ್ತು ಭೂಸ್ಪರ್ಶ ಮಾಡಿತ್ತು. ರನ್‌ವೇನಲ್ಲಿ ಮಂಗಗಳು, ಲಂಗೂರ್‌ಗಳ ಕಾಟ ತಪ್ಪಿಸಲು ಕರಡಿ ವೇಷದಲ್ಲಿ ಸಿಬ್ಬಂದಿಯನ್ನು ವಿಮಾನ ನಿಲ್ದಾಣದ ಅಧಿಕಾರಿಗಳು ನಿಯೋಜಿಸಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು