ಹೊಸಪೇಟೆ: ವಿಜಯನಗರ ಕ್ಷೇತ್ರದಶಾಸಕ ಆನಂದ್ ಸಿಂಗ್ ಅವರು ಮಂಗಳವಾರ ಬೆಳಿಗ್ಗೆ ಇಲ್ಲಿನ ಸರ್ಕಾರಿ ಬಾಲಕಿಯರ ಪದವಿಪೂರ್ವ ಕಾಲೇಜಿನ ಮತಗಟ್ಟೆ ಸಂಖ್ಯೆ 21ರಲ್ಲಿ ಹಕ್ಕು ಚಲಾಯಿಸಿದರು.
ಚುನಾವಣಾ ಪ್ರಚಾರದಿಂದ ದೂರ ಉಳಿದಿದ್ದ ಆನಂದ್ ಸಿಂಗ್ ಅವರು,ತಂದೆ ಪೃಥ್ವಿರಾಜ್ ಸಿಂಗ್ ಹಾಗೂ ಹೆಂಡತಿ ಲಕ್ಷ್ಮಿ ಸಿಂಗ್ ಜತೆಯಲ್ಲಿ ತೆರಳಿ ಮತ ಚಲಾಯಿಸಿದರು.
ಪ್ರತಿ ವರ್ಷ ಹಕ್ಕು ಚಲಾಯಿಸುವಾಗಮಾಧ್ಯಮದವರಿಗೆ ತಿಳಿಸುತ್ತಿದ್ದ ಅವರು ಈ ಬಾರಿಮಾಧ್ಯಮದವರಿಗೂ ತಿಳಿಸಲಿಲ್ಲ.
ಕಂಪ್ಲಿ ಶಾಸಕ ಜೆ.ಎನ್.ಗಣೇಶ್ ಅವರಿಂದ ಹಲ್ಲೆಗೊಳಗಾದ ನಂತರ ಆನಂದ್ ಸಿಂಗ್ ಕ್ಷೇತ್ರ ಹಾಗೂ ಕ್ಷೇತ್ರದ ಜನರಿಂದ ಅಂತರ ಕಾಯ್ದುಕೊಂಡಿದ್ದಾರೆ. ನಗರಕ್ಕೆ ಬಂದರೂ ಸಾರ್ವಜನಿಕರು, ಪಕ್ಷದ ಮುಖಂಡರನ್ನು ಭೇಟಿ ಮಾಡುತ್ತಿಲ್ಲ.
